រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរស២នាក់ជិះម៉ូតូហុងឌ្រីម មកទទួលមិត្តភ័ក្ដិម្នាក់ទៀតបំរុងដើរលេងយប់ ក៏ស្រាប់តែត្រូវជនសង្ស័យមួយក្រុមយកដាវកែច្នៃមកធ្វើសកម្មភាពដេ.ញកា.ប់ប្ល.ន់យកម៉ូតូទៅបាត់ បង្កឱ្យមានការភ្ញាក់ផ្អើលកាលពីវេលាម៉ោង១និង៣០នាទីយប់រំលងអធ្រាត្រឈានចូលថ្ងៃទី៣១ ខែកក្កដា ឆ្នាំ២០២៣ នៅជិតតំបន់មិនរៀបរយ ផ្លូវ៦០ម៉ែត្រ ស្ថិតក្នុងសង្កាត់ចាក់អង្រែលើ ខណ្ឌមានជ័យ។
សេចក្តីរាយការណ៍បានឱ្យដឹងថា ជនរងគ្រោះជាម្ចាស់ម៉ូតូខាងលើមានឈ្មោះ គីម ឡុង ភេទប្រុស អាយុ១៨ឆ្នាំ មុខរបរអ្នកដឹកជញ្ជូនម្ហូបអាហារ ស្នាក់នៅផ្ទះជួល ម្តុំវត្តសន្សំកុសល ស្ថិតក្នុងសង្កាត់បឹងទំពន់ទី១ ខណ្ឌមានជ័យ។ ចំណែកម៉ូតូដែលត្រូវជនសង្ស័យប្ល.ន់យកទៅនោះ ម៉ាកហុងដាឌ្រីម ស៊េរីឆ្នាំ២០១០ ឡើងស៊េរីឆ្នាំ២០២១ ពណ៌ខ្មៅ ពាក់ស្លាកលេខ ស្វាយរៀង មិនចាំលេខ។
តាមការរៀបរាប់របស់ជនរងគ្រោះ បានអោយដឹងថា មុនពេលកើតហេតុ ពួកគេមានគ្នា២នាក់មិត្តភក្តិ បានជិះម៉ូតូហុងដាឌ្រីម ចេញពីផ្ទះជួលម្តុំវត្តសន្សំកុសល ក្នុងគោលបំណងទៅយកមិត្តភក្ដិម្នាក់ទៀតនៅម្តុំជិតខុនដូមួយកន្លែងក្បែរទាំងកើតហេតុ ដើម្បីដើរលេងបន្ត។ លុះពេលធ្វើដំណើរមកដល់ មិនទាន់បានជួបមិត្តភក្តិផង ក៏ស្រាប់ត្រូវជនសង្ស័យចំនួន២នាក់ជិះម៉ូតូប្រភេទអូតូ មិនស្គាល់ម៉ាក មកធ្វើសកម្មភាពយកដាវកែច្នៃដេ.ញកា.ប់ពួកគេទាំង២នាក់។ ហើយពេលនោះ ពួកគាត់ទាំង២នាក់ភ័យស្លន់ស្លោរពេកក៏រត់ចោលម៉ូតូតែម្តង ចំណែកបក្សពួកជនសង្ស័យនាំគ្នាលើកម៉ូតូ រួចជិះយកទៅបាត់ស្រមោលទៅ។
ពាក់ព័ន្ធក្នុងហេតុការណ៍ខាងលើនេះដែរ លុះបន្តិចក្រោយមក ក៏មានមិត្តភក្ដិរបស់ជនរងគ្រោះម្នាក់ទៀតបានចេញមកជួបជនរងគ្រោះ ហើយសមត្ថកិច្ចមូលដ្ឋានក៏បានចុះទៅកន្លែងកើតហេតុ ដើម្បីធ្វើការពិនិត្យ និងសួរនាំពីហេតុការណ៍ផងដែរ។
ក្រោយពេលកើតហេតុ ជនរងគ្រោះ រួមទាំងមិត្តភក្ដិទាំងអស់ ត្រូវបានសមត្ថកិច្ចនាំយកទៅសួរនាំ និងដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលចាក់អង្រែលើ ដើម្បីឱ្យសមត្ថកិច្ចធ្វើការស្រាវជ្រាវកំណត់មុខសញ្ញាជនសង្ស័យផងដែរ៕
ចែករំលែកព័តមាននេះ