រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា យុវជនម្នាក់ត្រូវបានសន្តិសុខយាមក្លិប X ZOOM ធ្វើការឃាត់ខ្លួន រួចនាំយកទៅក្នុងក្លិបបាត់ ដោយមិនដឹងថា តើមានមូលហេតុអ្វី? ឬក៏មានរឿងអ្វីឡើយ? បង្កឱ្យមានការភ្ញាក់ផ្អើលកាលពីវេលាម៉ោង១និង៣០នាទីរំលងអធ្រាត្រឈានចូលថ្ងៃទី៣១ ខែកក្កដា ឆ្នាំ២០២៣ នៅចំណុចក្លិបកម្សាន្ត X ZOOM ជាប់តាមបណ្ដោយផ្លូវវេងស្រេង ស្ថិតក្នុងភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ។
បើតាមប្រភពព័ត៌មានពីកន្លែងកើតហេតុ ក៏បាននិយាយប្រាប់ឱ្យដឹងថា នៅមុនពេលកើតហេតុ ក្លិបខាងលើនេះ គឺមានភ្ញៀវនាំគ្នាចូលលេងកម្សាន្តជាច្រើនគ្នា ដោយកើតមានហិ.ង្សារវាងយុវជន២ក្រុម និងដេញកា.ប់គ្នានៅក្នុងក្លិបទៀតផង។ បន្ទាប់មកកម្លាំងសន្តិសុខយាមក្លិប ក៏ជួយអន្តរាគមន៍ភ្លាមៗ នៅពេលនោះក្រុមសន្តិសុខក្លិប X ZOOM ខាងលើ ក៏បានធ្វើការឃាត់យុវជនម្នាក់យកទៅវា.យនៅក្នុងក្លិប ដើម្បីសួរនាំ។
តាមប្រភពព័ត៌មានពីមិត្តភ័ក្ដិយុវជនម្នាក់ដែលត្រូវសន្តិសុខឃាត់ ក៏បានប្រាប់ដែរថា នៅមុនពេលកើតហេតុ ពួកគាត់មានគ្នាប្រមាណជិត១០នាក់ បាននាំគ្នាមកលេង និងផឹករួចរាល់ ទើបក្រុមសន្តិសុខ ធ្វើការឃាត់ខ្លួនមិត្តភ័ក្ដិរបស់គាត់ ហើយវា.យចូលទៅក្នុងក្លិបបាត់តែម្តង។
ចំណែកប្រភពពីបងប្អូនប្រជាពលរដ្ឋនៅកន្លែងកើតហេតុវិញ បាននិយាយប្រាប់ថា ទីតាំងក្លិបXZOOM ខាងលើនេះ គឺមានក្មេងៗប្រមូលផ្តុំគ្នានៅមុខក្លិប និងនៅតាមដងផ្លូវយ៉ាងអនាធិបតេយ្យ ដែលបង្កឱ្យកើតហេតុមានហិ.ង្សាជាញឹកញាប់ផងដែរ។ ប្រជាពលរដ្ឋបន្តទៀតថា ក្លិបXZOOM នេះ ក៏ធ្លាប់ប្រើអំពើហ.ង្សាជាច្រើនលើកមកហើយ និងធ្លាប់មានសមត្ថកិច្ច ព្រមទាំងអាជ្ញាធរចុះណែនាំម្តងរួចមកហើយដែរ។
រីឯសន្តិសុខយាមក្លិប XZOOM ខាងលើ ក៏បានធ្វើការបដិសេធថា ពួកគាត់មិនបានឃាត់ខ្លួន និងវា.យយុវជនម្នាក់ខាងលើនោះឡើយ គ្រាន់តែឃាត់ខ្លួនយកមកសួរនាំ និងភាគីម្ខាងទៀត ក៏មិនបានឃាត់ដែរ។
លុះមួយសន្ទុះក្រោយមក យុវជនត្រូវសន្តិសុខឃាត់ខាងលើ បានចេញមកវិញ ហើយក៏បានបញ្ជាក់ប្រាប់ថា ក្រុមសន្តិសុខក្លិប XZOOM ខាងលើ ពួកគាត់មិនបានវា.យខ្លួនឡើយ គ្រាន់តែឃាត់សួរនាំតែប៉ុណ្ណោះ៕
ចែករំលែកព័តមាននេះ