ជំនន់ទឹកភ្លៀង! លិចលង់ផ្ទះសម្បែង និងផ្លូវជាតិលេខ៣៣ ធ្វើឱ្យពលរដ្ឋជួបការលំបាក
- កំពត
ជំនន់ទឹកភ្លៀង បានបណ្ដាលឱ្យលិចលង់ផ្ទះសម្បែងរបស់ប្រជាពលរដ្ឋនៅស្រុកកំពង់ត្រាច និងទឹកហូរកាត់ផ្លូវជាតិលេខ៣៣ផងដែរ នៅត្រង់ចំណុច
ខេត្តកំពត ៖ បើតាមសេចក្តីរាយការណ៍បឋមបានឱ្យដឹងថា ជំនន់ទឹកភ្លៀង បានបណ្ដាលឱ្យលិចលង់ផ្ទះសម្បែងរបស់ប្រជាពលរដ្ឋនៅស្រុកកំពង់ត្រាច និងទឹកហូរកាត់ផ្លូវជាតិលេខ៣៣ផងដែរ នៅត្រង់ចំណុចភូមិអូរច្រនៀង ឃុំកំពង់ត្រាចខាងលិច ស្រុកកំពង់ត្រាច កាលពីព្រឹកថ្ងៃទី៣០ ខែកក្កដា ឆ្នាំ២០២៣ ជាហេតុធ្វើឱ្យអ្នកបើកបររថយន្ត និងអ្នកជិះម៉ូតូពិបាកក្នុងការធ្វើការឆ្លងកាត់ទៅមក។
លោកអធិការនគរបាលស្រុកកំពង់ត្រាច បាននិយាយប្រាប់អោយដឹងថា កម្លាំងនគរបាលជាង២០នាក់កំពុងតែចុះជួយជញ្ជូនទ្រព្យសម្បត្តិរបស់បងប្អូនប្រជាពលរដ្ឋដែលរងគ្រោះដោយសារជំនន់ទឹកភ្លៀងហើយ។
លោកអធិការនគរបាលបាននិយាយបន្តទៀតថា ចំណែកឯនគរបាលមួយផ្នែកទៀត ក៏កំពុងតែជួយសម្រួលចរាចរណ៍ឱ្យអ្នកបរបររថយន្ត និងម៉ូតូដែលបើកឆ្លងកាត់ផ្លូវជាតិលេខ៣៣ ខណៈទឹកកំពុងតែហូរកាត់យ៉ាងខ្លាំង។
ទោះជាយ៉ាងណា បើតាមរបាយការណ៍បានប្រាប់ជាបឋមឱ្យដឹងថា ពលរដ្ឋដែលរងគ្រោះដោយសារជំនន់ទឹកភ្លៀងខាងលើនេះ នៅមិនទាន់បានដឹងអំពីចំនួននៅឡើយទេ ព្រោះថា អាជ្ញាធរស្រុក កំពុងតែចុះទៅកាន់លំនៅដ្ឋានរបស់ប្រជាពលរដ្ឋដែលងាយរងគ្រោះ ដើម្បីស្រង់សន្និតិហើយ។
ព័ត៌មានបន្ថែមនឹងមានផ្សាយជូននៅពេលក្រោយបន្តទៀត។
ចែករំលែកព័តមាននេះ