រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា មានហេតុការណ៍មួយបង្កឱ្យការភ្ញាក់ផ្អើលយ៉ាងខ្លាំង ខណៈប្រជាពលរដ្ឋបាននាំគ្នាជួយស្រង់ក្មេ.ងប្រុសអាយុជិត១០ឆ្នាំម្នាក់ចេញពីប្រឡាយទឹកស្អុយ ដែលពួកគាត់ដាក់ការសង្ស័យថា ក្មេ.ងប្រុសរូបនេះប្រហែលជាលោ.តដើម្បីបញ្ច.ប់ជីវិ.តខ្លួនហើយ បង្កឱ្យមានការភ្ញាក់ផ្អើលកាលពីវេលាម៉ោង១០និង១៥នាទីយប់ ថ្ងៃទី២៩ ខែកក្កដា ឆ្នាំ២០២៣ នៅត្រង់ចំណុចប្រឡាយទឹកស្អុយក្បែរស្ពានស្ទឹងមាជ័យ ស្ថិតក្នុងសង្កាត់ស្ទឹងមានជ័យទី២ ខណ្ឌមានជ័យ។
បើតាមសេចក្តីរាយការណ៍បន្តថា ក្មេ.ងប្រុសខាងលើនេះ មានអាយុជិត១០ឆ្នាំ ហើយនៅមិនទាន់បានស្គាល់អត្តសញ្ញាណនោះទេ។
តាមប្រភពព័ត៌មានពីប្រជាពលរដ្ឋដែលរស់នៅកន្លែងកើតហេតុ បានប្រាប់ឲ្យដឹងថា មុនពេលកើតហេតុ ពួកគាត់នាំគ្នាអង្គុយលេងនៅក្បែរមាត់ប្រឡាយ ស្រាប់តែប្រទះឃើញក្មេ.ងប្រុសម្នាក់បានហែលទឹកក្នុងប្រឡាយស្អុយ។ បន្ទាប់មកក៏មានបងប្រុសម្នាក់ចុះទៅស្រង់ក្មេ.ងប្រុសរូបនោះមកលើគោកវិញ ប៉ុន្តែក្មេ.ងនោះមិនព្រមឡើងមកលើគោកវិញទេ បែរជាស្រែកយំទៅវិញ។ ភ្លាមៗនោះ បងប្អូនប្រជាពលរដ្ឋក៏នាំគ្នាជួយចាប់ និងសួរនាំដែរ តែក្មេ.ងប្រុសរូបនេះមិននិយាយស្ដីអ្វីទាំងអស់ គិតតែស្រែកយំ ហើយទាមទារតែលោ.តចុះទឹកប្រឡាយវិញ។
តាមការបញ្ជាក់ពីប្រជាពលរដ្ឋបានប្រាប់បន្តថា ពួកគាត់មិនដែលបានឃើញ ឬក៏ស្គាល់ក្មេ.ងប្រុសខាងលើនោះទេ ហើយក្មេ.ងប្រុសរូបនេះក៏មិនមែនជាអ្នកភូមិរបស់ពួកគាត់ដែរ ដូច្នេះមិនដឹងថា តើក្មេ.ងរូបនេះមកពីណានោះដែរ?។
ក្រោយមកដោយសារតែឃាត់ និងលួងលោមក្មេ.ងប្រុសរូបនេះមិនស្ដាប់ ប្រជាពលរដ្ឋក៏បានរាយការណ៍ទៅសមត្ថកិច្ចប៉ុស្តិ៍នគរបាលរដ្ឋបាលស្ទឹងមានជ័យទី២ ដើម្បីឱ្យចុះមកកន្លែងកើតហេតុភ្លាមៗតែម្តង។
នៅពេលទទួលបានព័ត៌មានភ្លាម កម្លាំងប៉ុស្តិ៍នគរបាលរដ្ឋបាលស្ទឹងមានជ័យទី២ ក៏ចុះមកដល់កន្លែងកើតហេតុ ហើយក៏សួនាំទៅក្មេ.ងប្រុសរូបនោះទៀត តែក្មេ.ងប្រុសរូបនោះមិនព្រមឆ្លើយអ្វីឡើយ។ បន្ទាប់មកនគរបាលក៏បានល្បួងក្មេ.ងប្រុសរូបនោះយកទៅប៉ុស្តិ៍ តែក្មេ.ងរូបនោះនៅតែមិនព្រមទៅតាមសមត្ថកិច្ចទេ ហើយសមត្ថកិច្ចក៏លួងលោមទិញទឹកក្រូចឲ្យផឹក នៅពេលដែលទិញរួចហើយ ក្មេ.ងប្រុសរូបនោះក៏រត់ចេញពីសមត្ថកិច្ច ក្នុងគោលបំណងទៅលោ.តទឹកបន្តពីលើស្ពានម្ដងទៀត ប៉ុន្តែក៏ត្រូវប្រជាពលរដ្ឋ និងសមត្ថកិច្ចជួយចាប់លើកដាក់ម៉ូតូ រួចដឹកយកទៅប៉ុស្តិ៍ ដើម្បីស្វែងរកសាច់ញាតិមកទទួលក្មេ.ងប្រុសខាងលើ ឲ្យត្រឡប់ទៅផ្ទះវិញ។
ចែករំលែកព័តមាននេះ