លោកស្រីអ៊ួង សាន់ស៊ូជី ត្រូវបានផ្ទេរពីពន្ធនាគារមកកាន់អគាររដ្ឋមួយ
ប្រទេសមីយ៉ាន់ម៉ា ៖ អ្នកទទួលខុសត្រូវគណបក្សសម្ព័ន្ធជាតិដើម្បីលទ្ធិប្រជាធិបតេយ្យ LND មួយរូប
ប្រទេសមីយ៉ាន់ម៉ា ៖ អ្នកទទួលខុសត្រូវគណបក្សសម្ព័ន្ធជាតិដើម្បីលទ្ធិប្រជាធិបតេយ្យ LND មួយរូបស្នើមិនបញ្ចេញឈ្មោះ គូសបញ្ជាក់នាថ្ងៃទី២៨ កក្កដាថា លោកស្រីអ៊ួងសាន់ស៊ូជី ដែលត្រូវផ្ដួលរំលំចេញពីអំណាច តាមរយៈរដ្ឋប្រហារយោធាមួយកាលពីឆ្នាំ២០២១ ត្រូវបានផ្ទេរពីពន្ធនាគារមកកាន់អគាររដ្ឋមួយ ។
ការផ្ទេរនោះធ្វើឡើងកាលពីយប់ថ្ងៃទី២៤មក២៥ កក្កដា រួចមេដឹកនាំត្រូវផ្ដួលរំលំរូបនោះពេល
នេះកំពុងស្ថិតក្នុងអគារទំនើបមួយ ។ តាមប្រភពដដែលនោះថា លោកស្រីស៊ូជី បានជួបជាមួយប្រធានសភារបស់ប្រទេសលោក TI KHUN MYAT ហើយប្រហែលជាជួបជាមួយលោកDENG XIJUAN បេសកជនពិសេសចិនទទួលបន្ទុកកិច្ចការអាស៊ី ដែលកំពុងបំពេញទស្សនកិច្ចនៅប្រទេសមីយ៉ាន់ម៉ា ។ ចំណែកប្រភពគណបក្សនយោបាយមួយទៀតនិយាយថា លោកស្រីស៊ូជីត្រូវបានផ្ទេរមកកាន់អគារ VIP មួយនៃរដ្ឋធានីណៃពិដោ ។
លោកស្រីស៊ូជី ត្រូវបានគេឃើញតែម្ដងគត់ចាប់តាំងពីលោកស្រីត្រូវចាប់ខ្លួនក្រោយរដ្ឋប្រហារយោធាថ្ងៃទី១កុម្ភៈ ឆ្នាំ២០២១មក តាមរយៈរូបភាពផ្សាយដោយបណ្ដាសារព័ត៌មានរដ្ឋដែលថតក្នុងបន្ទប់សវនាការមួយ ក្នុងរដ្ឋធានីណៃពិដោ ។ ស្ថានភាពសុខភាពរបស់លោកស្រីស៊ូជីអាយុ៧៨ឆ្នាំ នាំឲ្យមានការបារម្ភពិសេសចាប់តាំងពីលោកស្រីត្រូវនាំខ្លួនញឹកញាប់មកកាន់តុលាការ ។ លោកស្រីទទួលការកាត់ទោសដាក់ពន្ធនាគារ៣៣ឆ្នាំ ដោយសារបទចោទប្រកាន់មួយចំនួន។
រដ្ឋប្រហារយោធាបានរុញច្រានប្រទេសមីយ៉ាន់ម៉ាឲ្យធ្លាក់ចូលក្នុងជម្លោះមួយ នាំឲ្យមានជន
ភៀសខ្លួនជាង១លាននាក់ ។ នេះបើតាមតួលេខរបស់ អ.ស.ប ៕
ចែករំលែកព័តមាននេះ