ក្រុងប៉ោយប៉ែត ៖ ទឹកសុទ្ធរបស់ក្រុមហ៊ុនសៀមមួយចំនួនដែលនាំចូលមកកម្ពុជាត្រូវបានហាមឃាត់ ដោយសារអគ្គនាយកដ្ឋានកាំកុងត្រូលពិនិត្យតាមបច្ចេកទេសឃើញថា ខ្វះអនាម័យ។ ប្រភេទទឹកសុទ្ធដែលត្រូវហាមឃាត់មិនឱ្យនាំចូលមកកម្ពុជារួមមាន ទឹកសុទ្ធយីហោហេងហេង និងយីហោ ណាមធីប។ ទឹកសុទ្ធហេងហេងនេះ
ក្រុងប៉ោយប៉ែត ៖ ទឹកសុទ្ធរបស់ក្រុមហ៊ុនសៀមមួយចំនួនដែលនាំចូលមកកម្ពុជាត្រូវបានហាមឃាត់ ដោយសារអគ្គនាយកដ្ឋានកាំកុងត្រូលពិនិត្យតាមបច្ចេកទេសឃើញថា ខ្វះអនាម័យ។ ប្រភេទទឹកសុទ្ធដែលត្រូវហាមឃាត់មិនឱ្យនាំចូលមកកម្ពុជារួមមាន ទឹកសុទ្ធយីហោហេងហេង និងយីហោ ណាមធីប។ ទឹកសុទ្ធហេងហេងនេះ មានទាំងទឹកដបតូច និងប៊ីដុងធំចំណុះ២០លីត្រ។ ខណៈពេលអគ្គនាយកដ្ឋានកាំកុងត្រូលចេញការហាមឃាត់មិនឱ្យនាំចូលទឹកសុទ្ធទាំងនោះ គេឃើញមន្ត្រីកាំកុងត្រូលច្រកទ្វារអន្តរជាតិប៉ោយប៉ែតរឹតបន្តឹងក្នុងការត្រួតពិនិត្យគ្រប់រទេះរបស់កម្មករ ហើយណែនាំដល់កម្មករអូសរទេះទាំងអស់ឱ្យបញ្ឈប់ការនាំចូល។
បើតាមការឱ្យដឹងពីមន្ត្រីកាំកុងត្រូលឈរជើងនៅខ្លោងទ្វារប្រាសាទកំពូលបី នៃច្រកទ្វារអន្តរជាតិប៉ោយប៉ែតថា ការហាមឃាត់មិនឱ្យនាំចូលទឹកសុទ្ធរបស់ក្រុមហ៊ុនសៀមមួយចំនួនមកកម្ពុជានេះ ជាបទបញ្ជារបស់អគ្គនាយកដ្ឋានកាំកុងត្រូល ក្រោយពីយកទឹកសុទ្ធរបស់ក្រុមហ៊ុនទាំងនោះទៅពិនិត្យឃើញមានភាពមិនប្រក្រតី។
លោកអ៊ឹម ភាន់សុផល អភិបាលរងខេត្តបន្ទាយមានជ័យ បានលើកឡើងក្នុងអង្គប្រជុំនៅអគារច្រកទ្វារអន្តរជាតិប៉ោយប៉ែតនៅព្រឹកថ្ងៃទី៩ ឧសភា ថា នឹងជូនដំណឹងទៅលោកអភិបាលខេត្តស្រះកែវ ឱ្យជួយទប់ស្កាត់ និងឱ្យដឹងថា ទឹកសុទ្ធយីហោទាំងនោះមានភាពមិនប្រក្រតី។ លោកអ៊ុត សុភាព ប្រធានសាខាកាំកុងត្រូលខេត្តបន្ទាយមានជ័យ ភ្នាក់ងារកោះសន្តិភាពមិនអាចទាក់ទងសុំការបំភ្លឺបានឡើយទាក់ទិនរឿងនេះ៕
ចែករំលែកព័តមាននេះ