ជនសង្ស័យម្នាក់ត្រូវសមត្ថកិច្ចឃាត់ខ្លួន ក្រោយពីជនសង្ស័យរូបនេះចូលលួ.ចស្រាវខ្សែភ្លើងនៅក្នុងព្រលានយន្តអន្តរជាតិសៀមរាប ប៉ុន្តែនៅពេលជនរងគ្រោះប្រទះឃើញទាន់ ស្រាប់តែជនសង្ស័យស្ទុះទៅកា.ប់ជនរងគ្រោះតែម្តង។ លុះរហូតដល់វេលាម៉ោង
ខេត្តសៀមរាប ៖ ជនសង្ស័យម្នាក់ត្រូវសមត្ថកិច្ចឃាត់ខ្លួន ក្រោយពីជនសង្ស័យរូបនេះចូលលួ.ចស្រាវខ្សែភ្លើងនៅក្នុងព្រលានយន្តអន្តរជាតិសៀមរាប ប៉ុន្តែនៅពេលជនរងគ្រោះប្រទះឃើញទាន់ ស្រាប់តែជនសង្ស័យស្ទុះទៅកា.ប់ជនរងគ្រោះតែម្តង។ លុះរហូតដល់វេលាម៉ោង២និង០៥នាទីរសៀល ថ្ងៃទី២៤ ខែកក្កដា ឆ្នាំ២០២៣ ជនសង្ស័យក៏ត្រូវសមត្ថកិច្ចឃាត់ខ្លួនបាន នៅចំណុចព្រៃចម្ការ ក្នុងបរិវេណអាកាសយានដ្ឋានអន្តរជាតិសៀមរាបអង្គរ ស្ថិតក្នុងភូមិប្រវ៉ាល ឃុំតាយ៉ែក ស្រុកសូទ្រនិគម ខេត្តសៀមរាប។ នេះបើតាមប្រសាសន៍របស់លោកវរសេនីយ៍ឯក ឃឹម ផល្លា អធិការនគរបាលស្រុកសូទ្រនិគម បានប្រាប់ភ្នាក់ងារកោះសន្តិភាពតាមរយៈទូរស័ព្ទនៅវេលាម៉ោង១០និង៣០នាទីព្រឹក ថ្ងៃទី២៥ ខែកក្កដា ឆ្នាំ២០២៣នេះ។
ជនសង្ស័យខាងលើនេះ មានឈ្មោះ វ៉ាន់ វេន (ហៅ វិន) ភេទប្រុស អាយុ២២ឆ្នាំ ជាជនជាតិខ្មែរ មុខរបរមិនពិតប្រាកដ ទីកន្លែងកំណើត និងទីលំនៅបច្ចុប្បន្ននៅភូមិថ្នល់ចែក ឃុំសំរោង ស្រុកសូទ្រនិគម ខេត្តសៀមរាប។ ចំណែកជនរងគ្រោះវិញមានឈ្មោះ HUANG RAO ភេទប្រុស អាយុ២៧ឆ្នាំ ជាជនជាតិចិន បច្ចុប្បន្នស្នាក់នៅ និងធ្វើការក្នុងអាកាសយានដ្ឋានអន្តរជាតិសៀមរាបអង្គរ។
បើតាមលោកវរសេនីយ៍ឯក ឃឹម ផល្លា អធិការនគរបាលស្រុកសូទ្រនិគម បានបញ្ជាក់ថា មុនពេលកើតហេតុ នៅថ្ងៃទី២៤ ខែមិថុនា ឆ្នាំ២០២៣ វេលាម៉ោង០៣និង៤៥នាទីរសៀល ជនរង គ្រោះបានដើរទៅមើលសម្ភារៈផ្សេងៗដែលទុកនៅខាងក្រោយកន្លែងធ្វើការ ស្រាប់តែឃើញបុរសម្នាក់មិនស្គាល់អត្តសញ្ញាណ កំពុងតែលួ.ចស្រាវខ្សែភ្លើង។ ពេលនោះជនរងគ្រោះក៏បានស្រែកសួរជាភាសាចិនថា តើអ្នកណាធ្វើអ្វី0x017d7 ភ្លាមៗនោះជនសង្ស័យក៏ស្ទុះមកកា.ប់ជនរងគ្រោះតែម្តង។ ហើយពេលនោះ ជនរងគ្រោះក៏បានយកដៃឆ្វេងរង បណ្ដាលឱ្យត្រូវរបួសធ្ងន់រយះ.កដៃឆ្វេង១កន្លែង និងរយះក្រោមស្មាខាងស្ដាំ១កន្លែងទៀត។
អធិការនគរបាលស្រុកសូទ្រនិគម បញ្ជាក់ទៀតថា នៅពេលជនសង្ស័យធ្វើសកម្មភាពរួច ក៏បានយកខ្សែភ្លើងរត់គេចខ្លួនបាត់ស្រមោលទៅ។ ចំណែកជនរងគ្រោះវិញ ត្រូវបានមិត្តភក្តិដែលធ្វើការជាមួយគ្នាដឹកយកទៅព្យាបាលនៅមន្ទីរពេទ្យបង្អែកខេត្តសៀមរាប។ ក្រោយមកសមត្ថកិច្ចក៏ធ្វើការស្រាវជ្រាវ រហូតកំណត់មុខសញ្ញាបាន និងឃាត់ខ្លួនជនសង្ស័យតែម្តង។
ក្រោយពេលឃាត់ជនសង្ស័យបានហើយ កម្លាំងជំនាញក៏បានរៀបចំកសាងសំណុំរឿង និង បញ្ជូនខ្លួនជនសង្ស័យទៅការិយាល័យជំនាញខេត្តសៀមរាប ដើម្បីបន្តនីតិវិធី រួចរៀបចំកសាងសំណុំរឿងបញ្ជូនបន្តទៅកាន់តុលាការខេត្តសៀមរាប ចាត់ការតាមនីតិវិធីច្បាប់។
គួរបញ្ជាក់ផងដែរថា ប្រតិបត្តិការខាងលើនេះ អនុវត្តតាមបទបញ្ជារបស់លោកឧត្តមសេនីយ៍ទោ តេង ច័ន្ទណាត ស្នងការនគរបាលខេត្តសៀមរាប ក៏ដូចជាលោក គិម វណ្ណៈ អភិបាលស្រុកសូទ្រនិគម ព្រមទាំងដឹកនាំជំនាញដោយលោកឧត្តមសេនីយ៍ត្រី តូច សុគន្ធ ស្នងការរងទទួលផែនការងារអន្តោប្រវេសន៍, កម្លាំងចំណុះអធិការដ្ឋាននគរបាលស្រុកសូទ្រនិគម និងបានដឹកនាំបញ្ជាផ្ទាល់ដោយលោកវរសេនីយ៍ឯក ឃឹម ផល្លា អធិការនគរបាលស្រុកសូទ្រនិគម ចុះសហការជាមួយកម្លាំងប្រជាការពារប៉ុស្ដិ៍ពពេល និងប៉ុស្ដិ៍តាយ៉ែក ព្រមទាំងកម្លាំងការិយាល័យអន្តរាគមន៍តម្រួតបទបញ្ជា នៃស្នងការដ្ឋាននគរបាលខេត្តសៀមរាប ក្រោមការសម្របសម្រួលនីតិវិធីដោយលោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តសៀមរាប បានចុះពិនិត្យ និង ស្រាវជ្រាវ រហូតទទួលជោគជ័យបំបែកករណី «អំពើលួ.ចមានស្ថានទម្ងន់ទោស ដោយប្រើប្រាស់អំពើហិ.ង្សា» កា.ប់ជនរងគ្រោះជាមួយនឹងកាំបិ.តខ្វែវ បណ្ដាលឱ្យជនរងគ្រោះរងរបួសធ្ងន់ធ្ងរ៕
ចែករំលែកព័តមាននេះ