ខេត្តកំពង់ឆ្នាំង ៖ សេចក្តីរាយការណ៍បឋមឲ្យដឹងថា កាលពីថ្ងៃទី២៤ កក្កដា ឆ្នាំ២០២៣ នគរបាលមូលដ្ឋានសហការជាមួយកម្លាំងជំនាញស្រុកបរិបូណ៌ ខេត្តកំពង់ឆ្នាំង បានធ្វើការឃារខ្លួនស្ត្រីម្នាក់ជាពេទ្យភូមិពាក់ព័ន្ធករណីចាក់ថ្នាំ និងដាក់សេរ៉ូម…
ខេត្តកំពង់ឆ្នាំង ៖ សេចក្តីរាយការណ៍បឋមឲ្យដឹងថា កាលពីថ្ងៃទី២៤ កក្កដា ឆ្នាំ២០២៣ នគរបាលមូលដ្ឋានសហការជាមួយកម្លាំងជំនាញស្រុកបរិបូណ៌ ខេត្តកំពង់ឆ្នាំង បានធ្វើការឃារខ្លួនស្ត្រីម្នាក់ជាពេទ្យភូមិពាក់ព័ន្ធករណីចាក់ថ្នាំ និងដាក់សេរ៉ូម បណ្តាលឱ្យមរណៈភាពដល់ជនរងគ្រោះ ។
ស្ត្រីខាងលើ ឈ្មោះ លី គន្ធា អាយុ៥០ឆ្នាំ មុខខរបរជាពេទ្យយោធា រស់នៅភូមិផ្សារ ឃុំផ្សារ ស្រុកបរិបូរណ៌ ខេត្តកំពង់ឆ្នាំង ។
សេចក្តីរាយការណ៍បន្តថា នៅថ្ងៃខែនេះ នគរបាលប៉ុស្តិ៍រដ្ឋបាលមេលំ ទទួលបានព័ត៌មានពីកសិករម្នាក់ (កូនជនរងគ្រោះ) នៅខេត្តកំពង់ឆ្នាំងថា វេលាម៉ោងប្រមាណជិត១រសៀលឪពុកគាត់ឈ្នោះ គី ទូច អាយុ៦៦ឆ្នាំ មានអាការៈថប់ដង្ហើម គាត់ក៏បាននាំឪពុកទៅឲ្យពេទ្យ ម៉ុ បូរារត្ន ហៅពេទ្យតឺម ដែលមានទីតាំងស្ថិតនៅភូមិផ្សារ ឃុំផ្សារ ស្រុកបរិបូណ៌ ខេត្តកំពង់ឆ្នាំង ដើម្បីពិនិត្យ និងពិគ្រោះសុខភាព ។
ពេលទៅដល់ផ្ទះពេទ្យគ្រូពេទ្យ តឺម គាត់មិននៅទេ ពេលនោះ ប្រពន្ធរបស់គាត់ឈ្មោះ លី គន្ធា បានពិនិត្យនិងវាស់សម្ពាធឈាមឪពុកខ្លួន និងក្រោយពីវាស់ឈាមរួចប្រពន្ធគ្រូពេទ្យតឺម បានដាក់សេរ៉ូមមួយកំប្លោកឲ្យអ្នកជំងឺ លុះបានប្រហែល១០នាទីក្រោយមក អ្នកជំងឺដែលជាឪពុករបស់ខ្លួន ក៏បានទទួលមរណភាព ។
បន្ទាប់ពីទទួលបានសេចក្តីរាយការណ៍នោះ នគរបាលមូលដ្ឋានប៉ុស្តិ៍រដ្ឋបាលមេលំ ក៏បានរាយការណ៍ទៅអធិការនៃអធិការដ្ឋាននគរបាលស្រុក ស្រុកក៏បានផ្តល់ព័ត៌មានទៅការិយាល័យជំនាញនៃស្នងការដ្ឋាននគរបាលខេត្ត ទើបលោកឧត្តមសេនីយ៍ទោស្នងការនគរបាលខេត្ត បានឲ្យកម្លាំងសហការបើកការស៊ើបអង្កេត និងស្រាវជ្រាវរហូតឈានបាននាំខ្លួនស្ត្រីឈ្មោះ លី គន្ធា ប្រពន្ធពេទ្យភូមិ យកទៅសាកសួរពាក់ពន្ធនៃមរណៈភាពជនរងគ្រោះនោះ ។
សេចក្តីរាយការណ៍បន្តថា នៅចំពោះមុខសមត្តកិច្ចស្ត្រីឈ្មោះ លី គន្ធា បានសារភាពថា ខ្លួនពិតជាបានពិគ្រោះ និងពិនិត្យជំងឺទៅលើឈ្មោះ គី ទូច នោះប្រាកដមែន ។ ដោយជនរងគ្រោះមានអាការៈចុកដើមទ្រូង ហើយខ្លួនក៏បានវាស់សម្ពាធឈាម ទើបមានការសង្ស័យថា គាត់មានជម្ងឺបេះដូង និងក្រពះ បន្ទាប់មក ខ្លួនបានដាក់សេរ៉ូមមួយកំប្លោក លាយថ្នាំ វីតាមីនសេ២ អំពូល និងថ្នាំក្រពះ១ អំពូល ស្រាប់តែប្រហែល១០នាទី ក្រោយមកអ្នកជំងឺ ក៏ស្លាប់បាត់បង់អាយុជីវិតតែម្តងទៅ ។
ដោយយោងទៅលើពាក្យបណ្តឹងរបស់ក្រុមគ្រួសារជនរងគ្រោះ និងផ្អែកតាមចម្លើយសារភាពរបស់ស្ត្រីជាប្រពន្ធពេទ្យភូមិ ពាក់ព័ន្ធការចាក់ថ្នាំ ដាក់សេរ៉ូមបណ្តាលឲ្យមរណភាពដល់ជនរងគ្រោះ សមត្ថកិច្ចបានកសាងសំណុំរឿងបញ្ជូនជនសង្ស័យទៅសាលាដំបូងខេត្តតាមនីតិវិធី ។
សូមរំលឹកថា ប៉ុន្មានថ្ងៃមុននេះ ក៏មានកុមារីអាយុឆ្នាំម្នាក់បានស្លា-ប់ ក្រោយពីអ្នកគ្រូពេទ្យឯកជនគ្មានច្បាប់អនុញ្ញាតចាក់ថ្នាំ២ម្ជុល ។ ហេតុការណ៍នេះ បានកើតឡើងកាលពីរសៀលថ្ងៃទី២២ ខែកក្កដា ឆ្នាំ២០២៣ នៅភូមិផ្លូវគោ ឃុំបន្ទាយព្រាល ស្រុករលាប្អៀរ ខេត្តកំពង់ឆ្នាំង ។ រឿងលម្អិត៖ មិនទាន់ចប់ទេ រឿងដែលអ្នកគ្រូពេទ្យចាក់ថ្នាំ២ម្ជុលបណ្ដាលឱ្យកុមារីម្នាក់ស្លា-ប់
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ