រាជធានីភ្នំពេញ ៖ យោងតាមសេចក្តីជូនដំណឹងរបស់រដ្ឋបាលរាជធានីភ្នំពេញ បានឱ្យដឹងថា តាមសំណូមពររបស់អាជីវករលក់ដូរនៅផ្សារដើមគ មានសំណើរសុំបង់ថ្លៃអាណត្តិថ្មី រក្សាតម្លៃចាស់កាលពីឆ្នាំ២០១១ (១០ឆ្នាំមុន) និងសុំបន្តសុពលភាពប័ណ្ណថ្មី រហូតដល់ឆ្នាំ២០៣១ (ចាប់ពីថ្ងៃទី១១ ខែឧសភា ឆ្នាំ២០២១ រហូតដល់ថ្ងៃទី១១ ខែឧសភា ឆ្នាំ២០៣១) ហើយរដ្ឋបាលរាជធានីភ្នំពេញ ក៏បានសូមឯកភាពតាមសំណូមពររបស់បងប្អូនអាជីវករ។
រដ្ឋបាលរាជធានីភ្នំពេញ មានកិត្តិយសសូមជូនដំណឹងដល់បងប្អូនអាជីវករទាំងអស់ឱ្យបានជ្រាបថា ដើម្បីរួមចំណែកស្តារ និងអភិវឌ្ឍហេដ្ឋារចនាសម្ព័ន្ធរាជធានីភ្នំពេញ ឱ្យបានល្អប្រសើរថែមទៀត រដ្ឋបាលរាជធានីភ្នំពេញនឹងចាប់ផ្តើមធ្វើការប្រមូលចំណូលថ្លៃជួល តូប ស្តង់ នៅផ្សារដើមគ សម្រាប់អាណត្តិ ១០ឆ្នាំបន្តទៀត ដោយគិតចាប់ពីថ្ងៃទី១១ ខែឧសភា ឆ្នាំ២០២១ រហូតដល់ថ្ងៃទី១១ខែឧសភា ឆ្នាំ២០៣១។
ទន្ទឹមនឹងនេះ គណៈកម្មការប្រមូលចំណូលថ្លៃជួល តូប ស្តង់ នឹងចាប់ផ្តើមធ្វើការទទួលប្រាក់ពីបងប្អូនអាជីវករចាប់ពីថ្ងៃទី២៤ ខែកក្កដា ឆ្នាំ២០២៣ ដល់ថ្ងៃទី២៤ ខែតុលា ឆ្នាំ២០២៣ រៀងរាល់ម៉ោងធ្វើការនៅទីស្នាក់ការគណៈកម្មការផ្សារដើមគ តាមរយៈគណនីលេខ ០០១០០០១៤៩៤៨៦៧ នៅធនាគារកាណាឌីយ៉ា ក.អ អ និងសូមយកប័ណ្ណកាន់កា.ប់តូប ស្ដង់ចាស់ ដែលអស់សុពលភាពមកប្តូរយកប័ណ្ណកាន់កា.ប់តូបស្តង់ថ្មី។
ករណីហួសកំណត់ខាងលើ រដ្ឋបាលរាជធានីភ្នំពេញ ចាត់ទុកថា បងប្អូនអាជីវករបោះបង់សិទ្ធិកាន់កា.ប់តូប ស្តង់ របស់ខ្លួន ដែលកំពុងប្រកបអាជីវកម្មបច្ចុប្បន្ន។ រដ្ឋបាលរាជធានីភ្នំពេញសង្ឃឹមថា បងប្អូនអាជីវករទាំងអស់ចូលរួមបង់ចំណូលថ្លៃជួល តូប ស្តង់ ស្របតាមសំណូមពររបស់ខ្លួន ដើម្បីចូលរួមចំណែកក្នុងការអភិវឌ្ឍរាជធានីភ្នំពេញ ឱ្យបានរីកចម្រើនថែមទៀត តាមខ្លឹមសារនៃសើចក្តីជូនដំណឹងនេះ ចាប់ពីថ្ងៃចុះហត្ថលេខានេះតទៅ។
ចែករំលែកព័តមាននេះ