ប្រធានអង្គការ១រូបបើកឡានដឹកប្រពន្ធ កូន ទៅសង្កេតការណ៍ផង បោះឆ្នោតផង ជួបគ្រោះតាមផ្លូវ
- សៀមរាប
ខេត្តសៀមរាប ៖ តាមប្រភពពីសមត្ថកិច្ចនគរបាលស្រុកប្រាសាទបាគង បានប្រាប់កាលពីព្រឹកថ្ងៃទី
ខេត្តសៀមរាប ៖ តាមប្រភពពីសមត្ថកិច្ចនគរបាលស្រុកប្រាសាទបាគង បានប្រាប់កាលពីព្រឹកថ្ងៃទី២៤ ខែកក្កដា ឆ្នាំ ២០២៣ នេះថា ប្រធានអង្គការមូលនិធិអប់រំនៅកម្ពុជា បានបើករថយន្ត មួយគ្រឿងម៉ាកហាយឡែនឌ័រ ដឹកប្រពន្ធ និងកូន ដើម្បីទៅធ្វើភ្នាក់ងារសង្កេតការណ៍ក្នុងការិយាល័យបោះឆ្នោតផង និងទៅបោះឆ្នោតផង ស្រាប់តែរថយន្តដាច់ក្រឡេ បណ្តាលឱ្យធ្លា.ក់ចូលទឹកប្រឡាយ តែសំណាងល្អ គ្មាននរណាម្នាក់រងគ្រោះគ្រោះថ្នាក់ឡើយ។
ហេតុការណ៍ខាងលើនេះបានកើតឡើងកាលពីវេលាម៉ោង៦ព្រឹកថ្ងៃទី២៣ ខែកក្កដា ឆ្នាំ២០២៣ ត្រង់ចំណុចទំនប់៧៨ ស្ថិតនៅភាគខាងជើងខ្យូសស្បូវរបស់ឈ្មោះ ក្តី មានចំងាយប្រហែល១០០ម៉ែត្រ ស្ថិតក្នុងភូមិសាស្ត្រស្រុកប្រាសាទបាគង ខេត្តសៀមរាប។
តាមប្រភពព័ត៌មានបានបញ្ជាក់ថា អ្នកបើកបររថយន្តឈ្មោះ ស្រី សំបូរ ហៅ បញ្ញា ភេទប្រុស អាយុ ប្រមាណ៤៦ឆ្នាំ ជាប្រធានអង្គការមូលនិធិអប់រំនៅកម្ពុជា និងប្រពន្ធឈ្មោះ ឡេង សៃវង្ស និងកូនស្រី ៣នាក់ ប្រុស១នាក់ ។ គ្រួសារនេះរស់នៅភូមិល្វា ឃុំត្រពាំងធំ ស្រុកប្រាសាទបាគង ខេត្តសៀមរាប។
តាមប្រភពបានបន្ថែមថា អ្នកបើកបរខាងលើធ្វើដំណើរមកពីឃុំកំពង់ភ្លុក ដើម្បីទៅធ្វើភ្នាក់ងារសង្កេតការក្នុងការិយាយល័យបោះឆ្នោត ក្នុងឃុំត្រពាំងធំ ស្រុកប្រាសាទបាគង ក៏បានជួបគ្រោះ អកុសលតែម្ដង។ ទោះជាយ៉ាងណា ក៏ជាសំណាង១ក្នុង១ពាន់គ្រោះថ្នាក់ ដោយអ្នកបើកបរ រួមទាំងប្រពន្ធ និងកូនមិនមានគ្រោះថ្នាក់អ្វីឡើយ។
បើតាមម្ចាស់រថយន្តបានប្រាប់សមត្ថកិច្ចថា «មិនមែនមិនប្រុងប្រយ័ត្នទេ ខ្ញុំបើកទៅសង្កេតការណ៍បោះឆ្នោត ហើយទៅបោះឆ្នោតផង តែឡានខ្ញុំវាដាច់ក្រឡេ ទើបវាគ្រវី ហើយវាមិនមែនម៉ោង៩ទេ គឺម៉ោង៥និង៤០នាទីព្រឹក មានកូន៤នាក់ និងខ្ញុំហើយប្រពន្ធ ផងដែរ ខ្ញុំព្យាយាមទប់ហើយ តែវាមិនអាចជាន់ហ្វ្រាំងទប់បាន គឺខ្ញុំធ្វើបានត្រឹមតែប៉ុណ្ណឹង។
ម្ចាស់រថយន្តបានបន្តថា «ខ្ញុំម្ចាស់ឡាន សូមអរគុណ ពួកយើងសំណាងល្អដែលគ្រាន់តែរបួសស្រាល កូនៗ ខ្ញុំ និងប្រពន្ធ ពួគាត់ភ័.យខ្លាំង តែមិនធ្ងន់ធ្ងរពេកទេបង ដោយសារខ្ញុំបើកល្បឿន៤០ទេ ហើយពេលវាដាច់ក្រឡេវាក្រវាត់ខ្លាំង ខ្ញុំព្យាយាមទប់មិនឱ្យធ្លាក់ទៅខាងទឹកជ្រៅទើបបានប៉ុណ្ណឹងបង» ។
ក្រោយពេលកើតហេតុ សមត្ថកិច្ចបានហៅរថយន្តស្ទូច មកស្ទូចយករថយន្តចេញពីក្នុងទឹកប្រឡាយ រួចប្រគល់ឱ្យម្ចាស់យកទៅធ្វើការជួសជុលដោយខ្លួនឯង ៕
ចែករំលែកព័តមាននេះ