អភិបាលខេត្តកំពង់ឆ្នាំងជួបជាមួយកម្មករ-កម្មការិនីពេលវិលត្រឡប់ទៅធ្វើការវិញ
- កំពង់ឆ្នាំង
ខេត្តកំពង់ឆ្នាំង ៖ ឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង រួមដំណើរ ដោយលោកជំទាវ កែ ច័ន្នមុនី…
ខេត្តកំពង់ឆ្នាំង ៖ ឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង រួមដំណើរ ដោយលោកជំទាវ កែ ច័ន្នមុនី អ្នកតំណាងរាស្ត្រមណ្ឌលកំពង់ឆ្នាំង ព្រមទាំងក្រុមការងារ នៅព្រឹកថ្ងៃទី២៤ ខែកក្កដា ឆ្នាំ២០២៣ បានជួបសំណេះសំណាល សាកសួរសុខទុក្ខដល់បងប្អូនកម្មករ- កម្មការិនី ដែលបានមកជិះរថយន្តក្រុងដោយមិនគិតថ្លៃ ដើម្បីវិលត្រឡប់ទៅធ្វើការរៀងៗខ្លួនវិញនៅតាមបណ្ដាខេត្ត និងរាជធានីភ្នំពេញ បន្ទាប់ពីបានមកចូលរួមបោះឆ្នោតជ្រើសរើសជ្រើសរើសតំណាងរាស្ត្រអាណត្តិទី៧ ។
នាឱកាសនោះ ឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្ត កំពង់ឆ្នាំង បានថ្លែងអំណរគុណ ដល់បងប្អូនកម្មករ កម្មការិនី ដែលបានចូលរួមបោះឆ្នោតជ្រើសរើសតំណាងរាស្ត្រ អាណត្តិទី៧ ។ ការមកចូលរួមបោះឆ្នោត គឺស្មើនឹងបងប្អូនបានបំពេញកាតព្វកិច្ច ជាពលរដ្ឋល្អ ក្នុងការជ្រើសរើស តំណាងរាស្ត្រ ក៍ដូចជាជ្រើសរើស អ្នកដឹកនាំប្រទេស ប្រកបដោយគុណធម៌ និងមានសមត្ថភាព ដឹកនាំប្រទេសជាតិឲ្យមានសុខសន្តិភាព និង ការអភិវឌ្ឍ លើគ្រប់វិស័យ ។ ជាមួយគ្នានេះ ឯកឧត្តម បានជូនពរសូមការធ្វើដំណើររបស់បងប្អូនជាកម្មករ កម្មការី វិលត្រឡប់ទៅធ្វើការវិញ ប្រកដោយសុខសុវត្ថិភាព និង ត្រូវខិតខំធ្វើការ ដើម្បីជីវភាពគ្រួសារ បានល្អប្រសើរ។
ឯកឧត្តម អភិបាលខេត្ត ក៍ សូមអរគុណដល់ប្រមុខរាជរដ្ឋាភិបាល ដែលមាន សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី ដែលបានឧបត្ថម្ភ រថយន្តក្រុងចំនួន១៩គ្រឿង សម្រាប់ដឹកបងប្អូនកម្មករកម្មការិនី វិលត្រឡប់ទៅលំនៅដ្ឋានវិញ ដោយមិនគិតថ្លៃ ចាប់តាំងពីថ្ងៃទី២២ រហូតដល់ថ្ងៃទី២៤ កក្កដានេះ ហើយក៍កំពុងដឹកជាបន្តបន្ទាប់ផងដែរ។
សូមបញ្ជាក់ដែរថា នៅព្រឹកថ្ងៃទី ២៤ ខែកក្កដានេះ បងប្អូន កម្មករ កម្មការិនី ជាច្រើននាក់បន្ទាប់ពីចូលរួមបោះឆ្នោតហើយ បានចាកចេញពីលំនៅឋាន វិលត្រឡប់ទៅធ្វើការនៅតាមរោងចក្ររៀងៗខ្លួនវិញ ហើយអ្វីដែលជាការកត់សម្គាល់អ្នកដែលធ្វើដំណើរតាមកាណូតដរពីស្រុកកំពង់លែង មកទីរួមខេត្តកំពង់ឆ្នាំង ដើម្បីបន្តដំណើរដោយ រថយន្ត ក្រុង ឬ រថយន្តតាក់ស៊ី មានចំនួនយ៉ាងច្រើនគួរកត់សម្គាល់ផងដែរ។
ចែករំលែកព័តមាននេះ