អគ្គីភ័យឆេះផ្ទះគ្រូទាយយ៉ាងសន្ធោសន្ធៅ ផ្អើលទាំងព្រឹកព្រលឹម
- ភ្នំពេញ
រាជធានីភ្នំពេញ ៖ អគ្គីភ័យបានឆាបឆេះអាសនៈនៅក្នុងផ្ទះល្វែងជាន់ទីបីរបស់គ្រូទាយយ៉ាងសន្ធោ
រាជធានីភ្នំពេញ ៖ អគ្គីភ័យបានឆាបឆេះអាសនៈនៅក្នុងផ្ទះល្វែងជាន់ទី១របស់គ្រូទាយមួយរូបយ៉ាងសន្ធោសន្ធៅ បង្កឲ្យមានការភ្ញាក់ផ្អើលដល់សមត្ថកិច្ចនិងរថយន្ដពន្លត់អគ្គីភ័យចុះធ្វើការអន្តរាគមន៍កាលពីវេលាម៉ោង៥ព្រឹកថ្ងៃទី២៤ កក្កដា ឆ្នាំ២០២៣ ត្រង់ចំណុចផ្ទះល្វែងអត់លេខ តាមបណ្ដោយផ្លូវបេតុង ភូមិស្វាយ សង្កាត់គោកឃ្លាង ខណ្ឌសែនសុខ រាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានឲ្យដឹងថា ផ្ទះកើតហេតុខាងលើគឺជាផ្ទះរបស់គ្រូទាយមួយរូប ។ នៅមុនពេលកើតហេតុ ផ្ទះកើតហេតុខាងលើបានចាក់សោទុកចោល មិនមានអ្នកស្នាក់នៅខាងក្នុងនោះទេ។ លុះដល់វេលាកើតហេតុ ក៏មានប្រជាពលរដ្ឋដែលរស់នៅក្បែរនោះបានឃើញមានផ្សែងហុយចេញពីជាន់ទីបីនៃផ្ទះកើតហេតុ ដែលជាកន្លែងសម្រាប់តម្កល់អាសនៈរបស់ម្ចាស់ផ្ទះ។ រំពេចនោះដែរក៏ស្រាប់តែមានលេចចេញអណ្ដាតភ្លើងបានឆាបឆេះកន្លែងដែលតម្កល់អាសនៈនោះយ៉ាងសន្ធោសន្ធៅ ។
បន្ទាប់ពីឃើញហេតុការណ៍បែបនេះ ប្រជាពលរដ្ឋក៏បានស្រែកឆោឡោ និងបានរាយការណ៍ទៅសមត្ថកិច្ចមូលដ្ឋាននិងរថយន្តពន្លត់អគ្គីភ័យអោយចុះមកជួយធ្វើអន្តរាគមន៍។ បន្ទាប់មកក៏មានសមត្ថកិច្ចមូលដ្ឋាននិងនិងរថយន្តពន្លត់អគ្គីភ័យជាច្រើនគ្រឿងបានចុះមកដល់និងធ្វើការបាញ់ទឹកពន្លត់ រហូតរលត់ជាស្ថាពរ១០០ភាគរយ ។
សមត្ថកិច្ចជំនាញបង្ការនិងពន្លត់អគ្គីភ័យនៃស្នងការដ្ឋាននរគបាលរាជធានីភ្នំពេញបានឲ្យដឹងថា ក្នុងប្រតិបត្តិការណ៍នោះកម្លាំងសមត្ថកិច្ចបានប្រើប្រាស់រថយន្តពន្លត់អគ្គីភ័យរបស់ស្នងការដ្ឋាននគរបាលរាជធានីភ្នំពេញចំនួន៥គ្រឿង បាញ់ទឹកអស់ទាំង៥គ្រឿង ដោយមិនបណ្តាលឲ្យឆាបឆេះរាលដាលដល់ផ្ទះអ្នកជិតខាងនោះទេ ពោលគឺបណ្តាលឲ្យសម្ភារៈដែលនៅជាន់ទីបីនៃផ្ទះកើតហេតុខូចខាតអស់ទាំងស្រុង។ ចំពោះមូលហេតុសមត្ថកិច្ចជំនាញកំពុងបន្តធ្វើការស្រាវជ្រាវ ៕
ចែករំលែកព័តមាននេះ