ខេត្តមណ្ឌលគិរី ៖ បើតាមសេចក្តីរាយការណ៍បឋមឲ្យដឹងថា យុវជនចំនួន៧នាក់ត្រូវបានកម្លាំងសមត្ថកិច្ចនគរបាលខេត្តមណ្ឌលគិរី ធ្វើការឃាត់ខ្លួនកាលពីថ្ងៃទី២២ ខែកក្កដា ឆ្នាំ២០២៣ ពាក់ព័ន្ធអំពើឃា.តក.ម្ម សម្លា.ប់ជនរងគ្រោះ រួចចោលសា.កស.ពនៅលើដងផ្លូវ។
សេចក្តីរាយការណ៍បានបន្តថា យុវជនទាំង៧នាក់ខាងលើនេះ រួមមាន ៖ ១- ឈ្មោះ មឿន ផែន ភេទប្រុស អាយុ១៧ឆ្នាំ ២- ឈ្មោះ តាំង ម៉េងទៀង ភេទប្រុស អាយុ១៧ឆ្នាំ, ៣- ឈ្មោះ កាន់ វ៉ាន់ណេត ភេទប្រុស អាយុ១៩ឆ្នាំ, ៤- ឈ្មោះ នី ផានីត ភេទប្រុស អាយុ១៧ឆ្នាំ, ៥- ឈ្មោះ សាក់ លីហ័រ ភេទប្រុស អាយុ១៧ឆ្នាំ, ៦- ឈ្មោះ សេង វីបុល ភេទប្រុស អាយុ១៩ឆ្នាំ និង៧- ឈ្មោះ ផ្ទូន គ្រី ភេទប្រុស អាយុ១៩ឆ្នាំ។
សេចក្តីរាយការណ៍បន្តទៀតថា សមត្ថកិច្ចបានឃាត់ខ្លួនយុវជនទាំង៧នាក់ខាងលើនោះ គឺពាក់ព័ន្ធ «ករណីឃា.តក.ម្ម» កាលពីយប់ថ្ងៃទី២១ ខែកក្កដា ឆ្នាំ២០២៣ នៅចំណុចលើចិញ្ចើមផ្លូវថ្នល់ជាប់ចម្ការកៅស៊ូរបស់ឈ្មោះ ទ្រុញ សាខន ស្ថិតនៅក្នុងភូមិពូទិល ឃុំប៊ូស្រា ស្រុកពេជ្រាដា ខេត្តមណ្ឌលគិរី។ ដោយជនរងគ្រោះមានឈ្មោះ ហង្ស បញ្ញា ហៅមីដ ភេទប្រុស អាយុ២៧ឆ្នាំ មុខរបរជាងសិប្បកម្ម ត្រូវជនមិនស្គាល់មុខមួយក្រុមជិះម៉ូតូជាច្រើនគ្រឿង បានធ្វើសកម្មភាពយកដំបងវា.យទៅលើជនរងគ្រោះ បណ្តាលឱ្យរងរបួសធ្ងន់ដេកដួលសន្ល.ប់នៅនឹងកន្លែងកើតហេតុ រហូតបាត់បង់ជីវិត ខណៈពេលបញ្ជូនទៅដល់មន្ទីរពេទ្យបង្អែកក្រុងសែនមនោរម្យ ខេត្តមណ្ឌគិរី។
ប្រភពដដែលបន្តទៀតថា នៅយប់ថ្ងៃកើតហេតុនោះ ជនរងគ្រោះបានធ្វើដំណើរតែម្នាក់ឯង នៅលើដងផ្លូវដ៏ស្ងាត់ដាច់ស្រយាលពីស្រុកភូមិ ស្របពេលនោះក៏ជួបជាមួយយុវជនមួយក្រុមមិនស្គាល់អត្តសញ្ញាណ ហើយពួកគេក៏នាំគ្នាព្រួតវា.យទៅលើជនរងគ្រោះដោយប្រើដំបង បណ្តាលឱ្យជនរងគ្រោះរងរបួសធ្ងន់ រហូតស្លា.ប់បាត់បង់ជីវិតតែម្តង។
បន្ទាប់ពីមានអំពើឃា.តក.ម្មនោះ លោកឧត្តសេនីយ៍ទោ ស្នងការនគរបាលខេត្តមណ្ឌលគិរី បានដាក់បទបញ្ជាដល់កម្លាំងការិយាល័យជំនាញព្រហ្មទណ្ឌ ឲ្យចុះសហការជាមួយនគរបាលមូលដ្ឋាន ដើម្បីបើកការស៊ើបអង្កេត និងស្រាវជ្រាវជាបន្ទាន់។ ទើបរយៈពេលតែមួយថ្ងៃ សមត្ថកិច្ចក៏ឈានដល់ការកំណត់មុខសញ្ញា និងធ្វើការឃាត់ខ្លួនយុវជនចំនួន៧នាក់ ដោយសង្ស័យថា ជាប់ពាក់ព័ន្ធអំពើឃា.តក.ម្មនោះ។
ជនសង្ស័យទាំងអស់នោះ ត្រូវបានសមត្ថកិច្ចកំពុងធ្វើការសាកសួរ ដូច្នោះនៅមិនទាន់ដឹងចម្លើយច្បាស់លាស់ទេ ពាក់ព័ន្ធអំពើឃា.តក.ម្មទៅលើជនរងគ្រោះជាសិប្បកម្មរូបនោះថា តើផ្តើមចេញមកពីមូលហេតុអ្វីនៅឡើយទេ?៕
ចែករំលែកព័តមាននេះ