ខេត្តប៉ៃលិន ៖ ប្រទះឃើញបុរសអនាថាម្នាក់ចងក.នៅលើដើមតាង៉ែន ហៅមៀនប៉ៃលិន ប្រហែលជាអស់រយ:ពេល២ទៅ៣ថ្ងៃមកហើយ ដោយគ្មាននរណាដឹង រហូតដល់ក្លាយទៅជាហើមស្អុយ លុះប្រជាពលរដ្ឋជាម្ចាស់ចំការដើរទៅមើលដំណាំរបស់ខ្លួន ស្រាប់តែក្រឡេកឃើញនៅក្បែរ ខ្លួន…
ខេត្តប៉ៃលិន ៖ ប្រទះឃើញបុរសអនាថាម្នាក់ចងក.នៅលើដើមតាង៉ែន ហៅមៀនប៉ៃលិន ប្រហែលជាអស់រយ:ពេល២ទៅ៣ថ្ងៃមកហើយ ដោយគ្មាននរណាដឹង រហូតដល់ក្លាយទៅជាហើមស្អុយ លុះប្រជាពលរដ្ឋជាម្ចាស់ចំការដើរទៅមើលដំណាំរបស់ខ្លួន ស្រាប់តែក្រឡេកឃើញនៅក្បែរ ខ្លួន បង្កឱ្យមានការភ្ញាក់ផ្អើលរត់ទៅប្តឹងអាជ្ញាធរនិងសមត្ថកិច្ចឱ្យចុះទៅពិនិត្យតែម្តង។
ហេតុការណ៍ប្រទះឃើញសពបុរសម្នាក់ចងក.អត្តឃាតនៅលើដើមតាង៉ែន ហៅមៀនប៉ៃលិន មានសភាពហើមស្អុយនេះ បានកើតឡើងកាលពីវេលាម៉ោង១០ និង៣០នាទីព្រឹកថ្ងៃទី២១ ខែកក្កដា ឆ្នាំ ២០២៣ នៅចំណុចចម្ការតាង៉ែន ទល់មុខអង់ទែនទូរស័ព្ទ០១៦ ស្ថិតក្នុងភូមិអូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
ប្រភពព័ត៌មានពីប្រជាពលរដ្ឋរស់នៅក្នុងភូមិអូររអិល ឃុំស្ទឹងកាច់ ស្រុកសាលាក្រៅ បានឱ្យដឹងថា ៖ សពជនរងគ្រោះ មាន ឈ្មោះ សំ ធឿន ភេទប្រុស អាយុ៤១ឆ្នាំ ជាកសិករ មានស្រុកកំណើតរស់នៅ ភូមិសហគ្រាន់ ឃុំចំការអណ្ដូង ស្រុកចំការលើ ខេត្តកំពង់ចាម ដោយជនរងគ្រោះខាងលើពុំមានអ្នកដឹងថា មករស់នៅក្នុងឃុំស្ទឹងកាច់តាំងពីពេលណានោះទេ ហើយក៏គ្មានសាច់ញាតិប្រពន្ធកូនរួមរស់នៅជាមួយដែរ។
ប្រភពបន្តទៀតថា មុនពេលកើតហេតុ គេឃើញជនរងគ្រោះ ស្នាក់ទៅទីនេះម្តង នៅទីនោះម្តង ពោលគឺមិនទៀងទាត់នោះទេ ហើយជនរងគ្រោះខាងលើ មិនសូវការប្រាស្រ័យទាក់ទងជាមួយ នឹងនរណាម្នាក់ក្នុងភូមិនោះឡើយ។
បើតាមការសន្និដ្ឋានរបស់មន្ត្រីនគរបាលបានឱ្យដឹងថា ក្រោយពេលធ្វើកោសល្យវិច្ច័យដោយការិយាល័យជំនាញនៃស្នងការដ្ឋាននគរបាលខេត្តប៉ៃលិន ផ្នែកកោសល្យវិច័យនៃអធិការដ្ឋាននគរបាលស្រុកសាលាក្រៅ និងក្រុមគ្រូពេទ្យជំនាញរួចមករកឃើញថា សពខាងលើនេះ ពិតជាបានស្លាប់ដោយ សារធ្វើចងក.ធ្វើអត្តឃាត ពិតប្រាកដមែន។
ចែករំលែកព័តមាននេះ