លោកស្រី សុង ឆវ័ន្ត ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ នៅព្រឹកថ្ងៃទី២០ ខែកក្កដា ឆ្នាំ២០២៣ បានបើកការស៊ើបសួរលើជនជាប់ចោទម្នាក់ ពាក់ព័ន្ធនឹងបទ «ក្លែងបន្លំធ្វើជាបុគ្គលិករបស់អគ្គនាយកដ្ឋានវិទ្យុ និងទូរទស្សន៍បាយ័ន» ដើម្បីធ្វើការចោ.ទប្រកាន់ជាផ្លូវការ រួចចាត់បញ្ជូនទៅ
រាជធានីភ្នំពេញ ៖ លោកស្រី សុង ឆវ័ន្ត ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ នៅព្រឹកថ្ងៃទី២០ ខែកក្កដា ឆ្នាំ២០២៣ បានបើកការស៊ើបសួរលើជនជាប់ចោទម្នាក់ ពាក់ព័ន្ធនឹងបទ «ក្លែងបន្លំធ្វើជាបុគ្គលិករបស់អគ្គនាយកដ្ឋានវិទ្យុ និងទូរទស្សន៍បាយ័ន» ដើម្បីធ្វើការចោ.ទប្រកាន់ជាផ្លូវការ រួចចាត់បញ្ជូនទៅខាងចៅក្រមស៊ើបសួរសម្រេចឃុំខ្លួនដាក់ពន្ធនាគារជាបណ្តោះអាសន្ន ។
ជនជាប់ចោទខាងលើរូបនេះមានឈ្មោះ មូល រតនៈ ភេទប្រុស អាយុ៣០ឆ្នាំ រស់នៅភូមិត្រពាំងជើង សង្កាត់ក្រាំងធ្នង់ ខណ្ឌសែនសុខ ។
ដោយអនុវត្តតាមដីកាបញ្ជាឲ្យចូលខ្លួនរបស់ឯកឧត្តមព្រះរាជអាជ្ញានៃអយ្យការអមសាលារាជដំបូងរាជធានីភ្នំពេញ នាយកដ្ឋាននគរបាលប្រឆាំងបទល្មើសបច្ចេកវិទ្យា សហការជាមួយស្នងការដ្ឋាននគរបាលរាជធានីភ្នំពេញ បានឃាត់ខ្លួនជនឈ្មោះ មូល រតនៈ នៅភូមិត្រពាំងជើង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ កាលពីព្រឹកថ្ងៃទី១៨ ខែកក្កដា ឆ្នាំ២០២៣ ។
បន្ទាប់ពីត្រូវឃាត់ខ្លួន ជនជាប់ចោទសារភាពថា «រូបគេពិតជាបានប្រព្រឹត្តបទល្មើសដូចការចោ.ទប្រកាន់នោះពិតប្រាកដមែន ចាប់តាំងពីឆ្នាំ២០២មក ។ ជាមួយនេះ ក៏ធ្លាប់បានក្លែងបន្លំជាអ្នកសារព័ត៌មានមកពីអង្គភាពសារព័ត៌មានផ្សេងៗជាច្រើនដែរ ក្នុងនោះក៏បានក្លែងជាបុគ្គលិករបស់អគ្គនាយកដ្ឋានវិទ្យុនិងទូរទស្សន៍បាយ័ន យកទៅភ្ជាប់សារតេឡេក្រាម និង WhatsApp ដើម្បីទាក់ទងទៅថ្នាក់ដឹកនាំអង្គភាពចំណុះក្រសួង ស្ថាប័នរដ្ឋនានា ដើម្បីសុំប្រាក់ចុះបេសកកម្ម និងកំហែង.ថា នឹងចុះផ្សាយព័ត៌មានពីអំពើអសកម្ម ដើម្បីជាថ្នូរនឹងប្រាក់»។
បន្ទាប់ពីសមត្ថកិច្ចឃាត់ខ្លួនជនក្លែងបន្លំធ្វើជាបុគ្គលិកអគ្គនាយកដ្ឋានវិទ្យុ និងទូរទស្សន៍បាយ័ន
នេះ ក្លិបអ្នកកាសែតកម្ពុជា (ក.អ.ស) ក៏បានចេញសេចក្តីប្រកាសព័ត៌មានពីការភ្ញាក់ផ្អើល និងសោកស្តាយជាខ្លាំង ក្រោយពីទទួលបានព័ត៌មានថា ឈ្មោះ មូល រតនៈ ភេទប្រុស អាយុ៣០ឆ្នាំ ដែលជានិពន្ធនាយកកាសែតសេនាបតីញូវស៍ (កាសែតអនឡាញ) និងជាសមាជិករបស់ក្លិបអ្នកកាសែតកម្ពុជា ត្រូវបានសមត្ថកិច្ចឃាត់ខ្លួនលើបណ្តឹងបទល្មើសព្រហ្មទណ្ឌ ពីបទក្លែងបន្លំធ្វើជាបុគ្គលិករបស់អគ្គនាយកដ្ឋានវិទ្យុនិងទូរទស្សន៍បាយ័ន ដើម្បីជំរិ.តទារប្រាក់ពីថ្នាក់ដឹកនាំតាមអង្គភាព ស្ថាប័នរដ្ឋនានា ។
ចំពោះសមាជិកភាពរបស់ឈ្មោះ មូល រតនៈ ត្រូវបានព្យួររួចហើយ ហើយយោងតាមលក្ខន្តិកៈរបស់ ក.អ.ស ប្រសិនបើតុលាការរកឃើញភស្តុតាងបទល្មើសពិតប្រាកដមែន ក.អ.ស នឹងលុបឈ្មោះនេះចេញពីសមាជិកភ្លាម ។
ជាមួយគ្នានេះ ក.អ.ស ក៏សូមអំពាវនាវជាថ្មីម្តងទៀត ដល់សមាជិកសមាជិកាទាំងអស់ ត្រូវបន្តអនុវត្តឲ្យបានខ្ជាប់ខ្ជួននូវក្រមសីលធម៌វិជ្ជាជីវៈ ដើម្បីលើកតម្កើងភាពថ្លៃថ្នូរ និងធានាដល់សេរីភាពសារព័ត៌មាន ។ ក.អ.ស សង្ឃឹមថា សមាជិកសមាជិកាទាំងអស់ នឹងបន្តដំណើរជាមួយ ក.អ.ស ដើម្បីលើកកម្ពស់ការអនុវត្តក្រមសីលធម៌ និងវិជ្ជាជីវៈសារព័ត៌មាន សំដៅធ្វើយ៉ាងណាឲ្យស្ថាប័ន ក.អ.ស នៅតែរក្សាបាននូវកិត្តិយស សេចក្តីថ្លៃថ្នូរ ស័ក្តិសមជាសមាគមសារព័ត៌មានដែលឈានមុខគេនៅកម្ពុជា ៕
ចែករំលែកព័តមាននេះ