សងសឹ.កវា.យប្រហារស្ពានគ្រីមេ រុស្ស៊ីវា.យប្រហារកំពង់ផែមួយរបស់អ៊ុយក្រែន
សង្គ្រាមអ៊ុយក្រែន ៖ កាលពីព្រឹកថ្ងៃទី១៨ កក្កដា រុស្ស៊ីបានវាយប្រហារដោយគ្រាប់មីស៊ីល លើកំពង់ផែ
សង្គ្រាមអ៊ុយក្រែន ៖ កាលពីព្រឹកថ្ងៃទី១៨ កក្កដា រុស្ស៊ីបានវាយប្រហារដោយគ្រាប់មីស៊ីល លើកំពង់ផែ
សង្គ្រាមអ៊ុយក្រែន ៖ កាលពីព្រឹកថ្ងៃទី១៨ កក្កដា រុស្ស៊ីបានវា.យប្រហារដោយគ្រាប់មីស៊ីល លើកំពង់ផែក្រុងអូដេសាអ៊ុយក្រែន ដោយតាមសេចក្ដីរាយការណ៍នានាថា ការវាយប្រហារនោះបណ្ដាលឲ្យខូចខាត បណ្ដាហេដ្ឋារចនាសម្ព័ន្ធកំពង់ផែ ។
រុស្ស៊ីនិយាយថាបានបំផ្លាញបណ្ដាទីតាំងដែលអ៊ុយក្រែនប្រើសម្រាប់រៀបចំការវាយប្រហារនាពេលមុននេះប្រឆាំងស្ពានយុទ្ធសាស្ត្រគ្រីមេ ។ ទន្ទឹមនឹងនេះដែរកិច្ចព្រមព្រៀងនាំចេញគ្រាប់ធញ្ញជាតិ ដែលអាចនាំចេញគ្រាប់ធញ្ញជាតិអ៊ុយក្រែននិងជីរុស្ស៊ី តាមនាវាកាត់សមុទ្រខ្មៅបានផុតកំណត់ ។
មានការរិះគន់នានារបស់សហគមន៍អន្តរជាតិ បន្ទាប់ពីរុស្ស៊ីលែងពន្យារពេលកិច្ចព្រមព្រៀងនោះ ។
តាមអាជ្ញាធរមូលដ្ឋានថា ព្រឹកព្រលឹមថ្ងៃទី១៨ កក្កដា កងការពារអាកាសអ៊ុយក្រែនបានធ្វើ
សកម្មភាពក្នុងតំបន់អូដេសាភាគខាងត្បូងប្រទេស ដែលតំបន់នោះមានកំពង់ផែ៣ទាក់ទិន
នឹងកិច្ចព្រមព្រៀងនាំចេញគ្រាប់ធញ្ញជាតិ ។ មីស៊ីលរុស្ស៊ីធុនកាលីព្រ៦គ្រាប់ត្រូវបានបាញ់ចេញពីដែនទឹកសមុទ្រខ្មៅមកលើក្រុងអូដេសា តែត្រូវស្ទាក់កម្ទេច ប៉ុន្តែបំណែកមីស៊ីលទាំងនោះ បានធ្លាក់លើបណ្ដាហេដ្ឋារចនាសម្ព័ន្ធកំពង់ផែ និងផ្ទះឯកជនជាច្រើន ។
ក្នុងសេចក្ដីប្រកាសមួយទីបញ្ជាការដ្ឋានប្រតិបត្តិការអ៊ុយក្រែនសម្រាប់ភាគខាងត្បូងប្រទេស
គូសបញ្ជាក់ថា ក្រៅពីកម្ទេចមីស៊ីលទាំងនោះយើងនៅបានបំផ្លាញដ្រូនវាយប្រហារ២១គ្រឿង
ផលិតនៅអ៊ីរ៉ង់ក្នុងតំបន់អូដេសា និងដ្រូន៤គ្រឿងទៀតបាញ់ទម្លាក់នៅតំបន់ក្រុងមីកូឡៃអ៊ីវ ដោយ
នៅទីនោះហេដ្ឋារចនាសម្ព័ន្ធឧស្សាហកម្មមួយរងការប៉ះពាល់ ។
តាមកងទ័ពអ៊ុយក្រែនថា សរុបដ្រូនវាយប្រហារ៣៦គ្រឿង និងមីស៊ីលធុនកាលីព្រ៦គ្រាប់
វាយប្រហារលើដែនដីអ៊ុយក្រែន នាពេលយប់ពិសេសនៅភាគខាងត្បូងប្រទេស ។
រួចនាយប់ថ្ងៃទី១៨មក១៩ កក្កដា រុស្ស៊ីបានវាយប្រហារដោយមីស៊ីលថែមទៀត លើតំបន់កំពង់ផែអូដេសា ក្រោយផុតកំណត់កិច្ចព្រមព្រៀងនាំចេញគ្រាប់ធញ្ញជាតិ ។ អភិបាលតំបន់អូដេសានិយាយថា នោះក៏ជាការវាយប្រហារដោយមីស៊ីលចេញពីសមុទ្រខ្មៅដែរ ៕
អត្ថបទពាក់ព័ន្ធ ៖
-ស្ពានសំខាន់មួយ តភ្ជាប់តំបន់គ្រីមេ ត្រូវកាត់ផ្ដាច់ចរាចរណ៍
-អ៊ុយក្រែនវា.យប្រហារស្ពានយុទ្ធសាស្ត្រនៅគ្រីមេស្លា.ប់២នាក់
ចែករំលែកព័តមាននេះ