អ៊ុយក្រែនវា.យប្រហារស្ពានយុទ្ធសាស្ត្រនៅគ្រីមេស្លា.ប់២នាក់
សង្គ្រាមអ៊ុយក្រែន ៖ កងទ័ពអ៊ុយក្រែនបានវា.យប្រហារដោយនាវាដ្រូន ស្ពានយុទ្ធសាស្ត្រនៅគ្រីមេ
សង្គ្រាមអ៊ុយក្រែន ៖ កងទ័ពអ៊ុយក្រែនបានវា.យប្រហារដោយនាវាដ្រូន ស្ពានយុទ្ធសាស្ត្រនៅគ្រីមេកាលពីយប់ថ្ងៃទី១៦មក ១៧ កក្កដា ដោយតាមក្រុងមូស្គូថា សម្លា.ប់ជនស៊ីវិល២នាក់។ គួររំលឹកថា ស្ពានសំខាន់មួយ តភ្ជាប់តំបន់គ្រីមេ ត្រូវកាត់ផ្ដាច់ចរាចរណ៍
ការវា.យប្រហាររបស់អ៊ុយក្រែននេះ បណ្ដាលឲ្យមានការខូចខាតខ្លាំងគួរសម ផ្នែកផ្លូវថ្នល់នៃស្ពានតែមួយគត់ ដែលតភ្ជាប់រវាងរុស្ស៊ី និងឧបទ្វីបគ្រីមេ ដែលរុស្ស៊ីបញ្ចូលជាឧបសម្ព័ន្ធកាលពីឆ្នាំ២០១៤។ តំបន់នោះត្រូវបានប្រើជាមូលដ្ឋានខាងក្រោយ សម្រាប់កងទ័ពរុស្ស៊ីដែលប្រយុទ្ធនៅអ៊ុយក្រែន។
ប្រភពមួយក្នុងផ្ទៃភ្នាក់ងារសន្តិសុខអ៊ុយក្រែនអះអាងប្រាប់AFPថា ការវា.យប្រហារនោះធ្វើឡើងដោយពួកភ្នាក់ងារពិសេសនិងកងកម្លាំងជើងទឹកអ៊ុយក្រែន ដោយមានជំនួយរបស់បណ្ដានាវាដ្រូន។
អ្នកនាំពាក្យក្រសួងការបរទេសរុស្ស៊ី លោកស្រីម៉ារីយ៉ាហ្សាខារ៉ូវ៉ា អះអាងតាមតេឡេក្រាមថា ការវា.យប្រហារនេះធ្វើឡើងដោយអ៊ុយក្រែន។ ក្នុងសេចក្ដីប្រកាសមួយគណៈកម្មាធិការប្រឆាំងភេរវកម្មរុស្ស៊ីបញ្ជាក់ថា ការវា.យប្រហារនោះធ្វើឡើងនាវេលាម៉ោង៣និង០៥នាទីរំលងអាធ្រាត្រម៉ោងក្នុងស្រុកនិងនិយាយថា ធ្វើឡើងតាមរយៈនាវាដ្រូន។ ជនស៊ីវិល២នាក់គឺបុរសម្នាក់និងនារីម្នាក់ដែលជិះក្នុងរថយន្ត១គ្រឿងបានត្រូវស្លា.ប់ ហើយកូនស្រីពួកគេរងរបួស។
ទូរទស្សន៍រដ្ឋCRIMEE-24 បានផ្សាយវីដេអូមួយបង្ហាញផ្នែកមួយនៃស្ពានសម្រាប់ផ្លូវថ្នល់ត្រូវបាក់មួយផ្នែក។ ស្ពានគ្រីមេមានប្រវែង១៨គីឡូម៉ែត្រ បើកសម្ពោធដាក់ឲ្យប្រើប្រាស់ក្នុងឆ្នាំ២០១៨ មានសំណង់២ទន្ទឹមគ្នាគឺមួយសម្រាប់ផ្លូវថ្នល់និងមួយទៀតសម្រាប់ផ្លូវដែក ។ ផ្នែកផ្លូវដែកមិនរងការខូតខាតឡើយ ហើយចរាចរណ៍បើកឡើងវិញនាពេលព្រឹក។ ម្យ៉ាងទៀតសេវាកម្មសាឡាងក៏ដំណើរការ ហើយបណ្ដាអ្នកបើករថយន្តអាចឆ្លងកាត់់ដៃសមុទ្រតាមសាឡាង។
ប្រធានព្រឹទ្ធសភារុស្ស៊ី លោកស័រហ្គេយមីរ៉ូណូវ អះអាងថា ក្រុងមូស្គូត្រូវសងសឹកដោយវា.យប្រហារបណ្ដាហេដ្ឋារចនាសម្ព័ន្ធអ៊ុយក្រែន និងបញ្ឈប់ការចរចាស្ដីពីការនាំចេញគ្រាប់ធញ្ញជាតិដែលផុតកំណត់នាពាក់កណ្ដាលយប់ថ្ងៃទី១៧ កក្កដា។ លោកថាអ្វីដែលយើងត្រូវធ្វើគឺលែងពិភាក្សាកិច្ចព្រមព្រៀងស្ដីពី គ្រាប់ធញ្ញជាតិដែលជួយបណ្ដាមេដឹកនាំអ៊ុយក្រែន និងពួកលោកខាងលិចបំពេញប្រាក់់ក្នុងហោប៉ាវពួកគេ។
ប្រធានាធិបតីរុស្ស៊ី លោកវ្ល៉ាឌីមៀរពូទីន បានស្នើនាថ្ងៃទី១៧ កក្កដា ឲ្យពង្រឹងបណ្ដាវិធានការសន្តិសុខ នៅលើស្ពានគ្រីមេ និងបានសន្យាពីការឆ្លើយតបវិញ៕
ចែករំលែកព័តមាននេះ