ស្ងាត់ៗ! វៀតណាម ត្រៀមបើកការដ្ឋានសង់រោងចក្រផលិតរថយន្តអគ្គិសនី នៅអាមេរិក
សហរដ្ឋអាមេរិក ៖ ក្រុមហ៊ុន VinFast ដែលត្រូវជាក្រុមហ៊ុនបុត្រសម្ព័ន្ធរបស់ក្រុមហ៊ុនផលិតរថយន្ត
សហរដ្ឋអាមេរិក ៖ ក្រុមហ៊ុន VinFast ដែលត្រូវជាក្រុមហ៊ុនបុត្រសម្ព័ន្ធរបស់ក្រុមហ៊ុនផលិតរថយន្ត
សហរដ្ឋអាមេរិក ៖ ក្រុមហ៊ុន VinFast ដែលត្រូវជាក្រុមហ៊ុនបុត្រសម្ព័ន្ធរបស់ក្រុមហ៊ុនផលិតរថយន្តវៀតណាម Vingroup បានប្រកាសថា ខ្លួននឹងរៀបចំពិធីបើកការដ្ឋានសាងសង់រោងចក្រផលិតរថយន្តអគ្គិសនី (EV) នៅក្នុងរដ្ឋការ៉ូលីណាភាគខាងជើង (North Carolina) នៃសហរដ្ឋអាមេរិក នៅថ្ងៃទី២៨ ខែកក្កដា ឆ្នាំ២០២៣ ខាងមុខនេះ។
ជាមួយនឹងការប្រកាសនេះ វានឹងក្លាយជារោងចក្រផលិតរថយន្តអគ្គិសនីដំបូងគេ នៅក្នុងរដ្ឋការ៉ូលីណាភាគខាងជើង និងជួយរួមចំណែកដល់ការផ្គត់ផ្គង់រថយន្តអគ្គិសនី នៅអាមេរិកខាងជើង ដើម្បីពន្លឿនបដិវត្តន៍ចល័តបៃតងសកល។ គ្របដណ្តប់លើផ្ទៃដីប្រមាណ ១,៨០០ហិចតា រោងចក្ររបស់ក្រុមហ៊ុន VinFast ត្រូវបានរចនាឡើង ដើម្បីអាចផលិតរថយន្តបាន ១៥ម៉ឺនគ្រឿងក្នុងមួយឆ្នាំ នៅក្នុងដំណាក់កាលទី១ ។ រោងចក្រនេះ នឹងមានផ្នែកសំខាន់ចំនួន ២ គឺការផលិត និងការដំឡើង។
គម្រោងនេះ បានទទួលការអនុញ្ញាតជាមូលដ្ឋាន ដើម្បីចាប់ផ្តើមការសាងសង់ដំណាក់កាលទី១ របស់ខ្លួន។ នៅពេលដែលផលិតកម្មចាប់ផ្តើមប្រតិបត្តិការ រោងចក្ររបស់ VinFast នឹងបង្កើតប្រព័ន្ធអេកូនៃអ្នកផ្គត់ផ្គង់ និងជាពិសេសជួយបង្កើតការងារថ្មីៗរាប់ពាន់ផងដែរ។
លោកស្រី Le Thi Thu Thuy នាយកប្រតិបត្តិនៃក្រុមហ៊ុន VinFast Auto បានថ្លែងថា រោងចក្រផលិតនៅរដ្ឋការ៉ូលីណាភាគខាងជើង គឺជាគម្រោងដ៏សំខាន់មួយរបស់ VinFast ។ នៅពេលចាប់ផ្តើមប្រតិបត្តិការ រោងចក្រនេះ នឹងជាអ្នកផ្គត់ផ្គង់ជាចម្បងនៃផលិតផលរថយន្តអគ្គិសនីរបស់ VinFast ទៅកាន់ទីផ្សារអាមេរិកខាងជើង»។
លោកស្រីបានបន្ថែមថា ក្រុមហ៊ុនក៏សង្ឃឹមថា ការសាងសង់រោងចក្រនៅក្នុងតំបន់ Chatham County នៃរដ្ឋការ៉ូលីណាភាគខាងជើង នឹងរួមចំណែកដល់ការជំរុញសេដ្ឋកិច្ចថាមពលស្អាតនៅសហរដ្ឋអាមេរិក និងជួយគាំទ្រដល់យុទ្ធសាស្ត្របដិវត្តន៍ចល័តបៃតងរបស់រដ្ឋនេះផងដែរ ខណៈដែលរោងចក្រនេះ ត្រូវបានរំពឹងថា នឹងចាប់ផ្តើមផលិតកម្មនៅក្នុងឆ្នាំ ២០២៥។
កាលពីឆ្នាំមុន VinFast ទទួលបានកញ្ចប់លើកទឹកចិត្តចំនួន ១.២ពាន់លានដុល្លារពីរដ្ឋការ៉ូលីណាភាគខាងជើង សម្រាប់គម្រោងនេះ រួមជាមួយការគាំទ្រផ្នែកហិរញ្ញវត្ថុសំខាន់ៗពីទីក្រុង Sanford, Chatham County និង Golden Leaf ផងដែរ។ បន្ថែមពីលើរោងចក្រ VinFast កំពុងពន្លឿនអាជីវកម្ម និងការទទួលស្គាល់ម៉ាកយីហោរបស់ខ្លួននៅសហរដ្ឋអាមេរិក ដោយពង្រីកហាងលក់រាយ និងប្រព័ន្ធមជ្ឈមណ្ឌលសេវាកម្ម រៀបចំការបើកបរសាកល្បងក្នុងស្រុក និងការបង្ហាញព្រឹត្តិការណ៍ផលិតផលទូទាំងរដ្ឋកាលីហ្វ័រញ៉ា។ កិច្ចខិតខំប្រឹងប្រែងទាំងនេះ នឹងជួយក្នុងការនាំយកឱកាសសម្រាប់អតិថិជន ដើម្បីទទួលបានបទពិសោធន៍ដោយផ្ទាល់នូវរថយន្តអគ្គិសនីរបស់ក្រុមហ៊ុន VinFast ៕ (ប្រភពពី VnExpress)
ចែករំលែកព័តមាននេះ