ខេត្តតាកែវ ៖ បុរសម្នាក់មានប្រវត្តិជាប់ពន្ធនាគារ៣០ខែ ដោយប្រព្រឹត្តអំពើលើក្រុមគ្រួសារ ហើយទើបត្រូវបានដោះលែងមកវិញបាន៧ថ្ងៃ ក៏ហក់ចូលទៅក្នុងអបាយមុខសេពគ្រឿងញៀនលែងស្គាល់ខុសបានទៅធ្វើសកម្មភាពលបដុតផ្ទះអតីតប្រពន្ធ បណ្តាលឲ្យខូចខាតសម្ភារមួយចំនួន ដែលហេតុការណ៍នេះបានកើតឡើងកាលពីវេលាម៉ោងជិត៩យប់ថ្ងៃទី១៨ កក្កដា ឆ្នាំ២០២៣ ស្ថិតនៅភូមិត្រាំត្បាល់ ឃុំក្រាំងលាវ ស្រុកបាទី ខេត្តតាកែវ ។
ប៉ុន្តែទោះជាយ៉ាងណាក្តី ភ្លាមៗនោះ សមត្ថកិច្ចនគរបាលមូលដ្ឋានបានជួយអន្តរាគមន៍ទាន់ពេលវេលា និងបានធ្វើការឃាត់ខ្លួនជនបង្ក ដើម្បីចាត់ការតាមផ្លូវច្បាប់ផងដែរ ។ ជនសង្ស័យមានឈ្មោះ ភិន សុវិជ្ជា ភេទប្រុស អាយុ៥១ឆ្នាំ មុខរបរមិនពិតប្រាកដ ជាមុខសញ្ញាធ្លាប់ជាប់ពន្ធនាគាររយៈពេល៣០ខែ ពីបទ.អំពើហិង្សាដោយសហព័ទ្ធ«អំពើហិង្សាក្នុងគ្រួសារ»ហើយទើបតែនិងចេញពីពន្ធនាគារបាន៧ថ្ងៃ ។
តាមសាក្សីបញ្ជាក់ថា នៅវេលាម៉ោងប្រមាណជិត៩យប់ថ្ងៃខែខាងលើនេះ ជនសង្ស័យបានធ្វើសកម្មភាពលបលួចដុតផ្ទះ១ខ្នងទំហំ ៦ x ៧ ម៉ែត្រ ជាផ្ទះសាងសង់អំពីឈើ ជញ្ជាំងក្តារប្រក់ក្បឿង សសរបេតុងខាងក្រោម ជាផ្ទះរបស់ជនរងគ្រោះឈ្មោះ គីម គៀង ភេទស្រី អាយុ៤១ឆ្នាំ រស់នៅភូមិត្រាំត្បាល់ ឃុំក្រាំងលាវ ស្រុកបាទី ខេត្តតាកែវ (អតីតត្រូវជាប្រពន្ធ) បណ្តាលឲ្យឆេះខូចខាតសម្ភារៈក្នុងផ្ទះរួមមាន ៖
.ទូរសម្រាប់ដាកខោអាវ ១.ពូកដេក២ និងសម្ភារៈប្រើប្រាស់មួយចំនួនទៀត ហើយត្រូវបានអ្នកជិត និងសមត្តកិច្ចជួយពន្លត់ទាន់ ។ ចំពោះមូលហេតុជនសង្ស័យប្រើប្រាស់គ្រឿងញៀន និងមានជម្លោះជា មួយក្រុមគ្រួសារ ទើបធ្វើឲ្យរូបគេក្រពុលមុខលែងដឹងខុសត្រូវ ហាក់ដូចមនុមានកំរោលចូលខ្លួន លបទៅដុតផ្ទះអតីតៈប្រពន្ធ ហើយត្រូវបានសមត្តកិច្ចចាប់ខ្លួនបញ្ជូនឲ្យទៅដេកគុកវិញ ។
ចែករំលែកព័តមាននេះ