ខេត្តពោធិ៍សាត់ ៖ ស្ត្រីម្នាក់ស្លា.ប់ ឯ៩នាក់ផ្សេងទៀតរងរបួសធ្ងន់និងស្រាលដោយសាររន្ទះបា.ញ់ ខណៈពេលជ្រកភ្លៀងជុំគ្នាក្នុងរោងចាំចម្ការមួយ ។ បាតុភូតធម្មជាតិនេះបានកើតឡើងកាលពីថ្ងៃទី៨ ខែឧសភា វេលាម៉ោង៤និង៣០នាទីរសៀលនៅការដ្ឋានទី៤ ក្រុមហ៊ុនភាពីម៉ិច ត្រង់ចំណុចភ្នំព្រះ ស្ថិតក្នុងភូមិសាន្តស ឃុំអន្សារចំបក់ ស្រុកក្រគរ
ខេត្តពោធិ៍សាត់ ៖ ស្ត្រីម្នាក់ស្លាប់ ឯ៩នាក់ផ្សេងទៀតរងរបួសធ្ងន់និងស្រាលដោយសាររន្ទះបាញ់ ខណៈពេលជ្រកភ្លៀងជុំគ្នាក្នុងរោងចាំចម្ការមួយ ។ បាតុភូតធម្មជាតិនេះបានកើតឡើងកាលពីថ្ងៃទី៨ ខែឧសភា វេលាម៉ោង៤និង៣០នាទីរសៀលនៅការដ្ឋានទី៤ ក្រុមហ៊ុនភាពីម៉ិច ត្រង់ចំណុចភ្នំព្រះ ស្ថិតក្នុងភូមិសាន្តស ឃុំអន្សារចំបក់ ស្រុកក្រគរ។
លោកនាយប៉ុស្តិ៍រដ្ឋបាលអន្សារចំបក់ ឱ្យដឹងថា ជនរងគ្រោះដែលស្លាប់ដោយរន្ទះបាញ់នោះឈ្មោះសម្បុក ភេទស្រី អាយុ៤៣ឆ្នាំ មានទីលំនៅខេត្តកំពង់ស្ពឺ ជាកម្មការិនីក្រុមហ៊ុនភាពី ម៉ិច ។ ចំណែកអ្នករងរបួស៩នាក់ ក្នុងនោះប្រុសម្នាក់ សុទ្ធតែជាកម្មករ-កម្មការិនីក្រុមហ៊ុនជាមួយគ្នា ។
បើតាមការផ្តល់ព័ត៌មានរបស់មេការក្រុមហ៊ុនឱ្យដឹងថា នៅថ្ងៃទី៨ ឧសភា ២០១១នោះ ពេលព្រឹកកម្មករ-កម្មការិនីនិងប្រជាពលរដ្ឋចំនួន១.៥០០នាក់ បានទទួលអំណោយពីលោកឧកញ៉ាឡាវ ម៉េងឃីន និងលោកជំទាវជឹង សុភាព នាយិកាក្រុមហ៊ុនភាពីម៉ិច ក្រោមអធិបតីភាពលោករដ្ឋមន្ត្រីស៊ុយ សែម និងលោកជំទាវជា ខេង ។ វេលាម៉ោង៤និង៣០នាទីរសៀល មានភ្លៀងធ្លាក់និងខ្យល់យ៉ាងខ្លាំង ពេលនោះកម្មករ-កម្មការិនីទាំងអស់់ដែលកំពុងធ្វើការក្នុងកសិដ្ឋានក៏នាំគ្នាឈប់សម្រាកជ្រកផ្តុំគ្នាក្នុងរោង។ ខណៈពេលជ្រកភ្លៀងដែលខ្លះកំពុងអង្គុយ ខ្លះឆុងមីហូបនោះ ស្រាប់តែឮសូររន្ទះបាញ់ដូចហែកមេឃ ។
ពេលនោះគេឃើញកម្មករ-កម្មការិនីដួលរេលក្នុងរោង លុះពេលទៅមើលឃើញស្ត្រីម្នាក់បានស្លាប់បាត់បង់ជីវិតទៅហើយ ឯ៩នាក់ទៀតខ្លះមានស្នាមឆ្កូតមុខ ឆ្កូតមាត់ និងខ្លួនបណ្តាលឱ្យរងរបួសធ្ងន់៣នាក់ ស្រាល៦នាក់ ក្នុងនោះប្រុសម្នាក់ ។ លោកមេការបន្តទៀតថា បន្ទាប់ពីកើតហេតុភ្លាម យើងបានដឹកជនរងគ្រោះទៅព្យាបាលនៅពេទ្យរបស់ក្រុមហ៊ុនក្នុងការដ្ឋានទី៤ ។
រីឯស្ត្រីរងគ្រោះដែលរន្ទះកំណាចផ្តាច់ជីវិតចោលប្តីពិការនិងកូនៗឱ្យនៅកំព្រានោះ ក្រុមហ៊ុនបានដឹកសពដល់ផ្ទះនៅឯខេត្តកំពង់ស្ពឺ និងបានចូលរួមក្នុងពិធីបុណ្យនូវទឹកប្រាក់ចំនួន៤០០ដុល្លារផងដែរ ។ ករណីរន្ទះបាញ់ជាបាតុភូតធម្មជាតិបានកើតមានតាំងពីដើមមក ដែលទាមទារឱ្យបងប្អូនមានការប្រុងប្រយ័ត្នពេលមានភ្លៀងខ្យល់ម្តងៗ ៕
ចែករំលែកព័តមាននេះ