ខេត្តសៀមរាប ៖ កាលពីថ្ងៃទី១៧ ខែកក្កដា ឆ្នាំ២០២៣ អាជ្ញាធរស្រុកបន្ទាយស្រី និងអាជ្ញាធរខេត្តសៀមរាបបានចុះទប់ស្កាត់សំណង់របងរឹងកាត់ទទឹងអូរធម្មជាតិ ស្ថិតនៅក្នុងភូមិគូលែនថ្មី ឃុំត្បែង ស្រុកបន្ទាយស្រី…
ខេត្តសៀមរាប ៖ កាលពីថ្ងៃទី១៧ ខែកក្កដា ឆ្នាំ២០២៣ អាជ្ញាធរស្រុកបន្ទាយស្រី និងអាជ្ញាធរខេត្តសៀមរាបបានចុះទប់ស្កាត់សំណង់របងរឹងកាត់ទទឹងអូរធម្មជាតិ ស្ថិតនៅក្នុងភូមិគូលែនថ្មី ឃុំត្បែង ស្រុកបន្ទាយស្រី ខេត្តសៀមរាប នៅក្បែរជើងភ្នំគូលែន ក្មុងគោលបំណងដើម្បីឱ្យម្ចាស់នោះផ្អាក និងហាមធ្វើបន្តទៀតឡើយ ហើយប្រសិនបើនៅរឹងទទឹង អាជ្ញាធរស្រុកនឹងមានវិធានការចាត់ការ ទៅតាមផ្លូវច្បាប់ជាក់ជាមិនខាន ។
លោក រិន ឡូត អភិបាលស្រុកបន្ទាយស្រីបានប្រាប់តាមទូរស័ព្ទនៅថ្ងៃទី១៨ ខែកក្កដានេះថា ក្រុមការងារស្រុកបានចុះសហការជាមួយអាជ្ញាធរមូលដ្ឋាន នៅថ្ងៃទី១៧ ខែកក្កដា ឆ្នាំ២០២៣នោះ ដើម្បីទៅមើលដល់ទីតាំងដែលជនល្មើសកំពុងប្រព្រឹត្តិខុសច្បាប់លូចធ្វើរបងរឹង ឆ្លងកាត់អូរធម្មជាតិមួយកន្លែង ដែលស្ថិតនៅក្នុងភូមិគូលែនថ្មី ឃុំត្បែងនោះ ដើម្បីបញ្ឈប់សកម្មភាពភ្មាមៗតែ
ម្តង ។
ហើយម្ចាស់ដែលបានធ្វើរបងឆ្លងកាត់អូររបស់រដ្ឋនោះ ត្រូវបានអាជ្ញាធរស្រុកបន្ទាយស្រី ធ្វើការហៅឱ្យចូលខ្លួនមកដោះស្រាយនៅសាលាស្រុកនៅថ្ងៃទី១៩ ខែកក្កដាខាងមុខនេះ។
ជុំវិករណីខាងលើនោះ ត្រូវមហាជនរិះគន់ថា មនុស្សអើយមនុស្ស សម័យនេះហើយស្អីក៏ហ៊ានធ្វើដែរ ដូចជាមិនខ្លាចច្បាប់ទម្លាប់សោះ ។ ពលរដ្ឋសង្ឃឹមថា អាជ្ញាធរពាក់ព័ន្ធ ក្នុងខេត្តសៀមរាបនឹងមានវិធានការផ្លូវច្បាប់ទៅលើម្ចាស់សំណង់មួយនេះជាក់ជាមិនខានឡើយ ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ