ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ នៅថ្ងៃទី១៧ ខែកក្កដា ឆ្នាំ២០២៣នេះ បានចាប់ខ្លួនបញ្ជូនជនសង្ស័យជាចោ.រចំនួន២នាក់ និងអ្នកទទួលផលពីចោ.រកម្មម្នាក់ទៀត ទៅកាន់សាលាដំបូងរាជធានីភ្នំពេញ ដើម្បីធ្វើការ
រាជធានីភ្នំពេញ ៖ ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ នៅថ្ងៃទី១៧ ខែកក្កដា ឆ្នាំ២០២៣នេះ បានចាប់ខ្លួនបញ្ជូនជនសង្ស័យជាចោ.រចំនួន២នាក់ និងអ្នកទទួលផលពីចោ.រកម្មម្នាក់ទៀត ទៅកាន់សាលាដំបូងរាជធានីភ្នំពេញ ដើម្បីធ្វើការចោទប្រកាន់ជាផ្លូវការ ។
ជនសង្ស័យទាំង៣នាក់ខាងលើនេះ រួមមាន ៖ ១- ឈ្មោះ ជា ពិសិដ្ឋ ភេទប្រុស អាយុ៣០ឆ្នាំ មុខរបររត់ម៉ូតូឌុប ស្នាក់នៅផ្ទះគ្មានលេខ ផ្លូវជាតិលេខ៥ ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ (ចោ.រ)។ ២- ឈ្មោះ ង្វៀង យ៉ាងហៀង ភេទប្រុស អាយុ៣២ឆ្នាំ ជាជនជាតិវៀតណាម មុខរបរជាងកាត់សក់ ស្នាក់នៅផ្ទះគ្មានលេខ ផ្លូវលំ ស្ថិតក្នុងភូមិចំការចេក សង្កាត់ទួលសង្កែ១ ខណ្ឌឬស្សីកែវ រាជធានីភ្នំពេញ (ចោ.រ) ។ និង៣- ឈ្មោះ ប៉ែន ធូ ភេទប្រុស អាយុ៤១ឆ្នាំ ជនជាតិខ្មែរ មុខរបរលាងម៉ូតូ ស្នាក់នៅផ្ទះជួល ផ្លូវបេតុង ស្ថិតក្នុងសង្កាត់ទួលសង្កែ១ ខណ្ឌឬស្សីកែវ រាជធានីភ្នំពេញ (អ្នកទទួលទិញផលចោ.រកម្ម) ។
ចំណែកវត្ថុតាងដែលចាប់យករួមមាន ៖ ម៉ូតូរបស់ជនរងគ្រោះ១គ្រឿង ម៉ាកហុងដាស្កុបពី ពណ៌ស ស៊េរីឆ្នាំ២០២០ ពាក់ផ្លាកលេខ ភ្នំពេញ១IJ-៩២៩២ ។
សូមបញ្ជាក់ថា កាលពីវេលារសៀលថ្ងៃទី១៤ ខែកក្កដា ឆ្នាំ២០២៣ កម្លាំងការិយាល័យជំនាញបានធ្វើការស្រាវជ្រាវ និងឃាត់ខ្លួនជនសង្ស័យជាបន្តបន្ទាប់បានចំនួន៣នាក់ ក្នុងនោះម្នាក់ឈ្មោះ ជា ពិសិដ្ឋ ឃាត់ខ្លួននៅផ្ទះសំណាក់អរុណរះ ផ្លូវបេតុង ស្ថិតក្នុងសង្កាត់ទួលសង្កែ១ ខណ្ឌឬស្សីកែវ រាជធានីភ្នំពេញ។ ឈ្មោះ ប៉ែន ធូ ឃាត់ខ្លួននៅចំណុចក្នុងបឹងកក់ សង្កាត់ស្រះចក ខណ្ឌដូនពេញ រាជធានីភ្នំពេញ និងម្នាក់ទៀតឈ្មោះ ង្វៀង យ៉ាងហៀង នៅចំណុចមាត់ទន្លេ សង្កាត់ទួលសង្កែ១ ខណ្ឌឬស្សីកែវ រាជធានីភ្នំពេញ ពាក់ព័ន្ធបទល្មើសលួច ដែលប្រព្រឹត្តនៅចំណុចមុខក្រុមហ៊ុនលក់គ្រឿងសង្ហារឹម ផ្លូវលេខ១០១៩ ស្ថិតក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ កាលពីយប់ថ្ងៃទី១៣ ខែកក្កដា ឆ្នាំ២០២៣។
ចំណែកជនរងគ្រោះដែលជាម្ចាស់ម៉ូតូ ត្រូវចោ.រលួបនោះ មានឈ្មោះ អ៊ូច សូណារុម ភេទស្រី អាយុ២៤ឆ្នាំ មានទីលំនៅផ្ទះជួល ផ្លូវជាតិលេខ៥ ស្ថិតក្នុងភូមិទ្រា៤ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ មុខរបរបុគ្គលិកក្រុមហ៊ុន ។
គួរបញ្ជាក់ថា នៅថ្ងៃខែខាងលើនេះ ជនរងគ្រោះបានទុកម៉ូតូនៅចំណុចមុខក្រុមហ៊ុនលក់គ្រឿងសង្ហារឹម ផ្លូវលេខ១០១៩ ស្ថិតក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ ស្រាប់តែមានជនសង្ស័យ២នាក់ ជិះម៉ូតូ១គ្រឿងឌុបគ្នា មកធ្វើសកម្មភាពលួចម៉ូតូរបស់ជនរងគ្រោះទៅបាត់ ។ បន្ទាប់មក ជនរងគ្រោះបានទៅដាក់ពាក្យបណ្តឹងនៅសមត្ថកិច្ច ទើបនគរបាលព្រហ្មទណ្ឌ ធ្វើការស្រាវឃាត់ខ្លួនជនសង្ស័យជាចោ.រលួចបានចំនួន២នាក់ និងឈានទៅឃាត់ខ្លួនជនសង្ស័យជាអ្នករង់ចាំទទួលទិញផលពីចោ.រកម្មនោះម្នាក់ទៀត៕
ចែករំលែកព័តមាននេះ