ប្រយុទ្ធគ្នាខ្លាំងក្លានៅអ៊ុយក្រែន លោកពូទីន ថាការវា.យបករបស់កងទ័បអ៊ុយក្រែនបរាជ័យ
សង្គ្រាមអ៊ុយក្រែន ៖ កងទ័ពអ៊ុយក្រែនប្រកាសនាថ្ងៃទី១៦ កក្កដា ពីការប្រយុទ្ធគ្នាខ្លាំងក្លានៅរណសិរ្ស
សង្គ្រាមអ៊ុយក្រែន ៖ កងទ័ពអ៊ុយក្រែនប្រកាសនាថ្ងៃទី១៦ កក្កដា ពីការប្រយុទ្ធគ្នាខ្លាំងក្លានៅរណសិរ្ស
សង្គ្រាមអ៊ុយក្រែន ៖ កងទ័ពអ៊ុយក្រែនប្រកាសនាថ្ងៃទី១៦ កក្កដា ពីការប្រយុទ្ធគ្នាខ្លាំងក្លានៅរណសិរ្សខាងកើត ជាមួយកងទ័ពរុស្ស៊ីខណៈលោកវ្ល៉ាឌីមៀរ ពូទីន អះអាងថា ការវាយបករបស់កងទ័ពអ៊ុយក្រែនពីខែមិថុនាមកត្រូវបរាជ័យ ។
សេនាធិការដ្ឋានកងទ័ពអ៊ុយក្រែនគូសបញ្ជាក់ថា កងទ័ពបន្តធ្វើសកម្មភាពវាយលុកក្នុងតំបន់
មេលីតូប៉ូល និងប័រឌីយ៉ានស្ក៍ភាគអាគ្នេយ៍ប្រទេសស្វែងរករំកិលទៅមុខឆ្ពោះទៅកាន់សមុទ្រ AZOV
ដើម្បីកាត់ផ្ដាច់ខ្សែផ្គត់ផ្គង់របស់រុស្ស៊ី ហើយធ្វើឲ្យតំបន់គ្រីមេស្ថិតនៅឯកោ ។ ចំណែកអនុរដ្ឋមន្ត្រី
ការពារប្រទេសអ៊ុយក្រែន លោកស្រីហ្គាណាម៉ាលីយ៉ាគូសបញ្ជាក់ថា នៅភាគខាងកើតប្រទេសមានការតានតឹងខ្លាំងដោយសារការខិតខំប្រឹងប្រែងរបស់កងទ័ពរុស្ស៊ី ធ្វើការវាយបកវិញក្នុងតំបន់ជាច្រើន ដែលកងទ័ពអ៊ុយក្រែនស្ថិតក្នុងជំហរការពារ ។
លោកស្រីលើកឡើងនាថ្ងៃទី១៦ កក្កដាថា រយៈពេល២ថ្ងៃជាប់ៗគ្នាសត្រូវបានវាយប្រហារយ៉ាងសកម្ម នៅគូពីយ៉ានស្ក៍តំបន់ក្រុងខាគៀវ ។ ការប្រយុទ្ធគ្នាដ៏សាហា.វកើតមានហើយបណ្ដាទីតាំងយើងត្រូវផ្លាស់ប្ដូរច្រើនដងក្នុង១ថ្ងៃ ។
អ៊ុយក្រែនទទួលស្គាល់ថា ការប្រយុទ្ធគ្នាពិតជាលំបាកនិងបានអំពាវនាវដល់សម្ព័ន្ធមិត្តជួយ
ផ្ដល់អាវុ.ធ ពិសេសកាំភ្លើងធំបាញ់បានឆ្ងាយកាន់តែច្រើនថែមទៀត ។
លោកស្រីអនុរដ្ឋមន្ត្រីការពារប្រទេសអ៊ុយក្រែននិយាយទៀតថា កងទ័ពយើងអាចវាយរុលទៅមុខសន្សឹមៗនៅជិតក្រុងបាក់មូត ដែលរុស្ស៊ីវាយកាន់កាប់បានកាលពីខែឧសភា ។ កងទាហានអ៊ុយក្រែនអាចរុលទៅមុខនាភាគខាងត្បូងបាក់មូត និងខិតខំការពារបណ្ដាទីតាំងឈរជើងនាភាគ
ខាងជើងក្រុងនេះ ។
រីឯលោកពូទីនវិញអះអាងនាថ្ងៃទី១៦ កក្កដាថា ការវាយបករបស់អ៊ុយក្រែនមិនទទួលបានការ
រីកចម្រើនណាមួយឡើយ ។ លោកថារាល់ការប៉ុនប៉ងទំលុះខ្សែការពាររបស់យើងត្រូវបរាជ័យតាំងពីចាប់ផ្ដើមការវាយបកមក ។ សត្រូវមិនអាចទទួលបានជោគជ័យឡើយ ។ កងទ័ពយើងប្រយុទ្ធ
ដ៏អង់អាចក្លាហានជាវីរជន ។ កងទ័ពយើងរហូតដល់ធ្វើការវាយបកវិញក្នុងតំបន់មួយចំនួន និងចាប់យកបានទីតាំងនានា ។
តាមកាសែតញូវយ៉កថែមថា កងទ័ព អ៊ុយក្រែនបានបាត់បង់ប្រមាណជា២០%នៃគ្រឿងសព្វាវុធ
ព្រមទាំងយានយន្តយោធាតាំងពិចាប់ផ្ដើមការវាយបកមក ។ ការបាត់បង់សំខាន់នេះអាចជាប្រភពនៃការលំបាកនានា ដែលកងទ័ពអ៊ុយក្រែនកំពុងជួបប្រទះលើខ្សែរណសិរ្សអាចជម្រុញឲ្យសេនាធិការ
ដ្ឋានកងទ័ពនេះពិចារណាឡើងវិញ លើយុទ្ធសាស្ត្ររបស់ខ្លួន ៕
ចែករំលែកព័តមាននេះ