លោកពូទីន ដាក់មនុស្សថ្មីជំនួសមេក្រុមទាហានស៊ីឈ្នួលរុស្ស៊ី WAGNER
សង្គ្រាមអ៊ុយក្រែន ៖ តាមសំ ដីរបស់ប្រធានាធិបតីរុស្ស៊ី លោកវ្ល៉ាឌីមៀរពូទីន ដកស្រង់ផ្សាយដោយ
សង្គ្រាមអ៊ុយក្រែន ៖ តាមសំ ដីរបស់ប្រធានាធិបតីរុស្ស៊ី លោកវ្ល៉ាឌីមៀរពូទីន ដកស្រង់ផ្សាយដោយ
សង្គ្រាមអ៊ុយក្រែន ៖ តាមសំ ដីរបស់ប្រធានាធិបតីរុស្ស៊ី លោកវ្ល៉ាឌីមៀរពូទីន ដកស្រង់ផ្សាយដោយកាសែត KOMMERSANT ថា លោកប្រាប់ដល់យុទ្ធជនក្រុមWAGNER ថា មេទាហានជាន់ខ្ពស់មួយរូបនៃក្រុមទាហានស៊ីឈ្នួលនោះ លោកអានដ្រេត្រូសេវ ពេលនេះជាមេបញ្ជាការរបស់WAGNER។
កាសែតរុស្ស៊ីនេះលើកឡើងពីកិច្ចប្រជុំមួយដឹកនាំធ្វើដោយលោកពូទីន ៥ថ្ងៃក្រោយបញ្ចប់ការបះបោររបស់កងទាហានស៊ីឈ្នួលនេះ កាលពីចុងខែមិថុនា ដោយកិច្ចប្រជុំនោះក៏ចូលរួមដែរ ដោយថៅកែកងទាហានឯកជននោះ លោកអាវហ្គេនីព្រីហ្គោហ្ស៊ីន និងមេបញ្ជាការជាន់ខ្ពស់ច្រើនរូបរបស់WAGNER។
ក្នុងកិច្ចប្រជុំនេះលោកពូទីនបានពន្យល់ថា ក្នុងចំណោមការជ្រើសរើសជាច្រើនក្រោយការបះបោរ សម្រាប់បណ្ដាយុទ្ធជនWAGNER ការជ្រើសរើសមួយក្នុងចំណោមការជ្រើសរើសទាំងនេះ គឺការបន្តប្រយុទ្ធសម្រាប់WAGNER តែក្រោមបញ្ជារបស់ប្រមុខថ្មី ជាមេបញ្ជាការម្នាក់មានរហស្សនាមថាSEDOY ប្រែថាសក់ប្រផេះ។
SEDOYចង់និយាយសំដៅដល់លោកអានដ្រេត្រូសេវ ជាវរសេនីយឯករុស្ស៊ីចូលនិវត្តន៍មួយរូប កើតក្នុងខែមេសាឆ្នាំ១៩៥៣នៅឡេនីនហ្គ្រាដ។ លោកជាសមាជិកស្ថាបនិកក្រុមWAGNER និងជានាយកប្រតិបត្តិរបស់ក្រុមនេះ។ លោកធ្លាប់ជានាយសេនាធិការប្រតិបត្តិការ របស់ក្រុមទាហានស៊ីឈ្នួលនេះនៅស៊ីរី ជួយដល់របបប្រធានាធិបតីស៊ីរីលោកអាសាអាល់អាសាដ៕
ចែករំលែកព័តមាននេះ