ឥណ្ឌាទិញយន្តហោះប្រដេញនិងនាវាមុជទឹកពីបារាំង
ប្រទេសបារាំង-ឥណ្ឌា ៖ ការអញ្ជើញនាយករដ្ឋមន្ត្រីឥណ្ឌាមកចូលរួមជាកិត្តិយសក្នុងពិធីបុណ្យជាតិ
ប្រទេសបារាំង-ឥណ្ឌា ៖ ការអញ្ជើញនាយករដ្ឋមន្ត្រីឥណ្ឌាមកចូលរួមជាកិត្តិយសក្នុងពិធីបុណ្យជាតិ
ប្រទេសបារាំង-ឥណ្ឌា ៖ ការអញ្ជើញនាយករដ្ឋមន្ត្រីឥណ្ឌាមកចូលរួមជាកិត្តិយសក្នុងពិធីបុណ្យជាតិបារាំងថ្ងៃ១៤ កក្កដា ពិតជាចំណេញ ដោយឥណ្ឌាបានព្រមព្រៀងជាគោលការណ៍កាលពីថ្ងៃទី១៣ កក្កដា ទិញពីបារាំងយន្តហោះប្រដេញធុន RAFALE ចំនួន២៦គ្រឿង សម្រាប់នាវាផ្ទុកយន្តហោះនិងនាវាមុជទឹកធុន SCORPENE ៣គ្រឿង ។
ក្រុមប្រឹក្សាការពារឥណ្ឌាបានអនុម័តសំណើទិញនោះ ។ នេះជាការអះអាងរបស់ក្រសួងការពារ
ប្រទេសឥណ្ឌាក្នុងសេចក្ដីប្រកាសមួយដែលបញ្ជាក់ថា តម្លៃនិងលក្ខខណ្ឌដទៃៗទៀតនៅត្រូវ
ចរចាគ្នាជាមួយរដ្ឋាភិបាលបារាំង ។ ការពិភាក្សាគ្នាទាក់ទិននឹងកិច្ចព្រមព្រៀងនេះដែលរង់ចាំតាំងពីយូរមកហើយ នឹងគិតដល់គ្រប់ទិដ្ឋភាពសំខាន់ៗ ក្នុងនោះមានតម្លៃដែលត្រូវប្រដំប្រសងគ្នានឹងតម្លៃយន្តហោះប្រហាក់ប្រហែលគ្នានេះរបស់ប្រទេសដទៃៗទៀត ។
យន្តហោះ RAFALE សម្រាប់កងម៉ារីនផលិតដោយក្រុមហ៊ុនផលិតយន្តហោះចម្បាំង DASSAULT AVIATION គឺឥណ្ឌាទិញសម្រាប់យកទៅបំពាក់ឲ្យនាវាផ្ទុកយន្តហោះដំបូង ដែលឥណ្ឌាផលិតដោយខ្លួនឯងមានឈ្មោះថា INS VIKRANT ដាក់ឲ្យប្រើប្រាស់កាលពីឆ្នាំទៅមិញ ។
ឥណ្ឌាធ្លាប់បានទិញរួចហើយនាវាមុជទឹក SCORPENE ចំនួន៦គ្រឿង ។ នាវាមុជទឹកធុននេះ៣គ្រឿងថែមទៀត នឹងត្រូវរួមសហការផលិតដោយក្រុមហ៊ុនឥណ្ឌាមួយនៅជិតក្រុងបុមបៃដោយបង្កើតការងារក្នុងស្រុកបានច្រើនថែមទៀត ៕
ចែករំលែកព័តមាននេះ