ថ្ងៃនេះ! ការបោះឆ្នោតជ្រើសរើសនាយករដ្ឋមន្ត្រីថៃ ស្ថិតក្រោមភាពតានតឹង
ប្រទេសថៃ ៖ អ្នកឈ្នះក្នុងការបោះឆ្នោតសភាថៃ លោកភីតា លីមចារឺនរ៉ាត នាថ្ងៃទី១៣ កក្កដា
ប្រទេសថៃ ៖ អ្នកឈ្នះក្នុងការបោះឆ្នោតសភាថៃ លោកភីតា លីមចារឺនរ៉ាត នាថ្ងៃទី១៣ កក្កដា
ប្រទេសថៃ ៖ អ្នកឈ្នះក្នុងការបោះឆ្នោតសភាថៃ លោកភីតា លីមចារឺនរ៉ាត នាថ្ងៃទី១៣ កក្កដា សង្ឃឹមបិទទំព័រនៃការកាន់អំណាចអស់ពេលជិត១ទសវត្សរបស់ពួកយោធា តែការជ្រើសតាំងរូបលោកជានាយករដ្ឋមន្ត្រីថ្មី មានការប្រទាំងប្រទើសដោយសារលោកជាប់ការចោទប្រកាន់របស់តុលាការ ហើយកម្មវិធីនយោបាយរបស់លោក ត្រូវបានពួកអ្នកប្រឆាំងចាត់ទុកថារ៉ាឌីកាល់ជ្រុល ក្នុងពេលដែលថៃកំពុងស្ថិតក្នុងភាពតានតឹងខ្លាំង។
ពេលមកដល់សភានាព្រឹកថ្ងៃទី១៣ កក្កដា លោកភីតា លីមចារឺនរ៉ាត ថ្លែងទៅកាន់បណ្ដាអ្នកកាសែតថា ខ្ញុំមានទំនុកចិត្តអាចធ្វើការពេញលេញ ដើម្បីឆ្លើយតបចំពោះក្ដីសង្ឃឹមរបស់គ្រប់គ្នានិងរបស់បណ្ដាអ្នកគាំទ្រខ្ញុំ។
ជាបេក្ខជននាយករដ្ឋមន្ត្រីតែម្នាក់ឯងគត់ អ្នកនយោបាយវ័យក្មេងអាយុទើប៤២ឆ្នាំរូបនេះ ត្រូវការសំឡេងគាំទ្ររបស់សភាទាំង២ ឲ្យបាន៣៧៥សំឡេងដើម្បីឡើងកាន់អំណាច។ សមាជិកាព្រឹទ្ធសភាមួយរូបបានសុំលាលែងកាលពីថ្ងៃទី១២កក្កដា នាំំឲ្យចំនួនអ្នកបោះឆ្នោតនៅសល់ត្រឹម៧៤៩នាក់។ ការបោះឆ្នោតតាមមើលទៅមិនអាចមានមុនចុងរសៀលថ្ងៃទី១៣កក្កដាឡើយ បន្ទាប់ពីការពិភាគ្សាគ្នាច្រើនម៉ោង ដែលចាប់ផ្ដើមពីម៉ោង៩និង៣០នាទីទៅ។
គ្រោះថ្នាក់នៃភាពទ័លច្រកអាចនាំឲ្យមានបាតុកម្មធំៗ ខណៈនៅថៃល្បីស្រាប់ហើយពីអន្តរាគមន៍របស់កងទ័ពនិងតុលាការ ក្នុងករណីមានវិបត្តិនយោបាយ។ លោកពីតាលីមចារឺនរ៉ាតតំណាងឲ្យមនុស្សជំនាន់ថ្មី ត្រូវប្រឈមមុខនឹងការបដិសេធមិនទទួលបានការគាំទ្ររបស់ព្រឹទ្ធសភា និងរងការចាត់ការរបស់តុលាការដែលជាដាវមួយនៅពីលើក្បាលលោក។ ទោះបីទទួលបានការគាំទ្រដោយសំឡេងភាគច្រើនក្នុងសភា ដល់៣១២សំឡេង ក្នុងចំណោមសមាជិកសភាទាំង៥០០រូប ពិសេសរបស់គណបក្សភឿថៃ តែបេក្ខភាពរបស់លោកត្រូវទទួលការគាំទ្រពីព្រឹទ្ធសមាជិក៦០រូប ទើបអាចបានកាន់អំណាច។
ម្យ៉ាងទៀតលោកភីតា ជាប់រឿងចោទប្រកាន់ឡើងតុលាការ ដែលអាចផាត់ចោលបេក្ខភាពលោក។ លោកជាប់ការចោទប្រកាន់កាលពីថ្ងៃទី១២កក្កដា ពីរឿង២ផ្សេងគ្នា រឿងមួយពីភាពមិនប្រក្រតីនិងការចោទប្រកាន់មួយទៀតពីបទចង់ផ្ដួលរំលំស្ដេច។ គណៈកម្មាធិការបោះឆ្នោតដែលបើកការស៊ើបអង្កេតមួយ បានស្នើឲ្យផ្អាកតំណែងសភារបស់លោក។ លោកអាចបាត់បង់កៅអីសភា និងអាចមានទោសជាប់ពន្ធនាគារ ហើយនិងត្រូវបាត់បង់ជិវិតនយោបាយដល់ទៅ២០ឆ្នាំ។ ព្រឹទ្ធសមាជិកមួយរូបនិយាយថា មានព្រឹទ្ធសមាជិកមិនលើសពី១០រូបឡើយដែលអាចបោះឆ្នោតគាំទ្រលោកភីតា។
ក្នុងករណីបរាជ័យក្នុងការបោះឆ្នោត សមាជិកសភានិងព្រឹទ្ធសភា នឹងរួមប្រជុំច្រើនលើកដែលចាំបាច់ ជាមួយលទ្ធភាពបេក្ខជននាយករដ្ឋមន្ត្រីមួយរូបមកពីគណបក្សផ្សេង។
ដោយសារស្ថានភាពតានតឹងខ្លាំងគេបានដាក់រាយលួសបន្លា យកកុងតឺន័ររាំងផ្លូវច្រកចូលសភា ដែលនៅទីនោះមានការដាក់ពង្រាយកម្លាំងសន្តិសុខយ៉ាងច្រើន៕
ចែករំលែកព័តមាននេះ