គ្រោះទឹកជំនន់នៅឥណ្ឌា អ្នកស្លា.ប់ឡើងដល់ជាង១០០នាក់ហើយ
ប្រទេសឥណ្ឌា ៖ អាជ្ញាធរឥណ្ឌារាយការណ៍កាលពីថ្ងៃទី១២កក្កដាថា ការបាក់ដីនិងទឹកជំនន់បណ្ដាល
ប្រទេសឥណ្ឌា ៖ អាជ្ញាធរឥណ្ឌារាយការណ៍កាលពីថ្ងៃទី១២កក្កដាថា ការបាក់ដីនិងទឹកជំនន់បណ្ដាលមកពីភ្លៀងធ្លាក់ខាំ្លង បណ្ដាលឲ្យមនុស្សជាង១០០នាក់នៅភាគខាងជើងឥណ្ឌា ។ នេះប់តាមកាសែតឥណ្ឌាINDIA TODAY។ បណ្ដាអ្នកទេសចរត្រូវជាប់គាំងក្នុងតំបន់ទឹកជន់លិច។
ភ្លៀងធ្លាក់ខ្លាំងបណ្ដាលឲ្យខ្សែទឹកហូរនាំយករថយន្តទាំងឡាយទៅជាមួយ បណ្ដាលឲ្យបាក់អគារនិងបំផ្លាញស្ពាននានាក្នុងរដ្ឋហ៊ីម៉ាឆាលប្រាដេស តំបន់រងការប៉ះពាល់ខ្លាំង។ នេះបើតាមបណ្ដារូបភាពផ្សាយដោយទូរទស្សន៍ឥណ្ឌា។ លោកអូនកាសាម៉ាអ្នកទទួលខុសត្រូវខាងសង្គ្រោះរបស់រដ្ឋនោះថ្លែងថា មនុស្សយ៉ាងតិច៣៣នាក់ស្លា.ប់ ចាប់តាំងពីថ្ងៃទី៨កក្កដាមកក្នុងរដ្ឋនោះ ដែលមានប្រជាប្រិយភាពមកពីមានទីតាំងទេសចរណ៍ល្អៗ នៅតាមជួរភ្នំហ៊ីម៉ាឡៃយ៉ា។
ប្រមុខប៉ូលិសរដ្ឋនេះលោកសាតវ៉ានអាត់វ៉ាល់បញ្ជាក់ប្រាប់AFPថា បណ្ដាក្រុមជួយសង្គ្រោះត្រូវបានប្រមូល ដើម្បីជួយដល់ជនបរទេស៤០នាក់ ក្នុងនោះមានរុស្ស៊ី១៤នាក់និងម៉ាឡេស៊ី១២នាក់ដែលជាប់គាំង នៅតាមបណ្ដាទីតាំងទេសចរណ៍ ក៏ដូចជាជនជាតិឥណ្ឌាច្រើនរយនាក់ផងដែរ។ ការធ្លាក់ព្រិលច្រើននិងធាតុអាកាសអាក្រក់ នាំឲ្យមានការលំបាកខ្លាំងដល់ការជម្លៀសមនុស្សចេញ។
មនុស្សយ៉ាងតិច១២នាក់ទៀតបានត្រូវស្លា.ប់នៅរដ្ឋជិតខាងអុតតារ៉ាក់ខាន់ ក្នុងនោះ៩នាក់ស្លា.ប់ក្រោមបំណែកដែលធ្លាក់ចំរថយន្តពួកគេតាមផ្លូវថ្នល់មួយ។ ក្នុងរដ្ឋពុនចាបមនុស្សយ៉ាងតិច១០នាក់ស្លាប់ក្នុងទឹកជំនន់។ ចំណែកមនុស្ស១១នាក់ស្លា.ប់នៅរដ្ឋអ៊ុតតាប្រាដេស ជារដ្ឋឥណ្ឌាមានប្រជាជនច្រើនជាងគេ។
ក្រុងញូវដែល្លីក៏រងការប៉ះពាល់ខ្លាំងដោយទឹកជំនន់ ដោយនៅទីនោះសាលារៀនត្រូវបិទទ្វារ កាលពីថ្ងៃទី១០កក្កដា ក្រោយភ្លៀងធ្លាក់យ៉ាងខ្លាំង។ រដ្ឋធានីឥណ្ឌាដែលបណ្ដាវិថីត្រូវទឹកជន់លិចបានប្រកាសអាសន្ន ដោយសារស្ទឹងយ៉ាមូណាកំពុងមានទឹកជន់ជោរ៕
ចែករំលែកព័តមាននេះ