ខេត្តកោះកុង ៖ កាលពីវេលាម៉ោង៨យប់ថ្ងៃទី៧ ឧសភា ទាហានជើងទឹក កងការពារកោះលេខ២ បានស្ទាក់ចាប់ពលករឆ្លងដែនខុសច្បាប់ចំនួន២២នាក់ ដែលពួកគេធ្វើដំណើរមកពីខេត្តព្រៃវែង រួចមកដល់ខេត្តកោះកុង ក៏ជួលទូកជិះបម្រុងចេញទៅរកការងារធ្វើនៅប្រទេសថៃ តាមផ្លូវទឹកច្រកទ្វារអន្តរជាតិចាំយាម ។ សមត្ថកិច្ចស្ទាក់ឃាត់ពួកគេ
ខេត្តកោះកុង ៖ កាលពីវេលាម៉ោង៨យប់ថ្ងៃទី៧ ឧសភា ទាហានជើងទឹក កងការពារកោះលេខ២ បានស្ទាក់ចាប់ពលករឆ្លងដែនខុសច្បាប់ចំនួន២២នាក់ ដែលពួកគេធ្វើដំណើរមកពីខេត្តព្រៃវែង រួចមកដល់ខេត្តកោះកុង ក៏ជួលទូកជិះបម្រុងចេញទៅរកការងារធ្វើនៅប្រទេសថៃ តាមផ្លូវទឹកច្រកទ្វារអន្តរជាតិចាំយាម ។ សមត្ថកិច្ចស្ទាក់ឃាត់ពួកគេជាប់រួចបញ្ជូនប្រគល់ឱ្យអធិការដ្ឋាននគរបាលស្រុកមណ្ឌលសីមា ។
ចំណែកកាលពីវេលាម៉ោង១១យប់ថ្ងៃទី៨ ឧសភា សមត្ថកិច្ចប៉ូលិសស្រុកមណ្ឌលសីមា ស្ទាក់ឃាត់ពលករពេលបម្រុងឆ្លងទៅប្រទេសថៃបានចំនួន៣២នាក់ក្នុងនោះមានមេខ្យល់ចំនួន៤នាក់ ដែលពួកគេធ្វើដំណើរមកពីភូមិវត្តថ្មី ឃុំតាចេស ស្រុកកំពង់ត្រឡាច ខេត្តកំពង់ឆ្នាំង បម្រុងឆ្លងទៅប្រទេសថៃ ដោយធ្វើដំណើរតាមរថយន្ត លុះដល់មុខសាលាស្រុកមណ្ឌលសីមា ខេត្តកោះកុងត្រូវសមត្ថកិច្ចឃាត់តែម្តង ហើយបានបញ្ជូនទៅកាន់ស្នងការដ្ឋាននគរបាលខេត្ត ។
លោកវរសេនីយ៍ត្រីញ៉ែម ដារ៉ា អធិការនគរបាលស្រុកមណ្ឌលសីមាបញ្ជាក់ថា ក្នុងពេលស្ទាក់ឃាត់ពលករទាំងនោះ សមត្ថកិច្ចយើងរឹបអូសរថយន្តទួរីសមួយគ្រឿងពណ៌លឿង ពាក់ស្លាកលេខកំពង់ឆ្នាំង 2A 0849 ដែលមានម្ចាស់ឈ្មោះមាស សារី ភេទប្រុស អាយុ២២ឆ្នាំ និងប្រពន្ធឈ្មោះភីម ចន្ថា អាយុ២៣ឆ្នាំ និងមេខ្យល់២នាក់ ១-ឈ្មោះយីន ម៉ុន ភេទប្រុស អាយុ២៩ឆ្នាំ និងប្រពន្ធឈ្មោះឆេង រដ្ឋា អាយុ២៧ឆ្នាំ និងកូនស្រីម្នាក់ឈ្មោះហេង សារឿន អាយុ៥ឆ្នាំ ។
លោកអធិការបញ្ជាក់ទៀតថា ក្នុងចំណោមពលករចំនួន៥០នាក់ និងមេខ្យល់ចំនួន៤នាក់ មានស្រីចំនួន៣នាក់ ។ ទាំងវត្ថុតាង និងមេខ្យល់ត្រូវបានកសាងសំណុំរឿងបញ្ជូនទៅកាន់ស្នងការដ្ឋាននគរបាលខេត្ត ចំណែកពលករត្រូវបញ្ជូនប្រគល់ឱ្យអង្គការ HCC ដើម្បីរៀបចំឱ្យពួកគេវិលត្រឡប់ទៅស្រុកកំណើតវិញ ។ លោកអធិការបញ្ជាក់ទៀតថា តាមការសាកសួរពលករទាំងនោះប្រាប់ថា ពួកគេត្រូវចំណាយប្រាក់ម្នាក់៥ម៉ឺនរៀល ទើបទៅដល់ខេត្តកោះកុង ហើយត្រូវធ្វើដំណើរតាមទូកអស់៨ម៉ឺនរៀលទៀតទើបទៅដល់ប្រទេសថៃ តែមានថៅកែថៃជាអ្នកចាំចេញលុយឱ្យ៕
ចែករំលែកព័តមាននេះ