បុរសម្នាក់ គ្រាន់តែឡើងទៅជាន់ទី១ ដើម្បីយកលុយទៅបង់ថ្លៃបន្ទប់ជួលឱ្យម្ចាស់ផ្ទះមួយភ្លែតសោះ ស្រាប់តែត្រូវជនសង្ស័យលួចយកម៉ូតូម៉ាកហុងដាឌ្រីម ស៊េរី២០២២ បាត់តែម្តង។ បន្ទាប់មកជនរងគ្រោះក៏នាំគ្នាមក
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់ គ្រាន់តែឡើងទៅជាន់ទី១ ដើម្បីយកលុយទៅបង់ថ្លៃបន្ទប់ជួលឱ្យម្ចាស់ផ្ទះមួយភ្លែតសោះ ស្រាប់តែត្រូវជនសង្ស័យលួចយកម៉ូតូម៉ាកហុងដាឌ្រីម ស៊េរី២០២២ បាត់តែម្តង។ បន្ទាប់មកជនរងគ្រោះក៏នាំគ្នាមកប្តឹងសមត្ថកិច្ចនគរបាលឱ្យជួយអន្តរាគមន៍ ដើម្បីឆែកកាមេរ៉ាសុវត្ថិភាព តែរកមិនឃើញ។ ក្រោយមកអ្នកជិតខាងលួចប្រាប់ថា នៅជិតកន្លែងកើតហេតុ មានផ្ទះបើកហ្គេមអ៊ីនធើណេត បង្កឲ្យមានការភ្ញាក់ផ្អើលកាលពីវេលាម៉ោង៧យប់ ថ្ងៃទី១០ ខែកក្កដា ឆ្នាំ២០២៣ នៅចំណុចជាប់ផ្លូវទល់មុខរោងចក្រប៊ឺរី ស្ថិតក្នុងភូមិជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ។
សេចក្តីរាយការណ៍បានឱ្យដឹងថា ជនរងគ្រោះខាងលើមានឈ្មោះ វន កុល ភេទប្រុស អាយុ៣៥ឆ្នាំ មុខរបរក្រុមហ៊ុនផែស្ងួតអ៊ុយ ញ៉ុង ស្នាក់នៅផ្ទះជួលកើតហេតុខាងលើ នឹងមានស្រុកកំណើតនៅខេត្តកំពង់ឆ្នាំង បាននិយាយប្រាប់ឱ្យដឹងថា «នៅមុនពេលកើតហេតុ គាត់ត្រឡប់មកពីធ្វើការងារនៅផែស្ងួតមួយកន្លែងជិតផ្ទះជួល។ លុះដល់ថ្ងៃត្រូវបង់លុយថ្លៃបន្ទប់ជួល ទើបគាត់ចតម៉ូតូនៅកន្លែងទុកម៉ូតូជាន់ផ្ទាល់ដី រួចក៏ឡើងទៅបន្ទប់ជួលជាន់ទី១ ដើម្បីយកលុយទៅអោយម្ចាស់ផ្ទះជួល ប៉ុន្តែគ្រាន់តែយកលុយអោយម្ចាស់ផ្ទះមិនទាន់បាន១០នាទីផង នៅពេលគាត់ចុះមកមើលម៉ូតូវិញ ក៏ស្រាប់តែត្រូវជនសង្ស័យលួចយកម៉ូតូបាត់តែម្តង»។
ប្រភពពីជនរងគ្រោះបានបន្តទៀតថា «ខណៈពេលភ្លាមៗនោះ រូបគាត់ក៏នាំបងប្អូនមកដាក់ពាក្យបណ្ដឹងនៅប៉ុស្តិ៍នគរបាលសង្កាត់ចោមចៅទី៣ ដើម្បីអោយសមត្ថកិច្ចជួយឆែកមើលកាមេរ៉ាសុវត្ថិភាពនៅជិតកន្លែងកើតហេតុ។ ប៉ុន្តែនៅពេលសមត្ថកិច្ចនាំកម្លាំងចុះមកមើលនៅកន្លែងទុកម៉ូតូ និងកន្លែងច្រកចេញនឹងចូល ដោយមិនមានកាមេរ៉ាសុវត្ថិភាពណាបែរចំកន្លែងកើតហេតុឡើយ បន្ទាប់មកសមត្ថកិច្ចនគរបាលប៉ុស្តិ៍ក៏បាននាំគ្នាទៅប៉ុស្តិ៍វិញអស់ទៅ»។
ប្រភពដដែលបន្តថា ប៉ុន្តែភ្លាមៗនោះផងដែរ បងប្អូនប្រជាពលរដ្ឋនៅជិតកន្លែងកើតហេតុ បានបញ្ជាក់ប្រាប់ឱ្យដឹងថា នៅជិតកន្លែងកើតហេតុនោះ គឺមានទីតាំងបើកល្បែ.ងស៊ីសងហ្គេមអ៊ីនធើរណេត ដោយមានមនុស្សចាស់ និងក្មេងៗជាច្រើនចូលមកលេងយ៉ាងអនាធិបតេយ្យ ដោយមិនខ្លាចកម្លាំងសមត្ថកិច្ច និងអាជ្ញាធរនោះឡើយ៕
ចែករំលែកព័តមាននេះ