ខេត្តស្ទឹងត្រែង ៖ បុរសសង្ស័យពាក់ព័ន្ធគ្រឿងញៀនម្នាក់បានត្រូវមន្ត្រីប៉ូលិសប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្ត សហការជាមួយប៉ូលិសប៉ុស្តិ៍រដ្ឋបាលឃុំព្រះរំកិល ចាប់ខ្លួនកាលពីវេលាម៉ោង២និង៣០នាទី រសៀល ថ្ងៃទី៨ ឧសភា ឆ្នាំ២០១១ នៅភូមិក្រោម ឃុំព្រះរំកិល ស្រុកថាឡាបរិវ៉ាត់ តាមដីការបស់ចៅក្រមស៊ើបសួរនៃ
ខេត្តស្ទឹងត្រែង ៖ បុរសសង្ស័យពាក់ព័ន្ធគ្រឿងញៀនម្នាក់បានត្រូវមន្ត្រីប៉ូលិសប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្ត សហការជាមួយប៉ូលិសប៉ុស្តិ៍រដ្ឋបាលឃុំព្រះរំកិល ចាប់ខ្លួនកាលពីវេលាម៉ោង២និង៣០នាទី រសៀល ថ្ងៃទី៨ ឧសភា ឆ្នាំ២០១១ នៅភូមិក្រោម ឃុំព្រះរំកិល ស្រុកថាឡាបរិវ៉ាត់ តាមដីការបស់ចៅក្រមស៊ើបសួរនៃសាលាដំបូងរាជធានីភ្នំពេញ ។
លោកអនុសេនីយ៍ឯក គឹម ស៊ន នាយរងការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តបានឱ្យដឹងថា ជនសង្ស័យដែលបានត្រូវចាប់ខ្លួនតាមដីការបស់សាលាដំបូងរាជធានីភ្នំពេញ ចុះថ្ងៃទី២៩ កក្កដា ឆ្នាំ២០១០ ឈ្មោះចំរើន លេន អាយុ២៩ឆ្នាំ រស់នៅភូមិក្រោម ឃុំព្រះរំកិល ស្រុកថាឡាបរិវ៉ាត់ មានមុខរបរមិនពិតប្រាកដ។
ជនសង្ស័យរូបនេះបានត្រូវចៅក្រមស៊ើបសួររបស់សាលាដំបូងរាជធានីភ្នំពេញ ចោទប្រកាន់ពីបទជួញដូរគ្រឿងញៀន និងបានចេញដីកាឱ្យសមត្ថកិច្ចចាប់ខ្លួននៅក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ។ ក្រោយមកជនជាប់ចោទរូបនេះបានរត់គេចខ្លួន ហើយសមត្ថកិច្ចបានស្រាវជ្រាវដឹងថា ជននេះមានទីលំនៅក្នុងឃុំព្រះរំកិល ស្រុកថាឡាបរិវ៉ាត់ ទើបសមត្ថកិច្ចប៉ូលិសធ្វើតាមដានរហូត ហើយពេលឃើញរូបគេចូលមកស្រុកកំណើតវិញ ក៏ចាប់ខ្លួនតែម្តង។
លោកគឹម ស៊ន បានបន្តថា បន្ទាប់ពីទទួលដីកាពីសាលាដំបូងរាជធានីភ្នំពេញ យើងបានដាក់កម្លាំងឱ្យឃ្លាំមើលជិតមួយឆ្នាំ ទើបឃើញជនសង្ស័យចូលមកលំនៅឋានវិញបានមួយសប្តាហ៍ ក៏ធ្វើការឃាត់ខ្លួននាំមកកាន់ស្នងការដ្ឋានខេត្ត ដើម្បីសាកសួរ រួចហើយនឹងបញ្ជូនទៅរាជធានីភ្នំពេញវិញ៕
ចែករំលែកព័តមាននេះ