ឥដ្ឋអេកូ ធ្វើពីលោហៈធាតុផ្សំ ដែលមាន៤មុខ ដូចជា ៖ ថង់ផ្លាស្ទីក ស្ងួត កិន ចេញជាកម្ទេចលាយឡំជាមួយនឹង ខ្សាច់ ដី និងស៊ីម៉ងត៍ រួចលាយនឹងទឹក១ធុងតូចទៀត ដើម្បីបង្កើតបានចេញជាឥដ្ឋអេកូ ដែលជាស្នាដៃរបស់កូនខ្មែរពិតៗ
ខេត្តសៀមរាប ៖ ឥដ្ឋអេកូ ធ្វើពីលោហៈធាតុផ្សំ ដែលមាន៤មុខ ដូចជា ៖ ថង់ផ្លាស្ទីក ស្ងួត កិន ចេញជាកម្ទេចលាយឡំជាមួយនឹង ខ្សាច់ ដី និងស៊ីម៉ងត៍ រួចលាយនឹងទឹក១ធុងតូចទៀត ដើម្បីបង្កើតបានចេញជាឥដ្ឋអេកូ ដែលជាស្នាដៃរបស់កូនខ្មែរពិតៗ ហើយបើបងប្អូនចង់មករៀនបាន ដោយឥតគិតលុយនោះទេ។
ឥដ្ឋអេកូ ដែលបង្កើតឡើងដោយអង្គការសម្ព័ន្ធភាព ដើម្បីអភិរក្សធនធានជលផល ហៅកាត់ថា «FACT» មានទីតាំងស្នាក់ការនៅភូមិតាចេក សង្កាត់ជ្រាវ ក្រុង-ខេត្តសៀមរាប ហើយចុះលើផ្លូវថ្ម បុស្សក្រឡាញ់ នៅខាងស្ដាំដៃ១០០ម៉ែត្រ ដល់កន្លែងធ្វើឥដ្ឋនេះហើយ។
បើតាមសម្តីរបស់លោក ម៉េង ហួត អាយុ៤០ឆ្នាំ រស់នៅក្នុងក្រុងសៀមរាប តំណាងឱ្យអង្គការសម្ព័ន្ធភាព ដើម្បីអភិរក្សធនធានជលផល ហៅកាត់ថា «FACT» បានប្រាប់ឱ្យដឹងថា ឥដ្ឋអេកូ នេះ មាន៣ ក្នុងនោះ ៖ ១- ឥដ្ឋលាតពណ៌ក្រហម។ ២- ឥដ្ឋក្បាច់មាន៣ គឺឥដ្ឋក្បាច់សំបកឈើ, ឥដ្ឋក្បាច់ផ្កាចាន់ និងឥដ្ឋក្បាច់រូបនាគ។ ៣- ឥដ្ឋពណ៌ស ដែលប្រជាពលរដ្ឋតែងតែចូលចិត្តមកទិញ ព្រោះវាជាពណ៌ធម្មជាតិពិតៗ ជាងឥដ្ឋលាតពណ៌ក្រហម។
លោកបញ្ជាក់ថា ចំពោះឥដ្ឋអេកូរបស់យើង ដែលមានរូបសញ្ញាសម្គាល់នៅលើឥដ្ឋ គឺជាឥដ្ឋអេកូ បោះល់ដុំឥដ្ឋដែលគ្មានពីណាលួចក្លែងបន្លំត្រា ឬឈ្មោះនោះបានឡើយ។ លោកបន្ថែមទៀតថា វិធីផ្សំមានដូចជា ៖ មុនដំបូង យើងយកដីទៅរ៉ែង រួចយកមកកិន ហើយលាយជាមួយល្បាយដី ដូចជា ៖ ស៊ីម៉ង់ត៍, ខ្សាច់ និងថង់ផ្លាស្ទីក ដែលកិនរួច យកទៅកូរលាយឡំជាមួយគ្នាហើយចាក់ទឹកបន្តិច រួចពូត ហើយយកទៅកៀបជាមួយនឹងម៉ាស៊ីន បន្ទាប់មកក៏ចេញជាឥដ្ឋអេកូ រួចយកវាទៅហាលថ្ងៃរយៈពេល៣សប្ដាហ៍ អាចយកទៅប្រើបានហើយ។
លោកបន្តថា បើយើងទិញឥដ្ឋអេកូនេះ យកទៅធ្វើផ្ទះ ឬធ្វើរបងចំណេញជាងយើងទិញឥដ្ឋប្រហោង ឬឥដ្ឋតាន់ ព្រោះក្នុងមួយដុំវាស្មើ២ដុំឥដ្ឋប្រហោង។ លោកបន្ថែមទៀតថា អង្គការសម្ព័ន្ធភាព ដើម្បីអភិរក្សធនធានជលផល ហៅកាត់ថា «FACT» របស់យើង មានបុគ្គលិកប្រុសស្រីចំនួន៥នាក់។
លោកបញ្ជាក់ទៀតថា បើបងប្អូនចង់ទិញឥដ្ឋអេកូ ពណ៌ស ឬពណ៌ក្រហម យកទៅធ្វើផ្ទះ ឬរបងផ្ទះនោះ ក្នុង១ម៉ែត្រការ៉េ តម្លៃ៨,៥ដុល្លារ ស្មើនឹង៤០ដុំ។ រីឯឥដ្ឋក្បាច់វិញ ក្នុង១ម៉ែត្រការ៉េ តម្លៃ៩,៥ដុល្លារ ស្មើនឹង៤០ដុំដូចគ្នា។ ហើយបើបងប្អូនចង់ទិញយកទៅបោះដុំនៅឆ្ងាយ ឬជិតអង្គការសម្ព័ន្ធភាព ដើម្បីអភិរក្សធនធានជលផល ហៅកាត់ថា «FACT» និងសហការ រីករាយជានិច្ច៕
ចែករំលែកព័តមាននេះ