កីឡាករអាល្លឺម៉ង់សេបាស្ទៀន វេតទែលបានសំដែងនូវក្តីរីករាយជាខ្លាំងបន្ទាប់ពីរូបគេបានយក ឈ្នះជើងឯកនៃការប្រណាំងរថយន្តហ្វមមូឡាវ័នកម្មវិធីTurkish Grand Prixនៅក្រុងអ៊ីស្តង់ប៊ុលប្រទេសតួកគីកាលពីថ្ងៃអាទិត្យទី៨ ខែឧសភាកន្លងមកនេះ ។ វេតទែលវ័យ២៣ឆ្នាំបើកបរឲ្យក្រុមប្រណាំងរេដប៊ុលបានបញ្ចប់ការ ប្រណាំងដោយប្រើអស់ថិរវេលា១ម៉ោង៣០នាទីនិង១៧.៥៥៨វិនាទីដណ្តើមបាន ពានជើងឯក ។
កីឡាករអាល្លឺម៉ង់សេបាស្ទៀន វេតទែលបានសំដែងនូវក្តីរីករាយជាខ្លាំងបន្ទាប់ពីរូបគេបានយកឈ្នះជើងឯកនៃការប្រណាំងរថយន្តហ្វមមូឡាវ័នកម្មវិធីTurkish Grand Prixនៅក្រុងអ៊ីស្តង់ប៊ុលប្រទេសតួកគីកាលពីថ្ងៃអាទិត្យទី៨ ខែឧសភាកន្លងមកនេះ ។ វេតទែលវ័យ២៣ឆ្នាំបើកបរឲ្យក្រុមប្រណាំងរេដប៊ុលបានបញ្ចប់ការប្រណាំងដោយប្រើអស់ថិរវេលា១ម៉ោង៣០នាទីនិង១៧.៥៥៨វិនាទីដណ្តើមបានពានជើងឯក ។ កីឡាករដែលបើកលឿនដណ្តើមបានចំណាត់ថ្នាក់លេខ២បានទៅលើកីឡាករអូស្ត្រាលីម៉ាក វេបប៊័រ ។ កីឡាករវេបប៊័រដែលបើកបរឲ្យក្រុមម៉ាក់ឡារ៉ឹនបានបញ្ចប់ការប្រណាំងក្នុងថិរវេលាយឺតជាងវេតទែល០៨.៨០៧វិនាទី ។
ចំណែកកីឡាករដែលបើកលឿនលំដាប់ទី៣បានទៅលើកីឡាករអេស្ប៉ាញហ្វឺណាន់ដូ អាឡុនសូ។ អាឡុនសូដែលបើកបរឲ្យក្រុមហ្វេរ៉ារីបានបញ្ចប់ការប្រណាំងក្នុងថិរវេលា១០.០៧៥វិនាទីវិនាទីយឺតជាងវេតទែល ។
សម្រាប់វេតទែលនេះគឺជាជ័យជម្នះជើងឯកលើកទី៣ហើយនៅក្នុងការប្រណាំង៤លើកនៅរដូវកាលប្រណាំងឆ្នាំនេះ ហើយក៏ជាជ័យជម្នះលើកទី១៣នៅក្នុងអាជីពរបស់គេផងដែរ ។ កាលពីឆ្នាំទៅមិញនៅប្រទេសអូស្ត្រាលី វេតទែលក៏ធ្លាប់បាននាំមុខបណ្តោះអាសន្នម្តងរួចមកហើយដែរ ប៉ុន្តែទីបំផុតគេនៅតែមិនអាចដណ្តើមបានជើងឯក។ កីឡាករបាតថុនក៏ដណ្តើមពានជើងឯកយកទៅបាត់ ។
ថ្លែងបន្ទាប់ដណ្តើមបានពានជើងឯក វេតទែលបានបញ្ជាក់ថា៖«នេះជាការបញ្ជាក់ពីជ័យជំនះក្នុងការប្រណាំងលើកក្រោយៗទៀត។ ពិតប្រាកដណាស់យើងនឹងឈ្នះការប្រណាំងលើកក្រោយៗទៀត។ នេះជាលទ្ធផលដែលយើងចង់បាន ហើយក៏ជាសញ្ញាល្អសម្រាប់ពួកយើងទាំងអស់គ្នានៅក្នុងក្រុម ។ ជ័យជំនះក្នុងថ្ងៃនេះពិតជាធ្វើឲ្យខ្ញុំសប្បាយចិត្តជាខ្លាំង ។ យើងធ្វើបានល្អចាប់តាំងពីការប្រណាំងសាកល្បងមកម្លេ៉ះ។ ខ្ញុំពេញចិត្តទីលានប្រណាំងនៅទីនេះជាខ្លាំង។ ដូច្នេះនេះគឺជាជ័យជម្នះដ៏ផ្អែមឆ្ងាញ់ដែលកើតចេញពីបណ្តាកីឡាករដ៏ឆ្នើម បូករួមទាំងយុទ្ធសាស្រ្តយ៉ាងមហិមា »។
កីឡាករអង់គ្លេសឡេវីស ហាមមីលតុនដែលជាជើងឯកពិភពលោកឆ្នាំ២០០៨នោះបាននិយាយថាខ្លួនពិតជាមានការភ្ញាក់ផ្អើលជាខ្លាំងខណៈដែលយឺតជាងវេតទែលតែ៤០.២៣២វិនាទីនោះ ។ តែគេក៏បានសំដែងការពេញចិត្តចំពោះការផ្លាស់ប្តូរក្រុមម៉ាក់ឡារ៉ឹនផងដែរ ។ ហាមមីលតុនបញ្ចប់ការប្រណាំងដោយដណ្តើមបានត្រឹមចំណាត់ថ្នាក់លេខ៤ប៉ុណ្ណោះ។
ចំណែកកីឡាករអាល្លឺម៉ង់នីកូ រ៉ូបឺកបានបានបញ្ចប់ការប្រណំាំងក្នុងចំណាត់ថ្នាក់លេខ៥។ កីឡាករវ័យក្មេងរូបនេះបានសំដែងការអស់សង្ឃឹមជាខ្លាំងចំពោះលទ្ធផលរបស់ខ្លួន ហើយថាការខិតខំប្រឹងប្រែងយ៉ាងអស់ពីសមត្ថភាពរបស់គេមិនគួរណាបានត្រឹមតែលេខ៥នោះទេ។ បញ្ចប់ការប្រណាំងលើកនេះរ៉ូបឺកប្រើពេលច្រើនជាងវេតទែល៤៧.៥៣៩វិនាទី ៕
ចែករំលែកព័តមាននេះ