ស្រុកព្រៃនប់ ៖ នៅព្រឹកថ្ងៃទី០៧ កក្កដា ២០២៣នេះ សត្វឈ្លូសឈ្មោលមួយក្បាលដែលរត់ចូលភូមិសំរុងក្រោម ឃុំសំរុងស្រុក ព្រៃនប់ខេត្តព្រះសីហនុ ត្រូវបានប្រជាពលរដ្ឋនិងសមត្ថកិច្ចនគរបាលប៉ុស្តិ៍ចាប់យកមករក្សាទុកនៅប៉ុស្តិ៍នគរបាលរដ្ឋបាលឃុំសំរុង ហើយបើតាមនគរបាលប្រាប់ថា…
ស្រុកព្រៃនប់ ៖ នៅព្រឹកថ្ងៃទី០៧ កក្កដា ២០២៣នេះ សត្វឈ្លូសឈ្មោលមួយក្បាលដែលរត់ចូលភូមិសំរុងក្រោម ឃុំសំរុងស្រុក ព្រៃនប់ខេត្តព្រះសីហនុ ត្រូវបានប្រជាពលរដ្ឋនិងសមត្ថកិច្ចនគរបាលប៉ុស្តិ៍ចាប់យកមករក្សាទុកនៅប៉ុស្តិ៍នគរបាលរដ្ឋបាលឃុំសំរុង ហើយបើតាមនគរបាលប្រាប់ថា សត្វឈ្លូសឈ្មោលមួយក្បាលនេះ ជំហានដំបូងគ្រោងនឹងប្រគល់ជូនជំនាញដើម្បីយកទៅចិញ្ចឹមរក្សាទុក ឬលែងចូលព្រៃធម្មជាតិខាងក្រោយភូមិវិញ ។
ជាមួយគ្នានេះដែរ សត្វឈ្លូសមួយក្បាលនេះ ត្រូវបានគេសន្និដ្ឋានថា ជាសត្វឈ្លូសព្រៃ វង្វេងចុះពីព្រៃភ្នំ ចេញពីទីតាំងភ្នំខាងក្រោយ ក្នុងភូមិសំរុងនេះតែម្ដង ដែលនៅពីក្រោយភូមិសំរោងនេះ មានភ្នំពោរពេញទៅដោយព្រៃឈើ ដុះជ្រុងច្រាំង។
តាមព័ត៌មានបន្ថែមថា ក្រោយពីយកសត្វឈ្លូសនេះរក្សានៅប៉ុស្តិ៍នគរបាល នៅព្រឹកដដែលលោកអ៊ី ធារិនអភិបាលស្រុកព្រៃនប់ បានអញ្ជើញទៅពិនិត្យហើយក៏សម្រេចចិត្តយកសត្វឈ្លូសនោះ យកទៅលែងនៅក្នុងព្រៃធម្មជាតិខាងក្រោយភូមិសំរុង ដែលជាព្រៃដែលគេសន្និដ្ឋានថា ជាជម្រកសត្វឈ្លូសព្រៃនោះ ។
ជាមួយគ្នានោះ លោកអភិបាលស្រុកព្រៃនប់ក៏បានសំណូមពរដល់ប្រជាពលរដ្ឋ សូមចូលរួមគ្នាអភិរក្សសត្វព្រៃ ដែលកំពុងមានវត្តមាននៅក្នុងតំបន់ព្រៃខាងលើនេះផងដែរ ។
ចែករំលែកព័តមាននេះ