រាជធានីភ្នំពេញ ៖ ព្រះតេជគុណមួយអង្គដែលបងប្អូន មហាជនជាច្រើនបានស្គាល់ហើយនោះបានបង្កើតនូវការចាប់អារម្មណ៍ពីបងប្អូនអ្នកប្រើប្រាស់បណ្តាញសង្គមហ្វេសប៊ុក និងតិកតុក យូរធូបជាដើម ពីធម៌ទេសនា និងការអប់រំដល់មនុស្សពុទ្ធបរិស័ទជាច្រើន ។ជាក់ស្តែងនៅព្រឹកថ្ងៃទី០៦ ខែកក្កដា…
រាជធានីភ្នំពេញ ៖ ព្រះតេជគុណមួយអង្គដែលបងប្អូន មហាជនជាច្រើនបានស្គាល់ហើយនោះបានបង្កើតនូវការចាប់អារម្មណ៍ពីបងប្អូនអ្នកប្រើប្រាស់បណ្តាញសង្គមហ្វេសប៊ុក និងតិកតុក យូរធូបជាដើម ពីធម៌ទេសនា និងការអប់រំដល់មនុស្សពុទ្ធបរិស័ទជាច្រើន ។
ជាក់ស្តែងនៅព្រឹកថ្ងៃទី០៦ ខែកក្កដា ឆ្នាំ២០៣២នេះ ភិក្ខុអគ្គធម្មោ ពិសី បានសម្តែងធម៌ទេសនានៅលើបណ្តាញសង្គមហ្វេសប៊ុកថា ៖ ទេវតាដែលអាចផ្តល់សេចក្តីសុខឱ្យយើងបាន ទាល់តែយើងជាអ្នកមានបុណ្យផង! ។
ព្រះតេជគុណ ជ្រួញ ពិសី មានសង្ឃដីកា ៖ ត្រូវចាំថា ទេវតាដែលអាចផ្តល់សេចក្តីឲ្យយើងបាន ទាល់តែយើងជាអ្នកមានបុណ្យផង ។ ពពួកទេវតា ថែរក្សាចំពោះបុគ្គលណាដែលមានកតញ្ញុតាធម៌ មានការដឹងគុណមាតាបិតា គ្រូបាអាចារ្យ ត្រកូលរៀមច្បង អ្នកមានឧបក្ការលើខ្លួន ជាអ្នកមានសីលល្អ ក្នុងការរស់នៅ មានសីលវិន័យ ប្រកបដោយភាពថ្លៃថ្នូរ គឺទេវតាជាអ្នករក្សា ។ រក្សាដោយសារតែយើងមានបុណ្យ មានបុណ្យក្នុងទីនេះ គឺជាចំណែកនៃកុសលដែលមានក្នុងខណ្ឌសណ្តាននេះឯង ។
ជាមួយគ្នានោះដែរ ព្រះតេជគុណ ភក្ខុអគ្គធម្មោ ជ្រួញ ពិសី មានសង្ឃដីកាបន្តថា ជីវិតរបស់យើងរស់នៅរាល់ថ្ងៃនេះ មានការប្រព្រឹត្តិខុសខ្លាំងណាស់ តែងតែសុំអង្វរឲ្យទេវតា អារុក្ខទេវតា ទេវតាដែលថែរក្សាក្នុងជ្រោះជ្រលងដងអូរ អ្នកតាវល្លិ៍ជាដើមមកអស់ហើយសូមឲ្យផ្តល់នូវសេចក្តីសុខ ប៉ុន្តែបើយើងជាអ្នកមិនមាននូវសុចរិតធម៌ មិនមែនជាអ្នកមានសេចក្តីល្អក្នុងដួងចិត្ត ហើយ គ្មានការប្រព្រឹត្តិល្អ ដោយ កាយ វាចាហ្នឹងទេ ទេវតាមិនអាចមករក្សាយើងបានឡើយ ។ ចេះតែសុំទេវតាឲ្យជួយ ចំណែកខ្លួនឯងមិនធ្វើទេវតាជួយខ្លួនឯងទេ ចូលចិត្តឲ្យតែទេវតាមើលមិនឃើញនោះមកជួយ ។ ហើយចុះខ្លួនឯងមានសទ្ធា មានសីល មានបញ្ញា មានសោត អាហ្នឹងហើយជាទេវធម៌ ជាធម៌នាំឲ្យបាននូវទេវតា(ទេវតារស់)។ ចេះតែទៅបន់ទេវតា ទេវតាមិនដែលឲ្យសុខ ឲ្យសិរីយើងអីបន្តិចផង ។
ទន្ទឹមនោះដែរ ព្រះតេជគុណ ជ្រួញ ពិសី មានសង្ឃដីកា ៖ ហើយទៅបន់ព្រះឲ្យជួយ សូមឲ្យខ្ញុំរកស៊ីមានបាន សុខដុមរមនា ជាដើម ហើយដែលព្រះនិយាយជាមួយយើងថា ម៉េចអត់? យើងចេះតែនិយាយដោយខ្លួនឯង ឧបកិច្ចតែខ្លួនឯង ។ ហើយពេលខ្លះទៀតធ្វើពិធីកម្មអីមួយ សុំឲ្យទេវតាថែរក្សាអីជាដើមអ៊ីចឹងទៅ រហូតដល់អ្នកខ្លះប្រកាន់តាមប្រពៃណីថា កម្មវិធីបុណ្យអ៊ីចឹង បើមិនមានពិធីក្រុងពាលី បើមិនមានទេវៈពិលីទេ មិនអាចបានទេ ។ អាត្មាផ្ទាល់ធ្វើកម្មវិធីបុណ្យប៉ុន្មានដងហើយ ដូចជាមិនដែលអីសោះញាតិញោម អាត្មាធ្វើបុណ្យប៉ុន្មានដងហើយមិនដែលមានក្រុងពាលី មិនដែលមានទេវៈពាលីទេ ប្រកាសដែរថា បើពពួកទេវតាទាំងឡាយណានៅក្នុងបុណ្យមកត្រេកអរចុះ ប៉ុន្តែអាត្មាមិនអាចអង្វរកឲ្យមកជួយអាត្មាបានឡើយ ។
លើសពីនេះទៅទៀត ព្រះតេជគុណ ជ្រួញ ពិសី មានសង្ឃដីកាបន្ត ៖ ហើយគេថា អ៊ីចឹងអត់ធ្វើក្រុងពាលីអីចឹង បានអត់0x017d7 អាត្មាថាបាន ។ ហើយចុះបើករុណាចង់ធ្វើ ថាធ្វើៗទៅអាត្មាមានទៅហាមឃាត់អី ។ ប៉ុន្តែក្នុងនាមជាពុទ្ធបរិស័ទ ជាការបង្រៀនឡើងរបស់ព្រះពុទ្ធ ព្រះអង្គមិនដែលបង្រៀននៅលើរឿងទាំងអស់ហ្នឹងទេ ។ ហើយឈ្មោះថា ពាលីទីកាន់ទេវតាហ្នឹងគឺ នៅក្នងការដែលរាប់អានទេវតា ត្បិតតែពេលខ្លះមាននំនែកអីរកបានត្រូវពាលីបែបណាក៏ដោយ ប៉ុន្តែទេវតាពិតចង់បាននោះ មិនមែនអាសំណែនដែលយើងសែនហ្នឹងទេ ព្រោះទេវតាមិនអាចហូបចេកណាំវាដូចយើងឯណា ។ ប៉ុន្តែទេវតាត្រូវការតែបុណ្យ ចែកចំណែកឲ្យតែប៉ុណ្ណោះ ។ ចង់រាប់អានទេវតា ទី១ ត្រូវគាម្បីធ្វើខ្លួនឯងឲ្យមានសីលធម៌រស់នៅសិន ទី២ ប្រព្រឹត្តិនៅសេចក្តីល្អហើយ គាម្បីលើកនូវបុណ្យកុសលទាំងអស់នោះឧទ្ទិសចំពោះទេវតាទាំងឡាយទៅ ហ្នឹងឈ្មោះថា ជាការរាប់អានទៅហើយ ។ព្រះពុទ្ធ មិនដែលបង្រៀនយើងឲ្យទៅសុំសុខពីទេវតាទេ ទេវតាក៏រស់នៅអាស្រ័យលើកម្មដែលខ្លួនឯងប្រព្រឹត្តដែរ ។
បន្ថែមពីនេះទៀត ព្រះតេជគុណ ជ្រួញ ពិសី បានមានសង្ឃដីកាថា ៖ រឿងជីវិតរបស់យើងនេះ គឺប្រព្រឹត្តិទៅតាមកម្ម សាងហេតុយ៉ាងណាហ្នឹងទទួលបានផលយ៉ាងនោះ ។ បើយើងសាងល្អនោះនឹងទទួលបានមកសេចក្តីសុខពិត ទី១សុខព្រោះតែការមិនបៀតបៀនអ្នកដទៃ កើតមកក្នុងជាតិសាសន៍តែមួយ មានជាតិតែមួយ មានកំណើតតែមួយ ហើយជាអ្នកមាននូវចាស់ កើត ឈឺ ស្លា.ប់តែមួយ តើយើងទៅបៀតបៀនគ្នាដើម្បីអ្វី ? បៀតបៀនគ្នាហើយទទួលបានក្តីសុខទេ? បើយើងបៀតបៀនអ្នកដទៃ យើងឈ្នះ យើងបានយើងពូកែហើយ ប៉ុន្តែវានាំឲ្យយើងកើតនូវពៀរវេរា ។ «អ្នកឈ្នះប្រទះនូវពៀរ អ្នកចាញ់រមែងដេកជាទុក្ខ» អ្នកណា ជាអ្នកសម្តែង គឺព្រះពុទ្ធជាអ្នកសម្តែង ។ អ្វីណាដែលកំពុងតែទទួលបានក្នុងឥឡូវនេះ ពេលនេះ ខណៈនេះ ម៉ោងនេះ ត្រឹមតែជាចិត្តដែលសោយនូវអារម្មណ៍តែប៉ុណ្ណោះ ។ បើយើងបៀតបៀនគេ ច្បាស់ណាស់នឹងទទួលបានសេចក្តីទុក្ខមិនខាន ។ បើយើងចង់បានសុខ យើងទាំងឡាយមិនត្រូវមានគំនុំគុំគួន បៀតបៀនអ្នកដទៃឡើយ ព្រោះអាការបៀតបៀនគេនោះវានៅអត់សុខសោះ គឺវាក្តៅ បើក្តៅហើយកុំសង្ឃឹមថា ញោមបាននូវសេចក្តីសុខ ហើយកុំសង្ឃឹមថា បាននូវភាពត្រជាក់ ព្រោះភាពត្រជាក់របស់យើងនេះគឺនៅត្រង់ការដែលយើងចេះអនុគ្រោះ សង្គ្រោះទៅកាន់មនុស្សជុំវិញខ្លួននោះទេតើ ។
ព្រះតេជគុណ បានមានសង្ឃដីកាបន្ត ៖ ញោមត្រូវមានមេត្តាផ្សាយដល់មនុស្សជុំវិញខ្លួន ហើយពាក្យថា ផ្សាយមេត្តាមិនមែនអង្គុយសូត្រទេណា ។ មនុស្សល្អ មនុស្សឆ្លាត មិនដែលញាំងខ្លួនឯងឲ្យផ្តល់នូវសេចក្តីទុក្ខឡើយ មនុស្សឆ្លាតមិនដែលតម្កល់ខ្លួនឯងក្នុងរឿងរ៉ាវអាក្រក់ទេ តែងតែលើកខ្លួនឯងចេញឲ្យឆ្ងាយអំពីរឿងរ៉ាវអាក្រក់ ។អ៊ីចឹងទី១ ចង់បានសុខ មិនបាច់ទៅសំពះទេវតា ឥន្ទព្រហ្មផងទាំងឡាយទេ ចង់បានសុខញោមគាប្បីមិនបៀតបៀនអ្នកដទៃ ។ ទី២ ចង់បានសុខ ធ្វើសេចក្តីល្អ (ធ្វើសេចក្តីល្អខ្លះ កុំបានតែសញ្ញែញមុខកាមេរ៉ា ធ្វើសេចក្តីល្អ កុំសញ្ញែញចង់ឲ្យតែគេដឹង) ។ ហេតុអីចាំបាច់ឲ្យអ្នកដទៃមើលឃើញអំពើល្អរបស់យើង ? បើយើងធ្វើល្អ ចង់ឲ្យគេមើលឃើញ ថាហ្នឹងជាអំពើល្អរបស់យើង យើងមិនទាន់ឆ្លាត យើងមិនទាន់ធំ នៅក្នុងការចាស់ទុំធ្វើសេចក្តីល្អហ្នឹងទេ ។ ពេលខ្លះចាស់តែសំបក បើមិនទាន់យល់ដឹងរឿងហ្នឹងទេ ត្រូវចាស់ទាំងរូប និងចិត្តគំនិត ៕
ចែករំលែកព័តមាននេះ