ខេត្តបន្ទាយមានជ័យ ៖ កម្លាំងកងរាជអាវុធហត្ថបានប្រើធម៌ក្តៅទៅអ្នកបិទឡូហ្គោ(អ.ហ)មានបិទលើម៉ូតូ, ម៉ូតូកង់បី និងរថយន្ត ដោយកម្លាំងបានធ្វើការណែនាំឱ្យបកចេញវិញ នៅថ្ងៃទី០៣ ខែកក្កដា ឆ្នាំ២០២៣ ស្ថិតនៅក្រុងប៉ោយប៉ែត…
ខេត្តបន្ទាយមានជ័យ ៖ កម្លាំងកងរាជអាវុធហត្ថបានប្រើធម៌ក្តៅទៅអ្នកបិទឡូហ្គោ(អ.ហ)មានបិទលើម៉ូតូ, ម៉ូតូកង់បី និងរថយន្ត ដោយកម្លាំងបានធ្វើការណែនាំឱ្យបកចេញវិញ នៅថ្ងៃទី០៣ ខែកក្កដា ឆ្នាំ២០២៣ ស្ថិតនៅក្រុងប៉ោយប៉ែត ។
ជាក់ស្តែង កម្លាំងកងរាជអាវុធហត្ថក្រុងប៉ោយប៉ែតប្រមាណ៥ ទៅ៦នាក់បានធ្វើការចុះល្បាតតាមដងផ្លូវ ក៏ឃើញមានអ្នកបិទឡូហ្គោ(អ.ហ)លើយានរបស់ខ្លួន ។ ការត្រួតពិនិត្យលើម៉ូតូ ម៉ូតូកងបី និងរថយន្តដែលបានបិទឡូហ្គោ(អ.ហ) ក៏បានណែនាំឱ្យបកចេញនិងបញ្ឈប់ការបិទឡូហ្គោ(អ.ហ)នេះជាបន្តទៀត ហើយបើរកឃើញមានបិទ លើកក្រោយនឹងមានវិធានការតាមច្បាប់ ។
កម្លាំងកងរាជអាវុធហត្ថក្រុងប៉ោយប៉ែតបានប្រាប់ទៀតថា ជាការណែនាំពីលោកឧត្តមសេនីយ៍ត្រី បោនប៊ិន មេបញ្ជាការកងរាជអាវុធហត្ថខេត្ត និងលោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែត បានដឹកនាំកម្លាំងចុះពិនិត្យតាមដងផ្លូវក្នុងមូលដ្ឋានក្រុងប៉ោយ
ប៉ែត ។
កម្លាំងបានបញ្ជាក់ថា ក្រោយរកឃើញបិទស្ទិគ័រ(អ.ហ)អោយបកចេញ និងបានណែនាំដល់ម្ចាស់ម៉ូតូនិងម៉ូតូកងបី រថយន្តត្រូវបញ្ឈប់ជាបន្ទាន់ ព្រោះឡូហ្គោ(អ.ហ)សម្រាប់ប្រើប្រាស់លើរថយន្តម៉ូតូរបស់អង្គភាពសម្រាប់បម្រើការងារនៅពេលចុះអនុវត្តការងារ ឬបេសកម្មការងារតែប៉ុណ្ណោះ ។
ចែករំលែកព័តមាននេះ