ឃើញនគរបាលភ្លាម អ្នកលេងជល់មាន់រាប់សិបនាក់រត់បាតជើងសព្រាតកាត់វាលស្រែ
- កំពត
អ្នកលេងជល់មាន់រាប់សិបនាក់ នាំគ្នារត់គេចបាតជើងសព្រាតឆ្លងកាត់តាមវាលស្រែ ព្រោះតែខ្លាចនគរបាលចាប់ខ្លួនជាជាងខ្លាចខ្លា ហើយបន្សល់ទុក
ខេត្តកំពត ៖ បើតាមសេចក្តីរាយការណ៍បានឱ្យដឹងថា អ្នកលេងជល់មាន់រាប់សិបនាក់ នាំគ្នារត់គេចបាតជើងសព្រាតឆ្លងកាត់តាមវាលស្រែ ព្រោះតែខ្លាចនគរបាលចាប់ខ្លួនជាជាងខ្លាចខ្លា ហើយបន្សល់ទុកមាន់ងា.ប់១ក្បាល និងម៉ូតូ៦គ្រឿងនៅកន្លែងកើតហេតុផងដែរ។ ខណៈពេលសមត្ថកិច្ចនគរបាលមូលដ្ឋានស្រុកមន្ទាយមាស ខេត្តកំពត បានសហការចុះបង្ក្រាបល្បែ.ងស៊ីសងខុសច្បាប់ (ជល់មាន់) ១កន្លែង កាលពីវេលាថ្ងៃត្រង់ថ្ងៃទី២ ខែកក្កដា ឆ្នាំ២០២៣ នៅចំណុចជើងភ្នំកន្លង់ ស្ថិតក្នុងភូមិកន្លង់ ឃុំស្ដេចគង់ខាងជើង ស្រុកបន្ទាយមាស ខេត្តកំពត។
កិច្ចបង្ក្រាបខាងលើនេះ សមត្តកិច្ចមិនអាចទទួលបានលទ្ធផលជាធំដុំនោះទេ ពោលគឺនៅពេលកម្លាំងទៅដល់ អ្នកលេងរាប់សិបបាននាំគ្នារត់គេចខ្លួនអស់ បន្សល់ទុកនូវមាន់ងា.ប់១ក្បាល ម៉ូតូ៦គ្រឿង និងសម្ភារៈមួយចំនួនទៀត ដោយសារក្រុមអ្នកលេងដឹងខ្លួនមុននៅពេលសត្ថកិច្ចចុះទៅដល់។
តែបើទោះជាយ៉ាងណាក្តី ការបង្ក្រាបល្បែ.ងស៊ីសងដោយខុសច្បាប់ ប្រសើរជាងមិនបានបង្ក្រាប ដែលនោះវាអាចជួយកាត់បន្ថយបទល្មើសក្នុងសង្គមទៀតផង៕
ចែករំលែកព័តមាននេះ