រាជធានីភ្នំពេញ ៖ ក្រោយពីមានការចែកចាយរូបភាព១សន្លឹកនៃសំណង់ផ្ទះមួយកន្លែងមានរូបរាងចម្លែកជាងគេ ពិសេសនោះ បាននឹកដល់បញ្ហាគ្រោះថ្នាក់ដែលអាចនឹងកើតមានឡើង នាពេលខាងមុខ ព្រោះសំណង់នេះឃើញមានសណ្ឋានហាក់ស្តើង ប្រឈមនឹងខ្យល់កន្ត្រាក់បោកបក់រលំបាន ។ រូបភាពនេះផងដែរ…
រាជធានីភ្នំពេញ ៖ ក្រោយពីមានការចែកចាយរូបភាព១សន្លឹកនៃសំណង់ផ្ទះមួយកន្លែងមានរូបរាងចម្លែកជាងគេ ពិសេសនោះ បាននឹកដល់បញ្ហាគ្រោះថ្នាក់ដែលអាចនឹងកើតមានឡើង នាពេលខាងមុខ ព្រោះសំណង់នេះឃើញមានសណ្ឋានហាក់ស្តើង ប្រឈមនឹងខ្យល់កន្ត្រាក់បោកបក់រលំបាន ។ រូបភាពនេះផងដែរ នៅពេលដែលមហាជននៅលើបណ្តាញសង្គមបានឃើញ ក៏ធ្វើឱ្យ
ម្នាក់ៗផ្ទុះសំណើច ខ្លះទៀតបានដឹងពីទីតាំងផ្ទះនេះនៅម្តុំស្ទឹងមានជ័យ និងខ្លះទៀតក៏បានរិះគន់ខ្លាំងទៅលើអាជ្ញាធរដែនដី។
ជាក់ស្តែង នាព្រឹកថ្ងៃទី០៣ កក្កដា នេះ យោងសាលាសង្កាត់ស្ទឹងមានជ័យបានបង្ហោះពីការឆ្លើយតបរបស់ម្ចាស់ដីបានបកស្រាយ និងសហគមន៍បានបំភ្លឺប្រាប់ពីមូលហេតុ រួមទាំងបានថតរូបភាពផ្ទះនេះជាច្រើនសន្លឹកផងដែរ ។
សាលាសង្កាត់ស្ទឹងមានជ័យបានឱ្យដឹងថា «ម្ចាស់ដីបកស្រាយនឹងសហគមន៍បំភ្លឺ កាលពីមានគំរោងអភិវឌ្ឍន៍ប្រឡាយស្ទឹងមានជ័យ ម្ចាស់ដីបានបរិច្ចាគដីជូនគំរោងអភិវឌ្ឍន៍ប្រឡាយ ដីដែលនៅសល់ម្ចាស់សាងសង់លំនៅដ្ឋានសម្រាប់រស់នៅសមរម្យ ដោយមានទំហំ ក្រោយ ៤ម៉ែត្រ×១២ម៉ែត្រ សហគមន៍ប្រឡាយស្ទឹងមានជ័យ រាល់លំនៅដ្ឋាន នឹងការតភ្ជាប់ប្រព័ន្ធទឹក ភ្លើង ត្រូវបានរដ្ឋភ្ជាប់ឱ្យដោយមិនគិតថ្លៃ៕ថ្ងៃទី០៣ ខែកក្កដាឆ្នាំ២០២៣» ។
យ៉ាងណានោះ បងប្អូនប្រជាពលរដ្ឋបានសុំឱ្យមានការយកចិត្តទុកដាក់ចំពោះការសាង់សំណង់អគារឬផ្ទះនីមួយៗ ត្រូវតែធ្វើតាមស្តង់ដារបច្ចេកទេសឱ្យបានត្រឹមត្រូវ ព្រោះឧបទ្ទវហេតុនឹងអាចកើតឡើងបានគ្រប់ពេល ប្រសិនជាយើងប្រហែស ឬមិនពិនិត្យមើលឱ្យបានគ្រប់ជ្រោយ ។ កន្លងមក ធ្លាប់មានករណីរលំ ឬបាក់សំណងអគារ ឬផ្ទះរួចមកហើយ ក៏ដោយសារបញ្ហាបច្ចេកទេសនៃការសាង់សង់នេះផងដែរ ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ