មនុស្សចំនួន៥នាក់ ត្រូវបានប្រពន្ធជនបង្កក្នុងករណីគ្រោះថ្នាក់ចរាចរណ៍មួយ ដែលកើតឡើងកាលពីថ្ងៃទី១៥ ខែមេសា ឆ្នាំ២០២៣ ស្ថិតនៅក្នុងស្រុកសំរោង បានដាក់ពាក្យប្តឹងទៅកាន់តុលាការ
ខេត្តតាកែវ ៖ មនុស្សចំនួន៥នាក់ ត្រូវបានប្រពន្ធជនបង្កក្នុងករណីគ្រោះថ្នាក់ចរាចរណ៍មួយ ដែលកើតឡើងកាលពីថ្ងៃទី១៥ ខែមេសា ឆ្នាំ២០២៣ ស្ថិតនៅក្នុងស្រុកសំរោង បានដាក់ពាក្យប្តឹងទៅកាន់តុលាការ។
តាមដីកាកោះ ដែលទទួលបានចេញដោយលោក ញ៉ាន បូរី ព្រះរាជអាជ្ញារង នៃអយ្យការអមសាលាដំបូងខេត្តតាកែវ បង្ហាញថា ឈ្មោះ ឃឹម សុខឡី បានប្តឹងឈ្មោះ មែន ឃាន, ឈ្មោះ ខាត់ ជីវ៉ា ហៅ អាវត្ត, ឈ្មោះ ថន សុភាព, ឈ្មោះ ថន ឃីម, និងឈ្មោះ យ៉េ រិទ្ធី ពីបទឃា.តក.ម្ម និងហិ.ង្សាដោយចេតនា ដែលមានស្ថានទម្ងន់ទោសដោយសារមរណភាពនៃជនរងគ្រោះ។
ក្រោយមានដីកាកោះហើយនោះ នៅថ្ងៃទី២១ ខែមិថុនា ឆ្នាំ២០២៣ មនុស្សទាំង៥នាក់ក៏បានទៅបំភ្លឺនៅតុលាការហើយដែរ ហើយអ្វីដែលពួកគាត់មិនអស់ចិត្តនោះ គឺបែរជាប្រពន្ធជនបង្កត្រឡប់មកប្តឹងពួកគាត់ទៅវិញ ហេតុអ្វី?។ ពួកគាត់ទាំង៥នាក់ បានបញ្ជាក់ថា ជនបង្កបានស្លា.ប់ហើយ នៅពេលបញ្ជូនទៅដល់មន្ទីរពេទ្យ ដោយសារសង្គ្រោះមិនបាន ចំណែកជនរងគ្រោះវិញនៅមានជីវិតទេ តែត្រូវពិការភាពស្លា.ប់មួយចំហៀងខ្លួន។
សូមរំលឹកថា តាមរបាយការណ៍របស់លោកមេប៉ុស្តិ៍នគរបាលរដ្ឋបាលរវៀង ដាក់ទៅអធិការដ្ឋាននគរបាលស្រុកសំរោង បានបញ្ជាក់ថា នៅថ្ងៃទី១៥ ខែមេសា ឆ្នាំ២០២៣ វេលាម៉ោង១៨និង៥០នាទី មានករណីគ្រោះថា្នក់ចរាចរណ៍មួយរវាងម៉ូតូ និងអ្នកថ្មើរជើង ស្ថិតនៅលើផ្លូវខេត្តលេខ១២៥ គីឡូម៉ែត្រលេខ១ -២ ក្នុងភូមិត្រពាំងស្ទង ឃុំរវៀង ស្រុកសំរោង ខេត្តតាកែវ។
របាយការណ៍បានបញ្ជាក់ថា អ្នកថ្មើរជើងឈ្មោះ ម៉ែន ឃាន ភេទប្រុស អាយុ៦៥ឆ្នាំ ជាកសិករ រស់នៅភូមិកើតហេតុ បានរងរបួសធ្ងន់ ចំណែកអ្នកបើកបរម៉ូតូឈ្មោះ វ៉ាន់ រស្មី ភេទប្រុស អាយុ៥១ឆ្នាំ រស់នៅភូមិកើតហេតុជាមួយគ្នា រងរបួសធ្ងន់ដូចគ្នា៕
ចែករំលែកព័តមាននេះ