មិនខុសនឹងពាក្យថា កូនអកតញ្ញូបានសងគុណឪពុកនូវទង្វើអគតិដុតបំផ្លាញទ្រព្យសម្បត្តិ និងផ្ទះសម្បែង គ្រាន់តែរឿងផឹកស្រាស្រវឹងខឹងខ្ចីម៉ូតូឪពុកមិនឲ្យជិះ បង្កឱ្យមានការភ្ញាក់ផ្អើលកាលពី
ខេត្តឧត្តរមានជ័យ ៖ មិនខុសនឹងពាក្យថា កូនអកតញ្ញូបានសងគុណឪពុកនូវទង្វើអគតិដុតបំផ្លាញទ្រព្យសម្បត្តិ និងផ្ទះសម្បែង គ្រាន់តែរឿងផឹកស្រាស្រវឹងខឹងខ្ចីម៉ូតូឪពុកមិនឲ្យជិះ បង្កឱ្យមានការភ្ញាក់ផ្អើលកាលពីព្រលប់ថ្ងៃទី២៧ ខែមិថុនា ឆ្នាំ២០២៣ នៅចំណុចទំនប់អាស្ន៊ី ស្ថិតក្នុងភូមិពោធិ៍ចាស់ ឃុំបេង ស្រុកបន្ទាយអំពិល ខេត្តឧត្តរមានជ័យ ។
តែទោះជាយ៉ាងណាក្តី កូនអកតញ្ញូរូបនោះ ត្រូវបានសមត្ថកិច្ចឃាត់ខ្លួន រួចនាំយកទៅដុសក្អែលហើយ ដើម្បីកុំឲ្យថ្ងៃក្រោយមិនរាងចាលទៀត។ យុវជនរូបនោះមានឈ្មោះ ផ្លយ សុផល ហៅផល ភេទប្រុស អាយុ២៨ឆ្នាំ រស់នៅភូមិបុស្សស្បូវ សង្កាត់បុស្សស្បូវ ក្រុងសំរោង ខេត្តឧត្តរមានជ័យ។
បើតាមឪពុករបស់ជនបង្ក បានរៀបរាប់ឱ្យដឹងថា នៅព្រលប់ថ្ងៃកើតហេតុនេះ កូនប្រុសជាទីស្រឡាញ់របស់គាត់ ដែលគ្មានមុខរបរអ្វីឲ្យពិតប្រាកដមួយនោះទេ មួយថ្ងៃៗគិតតែជួបជុំគ្នាផឹកសុរា។ លុះនៅថ្ងៃកើតហេតុ កូនអកត្តញ្ញូបានផឹកស៊ីស្រវឹង ហើយខឹងជាមួយនឹងរូបគាត់ជាឪពុកដែលមិនឲ្យខ្ចីម៉ូតូជិះ ស្រាប់តែដើរទៅដុតខ្ទមនៅចម្ការ ដែលមានទទឹង៥ម៉ែត្រ បណ្តោយ៦ ប្រក់ស័ង្កសី ជញ្ជាំងក្ដារ បណ្តាលឲ្យឆាបឆេះហ្មត់តែម្តង ថែមទាំងឆេះដោយទាំងម៉ូតូម៉ាឌ្រីមសង់១២៥ ស៊េរីឆ្នាំ២០១៧ ពណ៌ខ្មៅ ពាក់ស្លាកលេខ ប.ជ 1Q-3540 មួយគ្រឿង និងសម្ភារៈប្រើប្រាស់មួយចំនួនទៀតផង ព្រមទាំងក្រដាស់កិច្ចសន្យាចងការប្រាក់ចំនួន៩ច្បាប់ផងដែរ។
ដោយមើលឃើញទង្វើរបស់កូនប្រុសសងគុណបែបនេះ បុរសជាឪពុកបានរាយការណ៍ជូនសមត្ថកិច្ចនគរបាលមូលដ្ឋាន ឲ្យឃាត់ខ្លួនរូបគេយកទៅដុសក្អែលចេញម្តង ដើម្បីថ្ងៃក្រោយសុំឱ្យរាង៕
ចែករំលែកព័តមាននេះ