ខេត្តកំពត ៖ ក្រុមចោរច្រើននាក់ដែលឆ្មក់ប្លន់តូបលក់មាសនៅផ្សារទូកមាសចំនួន៣តូប ហើយរត់គេចខ្លួនយ៉ាងប៉ផាប់ពភីងនោះ ត្រូវបានសមត្ថកិច្ចចាប់ខ្លួនបាន៤នាក់ហើយនៅក្នុងឃុំកន្ទួត ស្រុកកណ្តាលស្ទឹង ខេត្តកណ្តាល កាលពីវេលាម៉ោង៣រសៀលថ្ងៃទី៨ ឧសភា ហើយប៉ូលិសកំពុងតែតាមប្រមាញ់គ្នារបស់ចោរជាច្រើននាក់ជាបន្តទៀត ។
ខេត្តកំពត ៖ ក្រុមចោរច្រើននាក់ដែលឆ្មក់ប្លន់តូបលក់មាសនៅផ្សារទូកមាសចំនួន៣តូប ហើយរត់គេចខ្លួនយ៉ាងប៉ផាប់ពភីងនោះ ត្រូវបានសមត្ថកិច្ចចាប់ខ្លួនបាន៤នាក់ហើយនៅក្នុងឃុំកន្ទួត ស្រុកកណ្តាលស្ទឹង ខេត្តកណ្តាល កាលពីវេលាម៉ោង៣រសៀលថ្ងៃទី៨ ឧសភា ហើយប៉ូលិសកំពុងតែតាមប្រមាញ់គ្នារបស់ចោរជាច្រើននាក់ជាបន្តទៀត ។
តាមប្រភពព័ត៌មានទាន់ហេតុការណ៍ជាជំហានដំបូងបានឱ្យដឹងថា ចោរប្រដាប់អាវុធមួយក្រុមមានគ្នាពី៤ទៅ៦នាក់ ជិះម៉ូតូម៉ាក SL ៣គ្រឿងចូលប្លន់តូបលក់មាសចំនួន៣តូប នៅផ្សារទូកមាស ស្រុកបន្ទាយមាស ប្រមូលយកគ្រឿងអលង្ការ និងប្រាក់ខ្មែរ-អាមេរិកមួយចំនួនទៅបាត់ កាលពីវេលាម៉ោង១និង៣០នាទី រសៀល ថ្ងៃទី៨ ឧសភា ២០១១ ដោយមានការដេញចាប់ខ្លួនពីសមត្ថកិច្ចយ៉ាងប្រកៀកប្រកិត និងបាញ់តបតគ្នាទៅវិញទៅមកផងដែរ ។
គេមិនទាន់ប្រាប់ឱ្យដឹងថា តើក្រុមចោរយកគ្រឿងអលង្ការមាស-ប្លាទីន ប្រាក់ខ្មែរ-អាមេរិកទៅជាមួយចំនួនប៉ុន្មាននោះទេ? ប៉ុន្តែខណៈពេលក្រុមចោររត់គេចខ្លួន ក៏ស្រាប់តែចូលអន្ទាក់ប៉ូលិស ហើយបានបាញ់គ្នាមួយប្រាវដោយក្រុមចោរបាញ់តដៃជាមួយប៉ូលិស ដើម្បីរំដោះខ្លួន ចំណែកប៉ូលិសបានបាញ់ទៅលើក្រុមចោរដើម្បីការពារខ្លួន និងច្បាមចាប់ពួកចោរ…ក្រុមចោរបានរត់គេចខ្លួនចូលដល់ស្រុកសំរោង ខេត្តតាកែវ និងបន្តមកដល់ស្រុកបាទី ខេត្តតាកែវដដែល។ លុះក្រុមចោររត់មកដល់ទឹកដីឃុំកន្ទួត ស្រុកកណ្តាលស្ទឹង ខេត្តកណ្តាល ក៏ពើបប្រទះនឹងកម្លាំងប៉ូលិស ហើយព័ទ្ធចាប់ខ្លួនបាន៤នាក់តែម្តង។ គិតត្រឹមវេលាម៉ោង៤រសៀលថ្ងៃដដែល ប៉ូលិសកំពុងតែតាមច្បាមចាប់ក្រុមចោរនៅឡើយ ៕
ចែករំលែកព័តមាននេះ