ខេត្តកំពត ៖ ប្រជាពលរដ្ឋចំនួន៤៨៤គ្រួសារ ក្នុងនោះមកពីស្រុកឈូក, ស្រុកដងទង, ស្រុកទឹកឈូ និងស្រុកបន្ទាយមាស បានជួបធ្វើការដោះស្រាយគ្នាជាមួយក្រុមហ៊ុនប្រភពដីមាស ដែលមានលោកឧកញ៉ាហ៊ី គឹមហុង…
ខេត្តកំពត ៖ ប្រជាពលរដ្ឋចំនួន៤៨៤គ្រួសារ ក្នុងនោះមកពីស្រុកឈូក, ស្រុកដងទង, ស្រុកទឹកឈូ និងស្រុកបន្ទាយមាស បានជួបធ្វើការដោះស្រាយគ្នាជាមួយក្រុមហ៊ុនប្រភពដីមាស ដែលមានលោកឧកញ៉ាហ៊ី គឹមហុង ជាអគ្គនាយកក្រុមហ៊ុន និងលោកឧកញ៉ាម្នាក់ទៀតឈ្មោះចេង សង្ហាក់ ជាអគ្គនាយកក្រុមហ៊ុនពិភពដីមាសដែរបានធ្វើការដោះស្រាយ កាលពីព្រឹកថ្ងៃទី២៦ ខែមិថុនា នេះ ស្ថិតនៅស្នងការដ្ឋាននគរបាលខេត្តកំពត តាមលិខិតអញ្ជើញរបស់លោកឧត្តមសេនីយ៍ទោម៉ៅ ចន្ទ័មធុរិទ្ធ ស្នងការនគរបាលខេត្តកំពត ឱ្យលោកឧកញ៉ាទាំងពីរមកជួបពលរដ្ឋ ។
ប៉ុន្តែនៅព្រឹកថ្ងៃទី26 ខែមិថុនា នោះ មិនឃើញមុខឧកញ៉ាហ៊ី គឹមហុង និងលោកឧកញ៉ាចេង សង្ហាក់នោះទេ បែរជាឱ្យលោកប្រាក់ ពិន អះអាងថា ជាអគ្គនាយកក្រុមហ៊ុនពិភពដីមាស មកធ្វើការដោះស្រាយទៅវិញ។ ប្រជាពលរដ្ឋដដែលបានអះអាងថា ចាញ់បោកក្រុមហ៊ុនពិភពដីមាសម្នាក់ៗរាប់ម៉ឺនដុល្លារ សុទ្ធតែបាននិយាយថា ខ្លួនមិនទទួលបានប្រាក់ការពីក្រុមហ៊ុនទេ និងសុំអោយក្រុមហ៊ុនសងប្រាក់ដើមឱ្យគ្រប់ចំនួនដែលខ្លួនបានដាក់អោយក្រុមហ៊ុន ។
លោកប្រាក់ពិន តំណាង អោយក្រុមហ៊ុនពិភពដីមាសនោះ បានលើកឡើងថា ក្រុមហ៊ុននឹងទទួលខុសត្រូវនិងចាប់ដំណើរការសង់ប្រាក់ដើមទៅអោយប្រជាពលរដ្ឋវិញ ។ ប្រជាពលរដ្ឋដែលជាជនរងគ្រោះក៏បានឆ្លើយតបភ្លាមៗទៅលោកប្រាក់ ពិនតំណាង ឱ្យក្រុមហ៊ុនពិភពដីមាសថា បើដឹងលោកប្រាក់ ពិន មកដោះស្រាយពួកគាត់មិនបាច់មកទេ ព្រោះលោកប្រាក់ ពិន នេះ និយាយមិនពិតនិយាយកុហកនិងសន្យាខ្យល់ចោល។
លោកឧត្តមសេនីយ៍ទោម៉ៅ ចន្ទ័មធុរិទ្ធ ស្នងការខេត្តកំពតមានប្រសាសន៍ថា លោកនិងខិតខំដោះស្រាយជួនបងប្អូនប្រជាពលរដ្ឋដែលជាអ្នករងគ្រោះ។ លោកឧត្តមសេនីយ៍ទោមានប្រសាសន៍ទៀតថា ក្នុងនាម ជាអាជ្ញាធរឈរកណ្ដាលមិនលំហៀងទៅខាងណាទេ គឺលោកយកច្បាប់ជាធំ ។ លោកឧត្តមសេនីយ៍ទោម៉ៅ ចន្ទ័មធុរិទ្ធ ឱ្យតំណាងក្រុមហ៊ុនស្ដាប់ដោយខ្លួនឯងគ្មាននណាបញ្ជាអោយនិយាយទេ។
លោកឧត្តមសេនីយ៍ទោមានប្រសាសន៍ថា ការដោះស្រាយថ្ងៃនេះមិនទទួលបានផ្លែផ្កាទេ ព្រោះពលរដ្ឋចង់ជួបលោកឧកញ៉ាទាំងពីរនាក់ជាចាំបាច់។ លោកឧត្តមសេនីយទោមានប្រសាសន៍ថា លោកនឹងធ្វើលិខិតអញ្ជើញលោកឧកញ៉ាទាំងពីរនាក់ មកធ្វើការដោះស្រាយជាមួយពលរដ្ឋជាលើកទី2 ក្នុងនោះក៏មានឯកឧត្តមអភិបាលខេត្តកំពតចូលរួមផងដែរ ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ