ស្រុកព្រៃនប់ ៖ បងប្អូនប្រជាពលរដ្ឋមួយចំនួននៅក្នុងឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ បានប្រកបរបរធ្វើបង្គាក្រៀម ដែលមុខរបរនេះកំពុងមានទីផ្សារខ្លាំងរហូតមកទល់ថ្ងៃនេះ។ ហើយសម្រាប់បច្ចុប្បន្ន របរទាំងនេះក៏មិនមានតែនៅក្នុងឃុំឧកញ៉ាហេងប៉ុណ្ណោះទេ មានប្រជាពលរដ្ឋនៅតាមបណ្តាឃុំមូលដ្ឋានផ្សេងៗទៀត…
ស្រុកព្រៃនប់ ៖ បងប្អូនប្រជាពលរដ្ឋមួយចំនួននៅក្នុងឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ បានប្រកបរបរធ្វើបង្គាក្រៀម ដែលមុខរបរនេះកំពុងមានទីផ្សារខ្លាំងរហូតមកទល់ថ្ងៃនេះ។ ហើយសម្រាប់បច្ចុប្បន្ន របរទាំងនេះក៏មិនមានតែនៅក្នុងឃុំឧកញ៉ាហេងប៉ុណ្ណោះទេ មានប្រជាពលរដ្ឋនៅតាមបណ្តាឃុំមូលដ្ឋានផ្សេងៗទៀត ក៏ចាប់ប្រកបរបរនេះដូចគ្នា ដើម្បីតម្រូវការទីផ្សារ ។
ប្រជាពលរដ្ឋជាអ្នកប្រកបមុខរបរបង្គាក្រៀមនេះបានឱ្យដឹងថា សម្រាប់ទីផ្សារលក់ដូរបង្គាលក្រៀមមិនខ្វះទេ ហើយតម្លៃក៏បានថ្លៃគួរសមដែរ ។ គាត់បានបញ្ជាក់បន្តថា ពេលដែលធ្វើចេញជាបង្គាក្រៀមរួចហើយ យើងលក់ចេញតាមលេខ ដូចជាបង្គារក្រៀមស្អាតគ្រប់បង្គារធំៗជាប្រភេទលេខ១ លក់បានក្នុង១ គីឡូក្រាមតំលៃ៣០ម៉ឺនរៀល, លេខ២ក្នុង១គីឡូក្រាម២៥ម៉ឺនរៀល និងលេខ៣ក្នុង១គីឡូក្រាមតម្លៃ១៥ម៉ឺនរៀល ។
គាត់បន្តថា ចំពោះបង្គាក្រៀមចេញពីគាត់គឺសុទ្ធសឹងតែទទួលបានការគាំទ្រ និងសរសើរពីអតិថិជនដែលជាវយកទៅ ព្រោះការធ្វើរើសយកបង្គាធម្មជាតិស្រស់ៗ និងធ្វើប្រកបដោយអនាម័យ ទាំងទីតាំងកន្លែងការហាល កន្លែងបោក គឺជាកន្លែងអនាម័យល្អ ..។ ពលរដ្ឋដែលធ្វើបង្គានោះ បានឲ្យដឹងបន្ថែមពីរបៀបធ្វើបង្គារក្រៀមដោយសង្ខេបថា មុនដំបូង គេយកបង្គាស្រស់ៗ បង្គាតូចៗល្មមយកទីស្ងោរ ដោយមានដាក់អំបិល និងប៊ីចេងខ្លះៗ ។
ពេលដែលស្ងោរឆ្អិនហើយពួកគាត់យកបង្គានោះទៅហាលឱ្យស្ងួតល្អ ហើយយកទៅបោកអោយសំបកទើបយកទៅរែង អុំ រើស ឲ្យស្អាត ហើយយកទៅច្រកនៅក្នុងប៊ីដុង ទើបបន្តរើសតាមលេខគ្របតូចធំល្អ ច្រកថង់សម្រាប់ដាក់លក់ ហើយនិងមានបងប្អូនខ្លះកម្មង់ទិញយកទៅលក់តាមទីផ្សារផ្សេងៗផងដែរ ។
ក្រៅតែពីប្រកបរបរធ្វើបង្គាយក្រៀមនេះ បងប្អូនប្រជាពលរដ្ឋមួយចំនួននៅក្នុងតំបន់សមុទ្រក្នុងខេត្តព្រះសីហនុ ក៏មានមុខរបរស្រដៀងនឹងគ្នានេះដែរ ដូចជាការធ្វើត្រីក្រៀមជាដើម ដែលរបរធ្វើត្រីក្រៀមនេះក៏មានទីផ្សារដើរដូចធ្វើបង្គាក្រៀមដូចគ្នា ។ ហើយសកម្មភាពទាំងនេះ ក៏ទទួលបានការគាំទ្រលើកទឹកចិត្តពីមន្ត្រីអាជ្ញាធរ និងមន្ត្រីរដ្ឋបាលគ្រប់លំដាប់ថ្នាក់ផងដែរ ។
ចែករំលែកព័តមាននេះ