ឡានដឹកស.ពពីព្រំដែនថៃ យកទៅធ្វើបុណ្យនៅផ្ទះឯភ្នំពេញ ស្រាប់តែជួបគ្រោះតាមផ្លូវ
- កំពង់ឆ្នាំង
ខេត្តកំពង់ឆ្នាំង ៖ ស.ពបុរសម្នាក់ ខណៈត្រូវដឹកតាមរថយន្តពីព្រំប្រទល់ប្រទេសថៃ ឆ្ពោះយកទៅធ្វើ
ខេត្តកំពង់ឆ្នាំង ៖ ស.ពបុរសម្នាក់ ខណៈត្រូវដឹកតាមរថយន្តពីព្រំប្រទល់ប្រទេសថៃ ឆ្ពោះយកទៅធ្វើ
ខេត្តកំពង់ឆ្នាំង ៖ ស.ពបុរសម្នាក់ ខណៈត្រូវដឹកតាមរថយន្តពីព្រំប្រទល់ប្រទេសថៃ ឆ្ពោះយកទៅធ្វើបុណ្យនៅផ្ទះគេហដ្ឋានឯរាជធានីភ្នំពេញ ស្រាប់តែរថយន្តនោះបានក្រឡា.ប់ធ្លាក់ចូលប្រឡាយ បង្កការភ្ញាក់ផ្អើលកើតឡើងកាលពីវេលាម៉ោង៣និង៤០នាទីរសៀលថ្ងៃទី២២ ខែមិថុនាឆ្នាំ ២០២៣ តាមបណ្ដោយផ្លូវជាតិលេខ៥ ចន្លោះគីឡូម៉ែត្រលេខ១២០ និង១២១ ស្ថិតក្នុងភូមិកណ្តាល ឃុំត្រពាំងចាន់ ស្រុកបរិបូណ៌ ខេត្តកំពង់ឆ្នាំង ។
សមត្ថកិច្ចនគរបាលមូលដ្ឋាននៅកន្លែងកើតហេតុ បានឲ្យដឹងថា មានអ្នកជំងឺជាបុរសម្នាក់បានទៅព្យាបាលនៅប្រទេសថៃហើយក៏បានស្លា.ប់ រួចក្រុមគ្រួសារក៏បានជួលរថយន្តដឹកយកទៅធ្វើបុណ្យតាមប្រពៃណីនៅលំនៅដ្ឋានរាជធានីភ្នំពេញ ប៉ុន្តែពេលដឹកតាមរថយន្តឈ្នួលម៉ាកស្តារិច ពណ៌ទឹកប្រាក់ មកដល់កន្លែងកើតហេតុ ក៏បានផ្ទុះកង់មុខ និងក្រោយខាងស្ដាំទាំង២គ្រាប់ បណ្តាលឱ្យក្រឡា.ប់ធ្លាក់ចូលប្រឡាយទឹកតែម្ដង។
តាមប្រភពដដែលបានបន្តថា អ្នកជិះក្នុងរថយន្តជាគ្រួសារស.ពជនរងគ្រោះមានគ្នា៥នាក់ បានរងរបួស៣នាក់ ក្នុងនោះធ្ងន់ម្នាក់ ហើយត្រូវបានដឹកទៅសង្គ្រោះនៅមណ្ឌលសុខភាពស្រុកបរិបូណ៌។ចំណែកស.ព ត្រូវបានក្រុមគ្រួសារជួលរថយន្តបន្តដឹកទៅធ្វើបុណ្យតាមប្រពៃណី។
ជុំវិញហេតុការណ៍ដឹកស.ពយកទៅធ្វើបុណ្យ ហើយបណ្ដាលឲ្យក្រឡា.ប់រថយន្តតាមផ្លូវបែបនេះ ត្រូវបានអ្នកមានជំនឿភាគច្រើនលើកឡើងថា ការដឹកស.ពតាមរថយន្តធ្វើដំណើរតាមផ្លូវបែបនេះ គឺត្រូវរៀបចំធ្វើបុណ្យតាមប្រពៃណីត្រឹមត្រូវ ទើបមានសុវត្ថិភាពពេលធ្វើដំណើរតាមផ្លូវ ។ ទោះជាយ៉ាងនេះក្តី នេះគ្រាន់តែជាជំនឿតគ្នា តែប៉ុណ្ណោះ ៕
ចែករំលែកព័តមាននេះ