៤យប់៤ថ្ងៃហើយ! ភ្លើងឆេះព្រៃលិចទឹកអស់ជាង២០ហិកតា មិនទាន់គ្រប់គ្រងបាននៅឡើយ
- សៀមរាប
ខេត្តសៀមរាប ៖ ព្រៃលិចទឹក ស្ថិតនៅចំណុចកប៉ាល់ផ្កា.ប់ សង្កាត់ចុងឃ្នៀស ក្រុងសៀមរាប ខេត្ត
ខេត្តសៀមរាប ៖ ព្រៃលិចទឹក ស្ថិតនៅចំណុចកប៉ាល់ផ្កា.ប់ សង្កាត់ចុងឃ្នៀស ក្រុងសៀមរាប ខេត្ត
ខេត្តសៀមរាប ៖ ព្រៃលិចទឹក ស្ថិតនៅចំណុចកប៉ាល់ផ្កាប់ សង្កាត់ចុងឃ្នៀស ក្រុងសៀមរាប ខេត្តសៀមរាប ត្រូវបានភ្លើងឆេះអស់រយៈពេល៤យប់៤ថ្ងៃ អស់ទំហំប្រមាណជាង២៥ហិកតាហើយ នៅមិនទាន់គ្រប់គ្រងបាននៅឡើយទេ គិតត្រឹមវេលាម៉ោង១០និង១៥នាទីថ្ងៃទី៦ ខែ ឧសភា ឆ្នាំ ២០២៤ ។
តាមប្រភពពីសមត្ថកិច្ចជំនាញរបស់ស្នងការដ្ឋាននគរបាលខេត្តសៀមរាប បានប្រាប់នៅព្រឹកថ្ងៃទី៧ ខែឧសភា ឆ្នាំ២០២៤ នេះថា ករណីឆេះព្រៃលិចទឹក ស្ថិតនៅចំណុចកប៉ាល់ផ្កាប់ សង្កាត់ចុងឃ្នៀស ក្រុងសៀមរាប ខេត្តសៀមរាប រយៈពេល៤ថ្ងៃ៤យប់នោះ ដែលកម្លាំងនគរបាលចម្រុះរបស់ស្នង ការដ្ឋាននគរបាលខេត្តសៀមរាប កំពុងបន្តវាយលុកសម្រុកបាញ់ទឹក ដើម្បីឱ្យពន្លត់ ព្រោះករណីឆេះព្រៃលិចទឹកនេះ មូលហេតុដោយសារក្មេងចូលដុតព្រៃយកឃ្មុំ កាលពីថ្ងៃទី៣ ខែឧសភា ឆ្នាំ២០២៤ កន្លងទៅថ្មីៗនេះ។
ប្រភពពីសមត្ថកិច្ចបានបញ្ជាក់ទៀតថា ភ្លើងឆេះព្រៃលិចទឹកនេះបានកើតឡើងតាំងពីថ្ងៃទី៣ រហូត មកដល់ព្រឹកថ្ងៃទី៧ ឧសភានេះ នៅមិនទាន់រលត់ទាំងស្រុងនោះឡើយ ៕
ចែករំលែកព័តមាននេះ