នាវាបា.ត់ដានអស់អុកស៊ីហ្សែនត្រឹមថ្ងៃនេះ តែកងឆ្មាំឆ្នេរសមុទ្រថា នៅមានសង្ឃឹម
សហរដ្ឋអាមេរិក ៖ ក្នុងសន្នសីទសារព័ត៌មានមួយកាលពីថ្ងៃទី២១មិថុនានៅក្រុងបូស្តុន កងឆ្មាំឆ្នេរ
សហរដ្ឋអាមេរិក ៖ ក្នុងសន្នសីទសារព័ត៌មានមួយកាលពីថ្ងៃទី២១មិថុនានៅក្រុងបូស្តុន កងឆ្មាំឆ្នេរសមុទ្រអាមេរិកថ្លែងថា គេត្រូវមានសុទិដ្ឋិនិយមនិងរក្សាក្ដីសង្ឃឹម ទាក់ទិននឹងនាវាមុជទឹកធុនតូចដែលបាត់ដានក្នុងមហាសមុទ្រអត្លង់ទិកផ្នែកខាងជើង ពេលចុះទៅស្រាវជ្រាវខ្មោចនាវាទីតានិក។ គួររំលឹកថា បា.ត់ដាននាវាមុជទឹក១គ្រឿង ពេលដឹកភ្ញៀវទេសចរទៅមើលខ្មោ.ចនាវាទីតានិក
កងឆ្មាំឆ្នេរសមុទ្រស្នើកុំដាក់ដៃចុះ ក៏ទោះបីខ្យល់អុកស៊ីហ្សែនក្នុងនាវាមុជទឹកនោះ ត្រូវអស់ត្រឹមថ្ងៃទី២២មិថុនាក្ដី។ អ្នកនាំពាក្យកងឆ្មាំឆ្នេរសមុទ្រអាមេរិកបន្តថា អំពីសំឡេងដែលចាប់បានក្នុងទឹក ដោយបណ្ដាយន្តហោះស៊ើបការណ៍ធុនP-3របស់កាណាដាក្នុងតំបន់រុករក យើងមិនអាចកំណត់ថាតើនោះជាសំឡេងអ្វីឲ្យពិតប្រាកដដែរ។
ទោះបីការតាមរុករកដោយប្រើឧបករណ៍ROVជាឧបករណ៍តេឡេកុំម៉ង់ ផ្ដល់លទ្ធផលអវិជ្ជមានតែការតាមរុករកនៅបន្ត។ ប្រតិបត្តិការរុករកពិតជាលំបាក ដោយលើផ្ទៃទឹកសមុទ្រមានរលកធំៗហើយទឹកជ្រៅក្នុងតំបន់រុករក។ ភ្នាក់ងារនិងប្រទេសជាច្រើនក៏លើកមកជួយក្នុងការរុករកនេះដែរ។
រ៉ូបូ២គ្រឿងនិងនាវា១គ្រឿងមានឧបករណ៍សូណា ត្រូវបានដាក់ពង្រាយ ត្រង់តំបន់ចាប់បានសំឡេងពីក្នុងទឹក ដើម្បីតាមរកប្រភពសំឡេងនោះ។ នាវារុករកបារាំងមួយគ្រឿងជាមួយរ៉ូបូអាចមុជទឹករហូតដល់ខ្មោចនាវាទីតានិក ដែលលិចក្នុងបាតសមុទ្រជម្រៅជិត៤០០០ម៉ែត្រក៏បញ្ជូនទៅដែរ៕
អត្ថបទពាក់ព័ន្ធ ៖
-ភ្ញាក់ផ្អើល! ពេលដឹងសមាសភាពអ្នកជិះនាវាមុជទឹកបា.ត់ដាន ពេលទៅមើលខ្មោ.ចនាវា Titanic
ចែករំលែកព័តមាននេះ