ខេត្តបន្ទាយមានជ័យ ៖ មុនមេឃមិនទាន់ភ្លៀង គ្រួសារមួយបាននាំគ្នាយកគោយន្តទៅលាងទឹក ស្រាប់តែនៅថ្ងៃរសៀលបន្តិចក៏មានភ្លៀងធ្លាក់ខ្លាំង លាយឡំដោយខ្យល់កន្ទ្រាក់ និងផ្គររន្ទះ អនិច្ចារគ្រួសារកសិករនោះ ក៏ត្រូវបានរន្ទះបាញ់ប្រល័យជីវិតស្ត្រីជាម្តាយ និងកូន២នាក់…
ខេត្តបន្ទាយមានជ័យ ៖ មុនមេឃមិនទាន់ភ្លៀង គ្រួសារមួយបាននាំគ្នាយកគោយន្តទៅលាងទឹក ស្រាប់តែនៅថ្ងៃរសៀលបន្តិចក៏មានភ្លៀងធ្លាក់ខ្លាំង លាយឡំដោយខ្យល់កន្ទ្រាក់ និងផ្គររន្ទះ អនិច្ចារគ្រួសារកសិករនោះ ក៏ត្រូវបានរន្ទះបាញ់ប្រល័យជីវិតស្ត្រីជាម្តាយ និងកូន២នាក់ បានរងរបួសធ្ងន់ ដោយបានបញ្ជូនទៅមន្ទីរពេទ្យ ។
ហេតុការណ៍រន្ធត់ខាងលើ កើតឡើងវេលាម៉ោង៣ និង៣០នាទីរសៀលថ្ងៃទី២១ ខែមិថុនា ឆ្នាំ២០២៣ នៅចំណុចស្រះអ៊ុមាំង ស្ថិតក្នុងភូមិស្លែង ឃុំណាំតៅ ស្រុកភ្នំស្រុក ខេត្តបន្ទាយមានជ័យ ។ ជនរងគ្រោះឈ្មោះ ឡាច សាម៉ន ភេទស្រី អាយុ២៦ ឆ្នាំ (ស្លាប់) រស់នៅភូមិស្លែង ឃុំណាំតៅ ស្រុកភ្នំស្រុក ខេត្តបន្ទាយមានជ័យ ។
នៅពេលទទួលបានព័ត៌មាននោះភ្លាម កម្លាំងសមត្ថកិច្ចជំនាញ សហការជាមួយកម្លាំងប៉ុស្តិ៍ណាំតៅ បានចុះដល់កន្លែងកើតហេតុ និងបានបង្កើតគណៈកម្មការត្រួតពិនិត្យ និងធ្វើកោសលវិច្ច័យលើសាកសព ។
ទាក់ទិនហេតុការខាងលើ ឈ្មោះ ប៉ិន ចាន់ ភេទប្រុស អាយុ៣១ឆ្នាំ ត្រូវជាប្តីជនរងគ្រោះ បានរៀបរាប់ឲ្យដឹងថា មុនពេលកើតហេតុ រូបគាត់និងប្រពន្ធ រួមមានកូន២នាក់ (ស្រីម្នាក់ប្រុសម្នាក់) បាននាំគ្នាយកគោយន្តកន្ត្រៃទៅលាងទឹក នៅកន្លែងកើតហេតុ ពេលនោះក៏មានភ្លៀងធ្លាក់មកខ្លាំង ស្រាប់តែមានរន្ទះប្រល័យជីវិតប្រពន្ធ បណ្តាលឲ្យស្លាប់ត្រូវនៅកណ្តាលវាលស្រែ និងកូនទាំង២នាក់រងរបួសជាទម្ងន់ ហើយបានត្រូវដឹកទៅសង្គ្រោះបន្ទាន់នៅមន្ទីរពេទ្យខេត្តសៀមរាប ។
ចែករំលែកព័តមាននេះ