នគរបាលក្រុងព្រះសីហនុ នៅថ្ងៃទី១៧ ខែមិថុនា ឆ្នាំ២០២៣ បានបង្ហាញមុខយុវជន១ក្រុម មានគ្នាចំនួន១២នាក់ ក្នុងចំណោមបក្សពួកជាង៣០នាក់ ដែលបានប្រើប្រាស់មួកសុវត្ថិភាព ខ្សែក្រវាត់ ដំបងឈើ និងដាវកែច្នៃនាំគ្នា
ខេត្តព្រះសីហនុ ៖ នគរបាលក្រុងព្រះសីហនុ នៅថ្ងៃទី១៧ ខែមិថុនា ឆ្នាំ២០២៣ បានបង្ហាញមុខយុវជន១ក្រុម មានគ្នាចំនួន១២នាក់ ក្នុងចំណោមបក្សពួកជាង៣០នាក់ ដែលបានប្រើប្រាស់មួកសុវត្ថិភាព ខ្សែក្រវាត់ ដំបងឈើ និងដាវកែច្នៃនាំគ្នាព្រួតវា.យទៅលើជនរងគ្រោះ បណ្តាលឲ្យបាត់បង់ជីវិត។
យុវជនទាំង១២នាក់ខាងលើនេះ រួមមាន ៖ ១- ឈ្មោះ ចេង បញ្ញា ហៅអាស្លាបមាន់ ភេទប្រុស អាយុ២១ឆ្នាំ មុខរបរលក់ស្លាបមាន់។ ២- ឈ្មោះ សំអាត បញ្ញា ភេទប្រុស អាយុ២៣ឆ្នាំ មុខរបរមិនពិតប្រាកដ។ ៣- ឈ្មោះ ជិន សុខហេង ភេទប្រុស អាយុ១៨ឆ្នាំ មុខរបរមិនពិតប្រាកដ។ ៤- ឈ្មោះ អ៊ឹង ហេង ភេទប្រុស អាយុ១៨ឆ្នាំ មុខរបរមិនពិតប្រាកដ។ ៥- ឈ្មោះ អេន ប្រុស ហៅតូច ភេទប្រុស អាយុ១៨ឆ្នាំ មុខរបរមិនពិតប្រាកដ។
៦- ឈ្មោះ នន់ ចាន់ ភេទប្រុស អាយុ១៧ឆ្នាំ មុខរបរមិនពិតប្រាកដ។ ៧- ឈ្មោះ ជា វាសនា ភេទប្រុស អាយុ២០ឆ្នាំ មុខរបរមិនពិតប្រាកដ។ ៨- ឈ្មោះ ភី សារី ភេទប្រុស អាយុ១៩ឆ្នាំ មុខរបរមិនពិតប្រាកដ។ ៩- ឈ្មោះ ប៊ុន ថន ហៅជា ភេទប្រុស អាយុ១៩ឆ្នាំ មុខរបរមិនពិតប្រាកដ។ ១០- ឈ្មោះ ថៃ គីមហ័ត ហៅស្រួច ភេទប្រុស អាយុ១៨ឆ្នាំ មុខរបរដឹកអីវ៉ាន់។ ១១- ឈ្មោះ ជា សីហា ហៅ ផេង ភេទប្រុស អាយុ១៨ឆ្នាំ មុខរបរ មិនពិតប្រាកដ។ ១២- ឈ្មោះ កេង ចិត្រា ហៅលាភ ភេទប្រុស អាយុ១៧ឆ្នាំ មុខរបរអ្នករៀបចំបន្ទប់សណ្ឋាគារ។
សូមជម្រាបថា យោងតាមរបាយការណ៍របស់សមត្ថកិច្ចស្ដីពីករណីមនុស្សឃា.តដោយចេតនា នៅចំណុចមុខកាស៊ីណូ «យ៉ាព័រ» ស្ថិតនៅក្រុមទី១០ ក្នុងភូមិ២ សង្កាត់លេខ៣ ក្រុង-ខេត្តព្រះសីហនុ កាលពីថ្ងៃទី១២ ខែមិថុនា ឆ្នាំ២០២៣ វេលាម៉ោងប្រហែល៣ទៀបភ្លឺ មានករណីអំពើមនុស្សឃា.តដោយចេតនា ដែលបង្កឡើងដោយជនសង្ស័យប្រហែល៣០នាក់ ដោយខ្លះប្រើមួកសុវត្ថិភាព ខ្លះប្រើខ្សែក្រវាត់ ខ្លះប្រើដំបងឈើ និងខ្លះទៀតប្រើដាវកែច្នៃ បានធ្វើសកម្មភាពព្រួតគ្នាវា.យទៅលើក្រុមម្ខាងទៀតដែលមានគ្នាចំនួន៧នាក់ (ក្នុងនោះប្រុស៣នាក់ និងស្រី៤នាក់) បណ្តាលឲ្យម្នាក់រងរបួសត្រង់ក្បាលធ្ងន់ធ្ងរ រហូតទទួលស្លា.ប់បាត់បង់ជីវិតនៅមន្ទីរពេទ្យព្រះកុសុមៈ រាជធានីភ្នំពេញ។ ជនរងគ្រោះរូបនេះមានឈ្មោះ ស៊ាន ប៊ឺត ភេទប្រុស អាយុ២០ឆ្នាំ មុខរបរកម្មករកប៉ាល់ ស្នាក់នៅភូមិ៣ សង្កាត់លេខ៣ ក្រុង-ខេត្តព្រះសីហនុ។
ក្រោយពីកើតហេតុមានអំពើវា.យកា.ប់ចា.ក់គ្នានោះ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានបញ្ជាទៅលោកវរសេនីយ៍ឯក តី វិសាល អធិការនៃអធិការដ្ឋាននគរបាលក្រុងព្រះសីហនុ ឲ្យប្រើប្រាស់កម្លាំងជំនាញចុះធ្វើការស៊ើបអង្កេត និងស្រាវជ្រាវជាបន្ទាន់ រហូតឈានដល់ការឃាត់ខ្លួនជនសង្ស័យមួយក្រុមចំនួន១២នាក់មានឈ្មោះដូចខាងលើនេះ។
ហើយក្រុមយុវជនបង្កទាំង១២នាក់នេះ កំពុងតែឃាត់ខ្លួននៅអធិការដ្ឋាននគរបាលក្រុងព្រះសីហនុ ដើម្បីធ្វើការសាកសួរ។ ហើយការសាកសួរជាបឋមនោះ មានខ្លះសារភាពថា ជាករណីទំនាស់ផ្តើមចេញពីការគំនុំសងសឹករវាងភាគីម្ខាងទៀត ដែលធ្លាប់ប៉ះទង្គិចពាក្យសំដីគ្នាកន្លង មក»។
តែទោះជាយ៉ាងណាក្តី សមត្ថកិច្ចបានចាត់ទុកយុវជនបង្ក១ក្រុមនេះ ជាជនសង្ស័យពាក់ព័ន្ធករណី.មនុស្សឃា.តដោយចេតនា បណ្តាលឲ្យជនរងគ្រោះបាត់បង់ជីវិត ដូច្នោះពួកគេនឹងត្រូវកសាងសំណុំរឿងបញ្ជូនទៅកាន់សាលាដំបូងខេត្ត ដើម្បីចាត់ការតាមផ្លូវច្បាប់៕
ចែករំលែកព័តមាននេះ