កោះសន្តិភាពបានទទួលព័ត៌មានជាផ្លូវការពីស្នងការដ្ឋាននគរបាលខេត្តកំពត មកថា នៅរសៀលថ្ងៃទី១៦ ខែមិថុនា ឆ្នាំ២០២៣ តុលាការខេត្តកំពត លេខ ៨២ វ.ញ.ព្រ.ទ ចុះថ្ងៃទី១៥ ខែមិថុនា ឆ្នាំ២០២៣ របស់ចៅក្រមស៊ើបសួរសាលាដំបូងខេត្តកំពត
ខេត្តកំពត ៖ កោះសន្តិភាពបានទទួលព័ត៌មានជាផ្លូវការពីស្នងការដ្ឋាននគរបាលខេត្តកំពត មកថា នៅរសៀលថ្ងៃទី១៦ ខែមិថុនា ឆ្នាំ២០២៣ តុលាការខេត្តកំពត លេខ ៨២ វ.ញ.ព្រ.ទ ចុះថ្ងៃទី១៥ ខែមិថុនា ឆ្នាំ២០២៣ របស់ចៅក្រមស៊ើបសួរសាលាដំបូងខេត្តកំពត លោក ភាព សុភា បានចេញដីកាសម្រេចឲ្យឃុំខ្លួនដាក់ពន្ធនាគារជនត្រូវចោទមានឈ្មោះ នាក់ គា ភេទប្រុស អាយុ៣៩ឆ្នាំ ជនជាតិខ្មែរ មុខរបរបុគ្គលិកក្រុមហ៊ុន ជា សារ៉ន មានទីកន្លែងកំណើតនៅភូមិព្រៃក្រាំងខាងជើង ឃុំមានរិទ្ធ ស្រុកដងទង់ និងមានទីលំនៅបច្ចុប្បន្ននៅភូមិបឹង ឃុំបឹងនិមល ស្រុកឈូក ខេត្តកំពត។
ជនខាងលើនេះ ត្រូវដាក់ឱ្យនៅក្រោមការពិនិត្យពីបទឆបោ.ក មានស្ថានទម្ងន់ទោស ដែលប្រព្រឹត្តនៅភូមិបឹងនិមល និងភូមិត្រពាំងបី ស្រុកឈូក និងភូមិព្រៃវែង ឃុំស្រែក្នុង ស្រុកជុំគីរី ខេត្តកំពត ចាប់ពីថ្ងៃទី៨ ខែសីហា ឆ្នាំ២០១៨ រហូតដល់បច្ចុប្បន្ន។
បទល្មើសខាងលើនេះ មានចែង និងបញ្ញត្តិឲ្យផ្ដន្ទាទោសតាមមាត្រាលេខ៣៧៧ មាត្រា៣៨០ នៃក្រមព្រហ្មទណ្ឌ។ ហើយជនត្រូវចោទ បន្ទាប់ពីប្រកាសសាលដីការបង្គាប់រួចមក ត្រូវបានកងកម្លាំងសាធារណៈនាំខ្លួនទៅកាន់ពន្ធនាគារខេត្តកំពត នារសៀលថ្ងៃទី១៦ ខែមិថុនា ឆ្នាំ ២០២៣ នេះហើយ៕
ចែករំលែកព័តមាននេះ