ខេត្តស្ទឹងត្រែង ៖ កម្លាំងជំនាញផ្នែករដ្ឋបាលព្រៃឈើថាឡាបរិវ៉ាត់ សហការជាមួយរដ្ឋបាលព្រៃឈើថ្នាក់កណ្តាល និងអង្គការសម្ព័ន្ធមិត្តសត្វព្រៃ បានធ្វើការបង្ក្រាបរឹបអូសសត្វព្រៃមួយចំនួន កាលពីថ្ងៃទី១៥ ខែមិថុនា ឆ្នាំ២០២៣ ស្ថិតនៅក្នុងស្រុកថាឡាបរិវ៉ាត់ ។
តាមប្រភពព័ត៌មានអោយដឹងថា ដោយមានការស៊ើបអង្កេត ជនប្រព្រឹត្តជួញដូរសត្វព្រៃក្រិនភ្នាក់ងារអង្កេតបានរាយការណ៍ដល់កម្លាំងជំនាញចុះឆែកឆេរលំនៅឋានមួយខ្នង ស្ថិតនៅភូមិសំអាង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង ក៏បានប្រទះឃើញសត្វព្រៃរស់ និងសំណាកសត្វព្រៃមួយចំនួន ។
មន្ត្រីរដ្ឋបាលព្រៃឈើស្រកថាឡាបរិវ៉ាត់អោយដឹងទៀតថា ក្រោមការសម្របសម្រួលនីតិវិធីពីលោក ជា សុភ័ក្ត្រ ព្រះរាជអាជ្ញារងអមសាលាដំបូងខេត្តស្ទឹងត្រែង កម្លាំងសហការបានចុះបង្ក្រាបការធ្វើសន្និធិសត្វព្រៃនិងសំណាកសត្វព្រៃ រួមមានត្រកួតរស់ចំនួន០១ក្បាល ទម្ងន់៤kg អណ្តើក០១ក្បាល ទម្ងន់១.៥kg និងសំណាកសត្វក្តាន់ញែង០១ក្បាល ទម្ងន់១.២kg ប្រព្រិត្តឡើងដោយឈ្មោះ ជីម ញ៉ញ ភេទស្រី អាយុ៥៦ឆ្នាំ ។
ក្រោយពីទួលបានការណែនាំពីជំនាញរដ្ឋបាលព្រៃឈើឈ្មោះ ជីម ញ៉ញ ភេទស្រី អាយុ៥៦ឆ្នាំ ទទួលស្គាល់ទោសកំហុស និងព្រមបង់ប្រាក់ពិន័យអន្តរការណ៍ ។ ចំណែកសត្វព្រៃរស់ត្រូវបានកម្លាំងជំនាញនាំទៅសង្គ្រោះនៅតំបន់សុវត្ថិភាពងផងដែរ ។
ចែករំលែកព័តមាននេះ