រាជធានីភ្នំពេញ ៖ ក្មេងប្រុសអាយុ២ឆ្នាំម្នាក់កំពុងរត់លេងមុខផ្ទះត្រូវរថយន្តដឹកទឹកកកម៉ាកហ៊ីយ៉ាន់ដាយ ពណ៌ស ពាក់ស្លាកលេខ 2A-3247 មួយគ្រឿង បុកបណ្តាលឱ្យស្លា.ប់បាត់បង់ជីវិតនៅពេលបញ្ជូនទៅកាន់មន្ទីរពេទ្យគន្ធបុប្ផាកាលពីវេលាម៉ោង៥និង៥០នាទីព្រឹកថ្ងៃទី៦ ឧសភា ២០១១ នៅលើផ្លូវបេតុង ច្រកចូលអនុវិទ្យាល័យចំរើនជាតិស្ថិតនៅ
រាជធានីភ្នំពេញ ៖ ក្មេងប្រុសអាយុ២ឆ្នាំម្នាក់កំពុងរត់លេងមុខផ្ទះត្រូវរថយន្តដឹកទឹកកកម៉ាកហ៊ីយ៉ាន់ដាយ ពណ៌ស ពាក់ស្លាកលេខ 2A-3247 មួយគ្រឿង បុកបណ្តាលឱ្យស្លាប់បាត់បង់ជីវិតនៅពេលបញ្ជូនទៅកាន់មន្ទីរពេទ្យគន្ធបុប្ផាកាលពីវេលាម៉ោង៥និង៥០នាទីព្រឹកថ្ងៃទី៦ ឧសភា ២០១១ នៅលើផ្លូវបេតុង ច្រកចូលអនុវិទ្យាល័យចំរើនជាតិស្ថិតនៅសង្កាត់ច្រាំងចំរេះទី១ ខណ្ឌឫស្សីកែវ ។ ក្មេងប្រុសដែលជួបគ្រោះអកុសលនោះឈ្មោះឡេះ ហ្វាអ៊ីសាល អាយុ២ឆ្នាំ ជនជាតិអ៊ិស្លាម មានទីលំនៅផ្ទះលេខ៥៨០ ក្រុមទី៧ សង្កាត់ច្រាំងចំរេះទី១ ក្បែរកន្លែងកើតហេតុ។
តាមព័ត៌មានពីសមត្ថកិច្ចឱ្យដឹងថា នៅព្រឹកថ្ងៃកើតហេតុ ក្មេងប្រុសជនជាតិអ៊ិស្លាមរូបនេះកំពុងរត់លេងនៅតាមផ្លូវមុខផ្ទះ ហើយរថយន្តដឹកទឹកកកម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 2A-3247 មួយគ្រឿង បានដឹកទឹកកកយកទៅដាក់ឱ្យម៉ូយនៅក្បែរនោះ ក៏បានបុកក្មេងពេញទំហឹងហើយកិនបែកថ្ពាលខាងឆ្វេងបោកក្បាលរបួសធ្ងន់ ត្រូវក្រុមគ្រួសារបញ្ជូនទៅកាន់មន្ទីរពេទ្យគន្ធបុប្ផា តែនៅពេលទៅដល់ត្រូវគ្រូពេទ្យឱ្យដឹងថា ស្លាប់បាត់ទៅហើយ បន្ទាប់ពីកើតមានគ្រោះថ្នាក់ អ្នកបើកបររថយន្តដឹកទឹកកកបានរត់គេចខ្លួនបាត់ ។
រថយន្តត្រូវបានសមត្ថកិច្ចការិយាល័យចរាចរណ៍ជើងគោកបញ្ជូនទៅកាន់ការិយាល័យដើម្បីដោះស្រាយតាមផ្លូវច្បាប់ ។ ចំណែកក្មេងប្រុសត្រូវក្រុមគ្រួសារបញ្ជូនទៅលំនៅឋានធ្វើបុណ្យតាមប្រពៃណីអ៊ិស្លាម ៕
ចែករំលែកព័តមាននេះ